ഇഴജന്തുക്കളുടെ വിഹാരകേന്ദ്രമായി കാഞ്ഞിരപ്പള്ളി ജനറൽ ആശുപത്രി പരിസരം

കാ​ഞ്ഞി​ര​പ്പ​ള്ളി: ജ​ന​റ​ൽ ആ​ശു​പ​ത്രി പ​രി​സ​രം ഇ​ഴ​ജ​ന്തു​ക്ക​ളു​ടെ വി​ഹാ​ര​കേ​ന്ദ്ര​മാ​കു​ന്നു. ക​ഴി​ഞ്ഞ ഒ​ന്ന​ര മാ​സ​ത്തി​നി​ടെ കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി പ​രി​സ​ര​ത്തു​നി​ന്ന്​ aനാ​ലു ത​വ​ണ​യാ​ണ് പെ​രു​മ്പാ​മ്പു​ക​ളെ പി​ടി​കൂ​ടി​യ​ത്. ക​ഴി​ഞ്ഞ ത​വ​ണ മെ​ഡി​ക്ക​ൽ വാ​ർ​ഡി​ന്‍റെ പ​രി​സ​ര​ത്തു​നി​ന്നാ​യി​രു​ന്നെ​ങ്കി​ൽ ഇ​ത്ത​വ​ണ പാ​മ്പി​നെ ക​ണ്ട​ത്​ പ്ര​സ​വ വാ​ർ​ഡി​ന്‍റെ പ​രി​സ​ര​ത്താ​ണ്. നാ​ലു​ത​വ​ണ പി​ടി​കൂ​ടി​യ​തി​ൽ പെ​രു​മ്പാ​മ്പി​ൻ കു​ഞ്ഞു​ങ്ങ​ളും ഉ​ൾ​പ്പെ​ടും. വ്യാ​ഴാ​ഴ്ച രാ​ത്രി​യാ​ണ് ഏ​റ്റ​വും ഒ​ടു​വി​ൽ പാ​മ്പി​നെ പി​ടി​കൂ​ടി​യ​ത്.

പ്ര​സ​വ വാ​ർ​ഡി​ലേ​ക്ക് ഇ​ഴ​ഞ്ഞു​നീ​ങ്ങി​യ പാ​മ്പി​നെ കൂ​ട്ടി​രി​പ്പു​കാ​രാ​ണ് ആ​ദ്യം ക​ണ്ട​ത്. ഇ​വ​ർ തു​ട​ർ​ന്ന് ആ​ശു​പ​ത്രി​യി​ൽ​ത്ത​ന്നെ പ്ര​വ​ർ​ത്തി​ക്കു​ന്ന പൊ​ലീ​സ് എ​യ്ഡ് പോ​സ്റ്റി​ൽ വി​വ​ര​മ​റി​യി​ച്ചു. എ.​എ​സ്.​ഐ സ​ന്തോ​ഷ്​​കു​മാ​ർ പി​ന്നീ​ട് വ​ന​പാ​ല​ക​രെ വി​വ​ര​മ​റി​യി​ക്കു​ക​യും ഇ​വ​രെ​ത്തി പാ​മ്പി​നെ കൊ​ണ്ടു​പോ​വു​ക​യു​മാ​യി​രു​ന്നു. പാ​മ്പി​നെ പി​ടി​കൂ​ടു​ന്ന​ത്​ പ​തി​വാ​യ​തോ​ടെ രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും പു​റ​മെ ജീ​വ​ന​ക്കാ​രും ഭീ​തി​യി​ലാ​ണ്.

ഇ​നി​യും ഇ​വി​ടെ പാ​മ്പു​ക​ൾ ഉ​ണ്ടാ​കു​മെ​ന്നാ​ണ് വ​ന​പാ​ല​ക​രും പ​റ​യു​ന്ന​ത്. ആ​ശു​പ​ത്രി പ​രി​സ​ര​ത്ത​ട​ക്കം കാ​ടു​ക​യ​റി​യ​താ​ണ് പാ​മ്പു​ക​ളു​ടെ ശ​ല്യം രൂ​ക്ഷ​മാ​കാ​ൻ കാ​ര​ണം. ഒ​പ്പം ഇ​തി​നോ​ടു​ചേ​ർ​ന്നു​ള്ള സ്വ​കാ​ര്യ വ്യ​ക്തി​ക​ളു​ടെ പു​ര​യി​ട​ങ്ങ​ളും കാ​ടു​പി​ടി​ച്ച നി​ല​യി​ലാ​ണ്. ഇ​വി​ടെ​നി​ന്ന​ട​ക്ക​മാ​ണ് ഇ​ഴ​ജ​ന്തു​ക്ക​ൾ ആ​ശു​പ​ത്രി പ​രി​സ​ര​ത്തെ​ത്തു​ന്ന​തെ​ന്നാ​ണ് രോ​ഗി​ക​ൾ പ​റ​യു​ന്ന​ത്. ആ​ശു​പ​ത്രി മാ​നേ​ജ്മെ​ന്‍റ് ക​മ്മി​റ്റി മു​ൻ​കൈ​യെ​ടു​ത്ത് പ​രി​സ​ര​ത്തെ​യെ​ങ്കി​ലും കാ​ടു​ക​ൾ വെ​ട്ടി​ത്തെ​ളി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.