ആഗ്രഹമുണ്ടെങ്കിൽ ആകാശത്തിനുമപ്പുറം വളരാം -സന്തോഷ് ജോർജ് കുളങ്ങര

കാഞ്ഞിരപ്പള്ളി: ആഗ്രഹങ്ങളും അഭിലാഷങ്ങളുമാണ്​ എല്ലാ നേട്ടങ്ങളുടെയും അടിത്തറയെന്ന്​ സഞ്ചാരി സന്തോഷ് ജോർജ് കുളങ്ങര. ആഗ്രഹമുണ്ടെങ്കിൽ ആകാശത്തിനപ്പുറം വളരാമെന്നും അദ്ദേഹം പറഞ്ഞു. സെബാസ്റ്റ്യൻ കുളത്തുങ്കൽ എം.എൽ.എയുടെ നേതൃത്വത്തിലെ എം.എൽ.എ സർവിസ് ആർമി നടപ്പിലാക്കുന്ന 'ഫ്യൂച്ചർ സ്റ്റാർസ്' വിദ്യാഭ്യാസ ഗുണമേന്മ പദ്ധതിയുടെ അധ്യയനവർഷത്തെ സമാപനം അമൽജ്യോതി എൻജിനീയറിങ്​ കോളജിൽ ഉദ്ഘാടനം ചെയ്യുകയായിരുന്നു അദ്ദേഹം. പരിശീലനത്തിൽ മികച്ച പ്രകടനം കാഴ്ചവെച്ച തെരേസ സജി (സെന്‍റ്​ ആന്‍റണീസ് എച്ച്.എസ്.എസ്, വെള്ളിക്കുളം), ശ്രീഹരി എസ്.നായർ (സെന്‍റ്​ ആന്‍റണീസ് എച്ച്.എസ്.എസ് പൂഞ്ഞാർ), ആദിത്യ ബൈജു (മരിയ ഗൊരത്തി എച്ച്.എസ്.എസ് ചേന്നാട്), എയ്ഞ്ചൽ റോസ് അലക്സ് (സെന്‍റ്​ മേരീസ് എച്ച്.എസ്.എസ് തീക്കോയി), അഞ്ജന പ്രസാദ് (സാം തോം എച്ച്.എസ്.എസ് കണമല) എന്നിവർക്ക്​ അവാർഡുകൾ നൽകി. പരിശീലന പരിപാടി അടുത്തവർഷവും തുടരുമെന്ന്​ എം.എൽ.എ അറിയിച്ചു. ചടങ്ങിൽ സെബാസ്റ്റ്യൻ കുളത്തുങ്കൽ എം.എൽ.എ അധ്യക്ഷതവഹിച്ചു. സിനിമതാരം ഗിന്നസ് പക്രു മുഖ്യപ്രഭാഷണം നടത്തി. അമൽജ്യോതി എൻജിനീയറിങ്​ കോളജ് പ്രിൻസിപ്പൽ ഡോ. ലില്ലിക്കുട്ടി ജേക്കബ്, ഫാ. സിജു പുല്ലമ്പ്ലായിൽ, അബീഷ്, സണ്ണി ജേക്കബ് ഇടക്കാട്ട്, ഡോ. ആൻസി ജോസഫ്, പ്രഫ. ടോമി ചെറിയാൻ, ഡോ. മാത്യു കണമല, അഭിലാഷ് ജോസഫ് എന്നിവർ സംസാരിച്ചു. ----- KTL WBL MLA Progrrame of for Students 'ഫ്യൂച്ചർ സ്റ്റാർസിന്‍റെ' സമാപന സമ്മേളനം സഞ്ചാരി സന്തോഷ് ജോർജ് കുളങ്ങര ഉദ്​ഘാടനം ചെയ്യുന്നു