ജില്ല ജനറൽ ആശുപത്രിയിലെ മ​ണ്ണുനീക്കം മെ​ല്ലെപ്പോക്കിൽ

കോ​ട്ട​യം: ജി​ല്ല ജ​ന​റ​ൽ ആ​ശു​പ​ത്രി​യി​ലെ പു​തി​യ മ​ന്ദി​ര​ത്തി​ന്‍റെ നി​ർ​മാ​ണ​ത്തി​നാ​യി നീ​ക്കി​യ മ​ണ്ണി​ന്‍റെ കാ​ര്യം ഇ​പ്പോ​ഴും മെ​ല്ലെ​പ്പോ​ക്കി​ൽ. 2025 ജ​നു​വ​രി​യി​ൽ ഒ​ന്നാം​ഘ​ട്ട നി​ർ​മാ​ണം പൂ​ർ​ത്തി​യാ​ക്കേ​ണ്ടി​ട​ത്ത്​ ത​റ​ക്ക​ല്ലി​ടാ​ൻ​പോ​ലും അ​ധി​കൃ​ത​ർ​ക്കാ​യി​ട്ടി​ല്ല.

കു​മ​ര​കം, തി​രു​വാ​ർ​പ്പ്​ പ​ഞ്ചാ​യ​ത്തു​ക​ൾ മ​ണ്ണ്​ ആ​വ​ശ്യ​പ്പെ​ട്ടി​ട്ടു​ണ്ടെ​ങ്കി​ലും ഇ​ത്​ ഉ​ത്ത​ര​വാ​യി ഇ​റ​ങ്ങാ​ത്ത​തി​നാ​ൽ ന​ട​പ​ടി​ക്ര​മ​ങ്ങ​ൾ വൈ​കു​ക​യാ​ണ്.

ആ​ശു​പ​ത്രി​യു​ടെ​യും നി​ർ​മാ​ണ പ്ര​വ​ർ​ത്ത​ന​ങ്ങ​ളു​​ടെ​യും ഉ​ത്ത​ര​വാ​ദി​ത്തം ഏ​റ്റെ​ടു​ക്കാ​ൻ ആ​രു​മി​ല്ല. ജി​ല്ല​യി​ലെ മ​ന്ത്രി​യോ ആ​രോ​ഗ്യ​മ​ന്ത്രി​യോ പ​​ങ്കെ​ടു​ക്കു​ന്ന യോ​ഗ​ങ്ങ​ളി​ൽ തീ​രു​മാ​ന​ങ്ങ​ളെ​ടു​ക്കു​ന്ന​ത​ല്ലാ​തെ മ​റ്റൊ​ന്നും ന​ട​ക്കു​ന്നി​ല്ല.

2018ൽ ​പ്ര​ഖ്യാ​പി​ച്ച പ​ദ്ധ​തി​യാ​ണ്​ അ​ധി​കൃ​ത​രു​​ടെ അ​നാ​സ്ഥ​മൂ​ലം ഇ​ഴ​യു​ന്ന​ത്. കി​ഫ്​​ബി​യി​ൽ​നി​ന്ന്​ 129. 89 കോ​ടി ചെ​ല​വി​ട്ട്​ 10 നി​ല മ​ന്ദി​ര​മാ​ണ്​ നി​ർ​മി​ക്കു​ന്ന​ത്. ഇ​ൻ​കെ​ലി​നാ​ണ്​ നി​ർ​മാ​ണ​ച്ചു​മ​ത​ല. ജെ​യ്​​ൻ ബി​ൽ​ഡേ​ഴ്​​സും എ ​ടു ഇ​സ​ഡ്​ ക​ൺ​സ്​​ട്ര​ക്ഷ​ൻ ക​മ്പ​നി​യു​മാ​ണ്​ നി​ർ​മാ​ണം ടെ​ൻ​ഡ​ർ എ​ടു​ത്തി​രി​ക്കു​ന്ന​ത്. പ​ല വാ​ർ​ഡു​ക​ളും ​കെ​ട്ടി​ട​ങ്ങ​ളും കെ​ട്ടി​ടം പ​ണി​ക്കാ​യി പൊ​ളി​ച്ചു​നീ​ക്കി. ര​ണ്ടു​നി​ല ഭൂ​മി​ക്ക​ടി​യി​ലാ​ണ്​ നി​ർ​മി​ക്കു​ക. ഇ​തി​നാ​യി നീ​ക്കി​യ മ​ണ്ണ്​ പ​രി​സ​ര​ത്തു​ത​ന്നെ കൂ​ട്ടി​യി​ട്ടി​രി​ക്കു​ക​യാ​ണ്. ഇ​ത്​ നീ​ക്കാ​തെ പ​ണി ആ​രം​ഭി​ക്കാ​നാ​വി​ല്ല.

