പാലാ: പാലായിലെ വികസന പ്രവർത്തനങ്ങളുടെ പേരിൽ അവകാശവാദങ്ങൾ ഉന്നയിക്കുന്ന ജോസ് കെ. മാണി തൻെറ പാർട്ടിയുടെ മന്ത്രി ഭരിക്കുന്ന ജലവിഭവ വകുപ്പിന് കീഴിൽ മുടങ്ങിക്കിടക്കുന്ന പദ്ധതികൾ പൂർത്തീകരിച്ച് പാലായോട് ആത്മാർഥത കാട്ടാൻ തയാറുണ്ടോയെന്ന് മാണി സി. കാപ്പൻ എം.എൽ.എ. പാലായിൽ നടപ്പാക്കുന്ന വികസന പ്രവർത്തനങ്ങൾ മുഴുവൻ ജോസ് കെ. മാണിയാണെന്ന അവകാശങ്ങൾക്ക് മറുപടി പറയുകയായിരുന്നു അദ്ദേഹം. ജലവിഭവ വകുപ്പിനുകീഴിൽ കഴിഞ്ഞ സർക്കാറിൻെറ കാലത്ത് പണം അനുവദിച്ച രാമപുരം കുടിവെള്ളപദ്ധതി, അരുണാപുരം റെഗുലേറ്റർ കം ബ്രിഡ്ജ് എന്നിവയുടെ പൂർത്തീകരണത്തിന് മന്ത്രി റോഷി അഗസ്റ്റിനെ പ്രേരിപ്പിക്കുകയാണ് വേണ്ടത്. ഇതിനുപകരം മറ്റ് മന്ത്രിമാരുടെ വകുപ്പിലെ കാര്യങ്ങളിൽ അവകാശവാദം ഉന്നയിക്കുകയാണ്. വർഷങ്ങൾക്കുമുമ്പ് അപ്രോച് റോഡിനുള്ള സ്ഥലംപോലും ഏറ്റെടുക്കാതെയാണ് കളരിയാന്മാക്കൽ കടവ് പാലം പൂർത്തീകരിച്ചത്. ഇതിനായും സർക്കാറിനെക്കൊണ്ട് പണം അനുവദിപ്പിച്ചിട്ടുണ്ട്. ചേർപ്പുങ്കൽ സമാന്തരപാലവും അനിശ്ചിതത്വത്തിലായിരുന്നു. അതിൻെറ പ്രവർത്തനങ്ങളും പുനരുജ്ജീവിപ്പിക്കാൻ സാധിച്ചിട്ടുണ്ടെന്ന് മാണി സി. കാപ്പൻ പറഞ്ഞു. ജോസ് കെ. മാണി ഇടതുമുന്നണിയിൽ വരുന്നതിനും മുമ്പ് 2020 ആഗസ്റ്റിലാണ് പാലാ ബൈപാസിൻെറ നവീകരണത്തിന് സർക്കാർ 10.10 കോടി രൂപ അനുവദിച്ചതെന്ന കാര്യം എം.എൽ.എ ചൂണ്ടിക്കാട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.