ആ​ല​പ്പു​ഴ​യി​ലേ​ക്ക്​ ​കൊ​ണ്ടു​പോ​കാ​നാ​യി​രു​ന്നു ആ​ദ്യം തീ​രു​മാ​നി​ച്ചി​രു​ന്ന​ത്. എ​ന്നാ​ൽ, ആ ​അ​ധി​ക​ച്ചെ​ല​വ്​ ഒ​ഴി​വാ​ക്കാ​ൻ മ​ണ്ണ്​ ജി​ല്ല​യി​ലെ നി​ർ​മാ​ണ പ്ര​വ​ർ​ത്ത​ങ്ങ​ൾ​ക്ക്​ ഉ​പ​യോ​ഗി​ക്കാ​ൻ തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ നി​ർ​ദേ​ശം ന​ൽ​കി. എം.​എ​ൽ.​എ പ​റ​ഞ്ഞി​ട്ടു​പോ​യ​ത​ല്ലാ​തെ ആ​രും അ​ന​ങ്ങി​യി​ല്ല. തു​ട​ർ​ന്ന്​ ജ​നു​വ​രി​യി​ൽ മ​ന്ത്രി വി.​എ​ൻ. വാ​സ​വ​ൻ വി​ളി​ച്ചു​ചേ​ർ​ത്ത യോ​ഗ​ത്തി​ൽ മ​ണ്ണ്​ കോ​ട്ട​യം, ഏ​റ്റു​മാ​നൂ​ർ നി​യോ​ജ​ക മ​ണ്ഡ​ല​ങ്ങ​ളി​ൽ ഉ​പ​യോ​ഗി​ക്കാ​ൻ ധാ​ര​ണ​യാ​യി.

എ​ന്നാ​ൽ, തു​ട​ർ​ന​ട​പ​ടി​യു​ണ്ടാ​യി​ല്ല. ​ലോ​ക്സ​ഭ തെ​ര​ഞ്ഞെ​ടു​പ്പ്​ പ്ര​ഖ്യാ​പി​ച്ച​തോ​ടെ പെ​രു​മാ​റ്റ​ച്ച​ട്ട​ത്തി​ൽ കു​രു​ങ്ങി. പി​ന്നീ​ടാ​ണ്​ ര​ണ്ട്​ പ​ഞ്ചാ​യ​ത്തു​ക​ൾ മ​ണ്ണ്​ ആ​വ​ശ്യ​പ്പെ​ട്ട്​​ ക​ത്ത്​ ന​ൽ​കി​യ​ത്. നെ​ഹ്​​റു സ്റ്റേ​ഡി​യ​ത്തി​ലെ വെ​ള്ള​ക്കെ​ട്ട്​ ഒ​ഴി​വാ​ക്കാ​ൻ മ​ണ്ണ്​ വേ​ണ​മെ​ന്ന്​ കോ​ട്ട​യം ന​ഗ​ര​സ​ഭ പ​റ​ഞ്ഞി​രു​ന്നെ​ങ്കി​ലും ക​ത്ത്​ ന​ൽ​കി​യി​ട്ടി​ല്ല.

2,86,850 ച​​തു​​ര​​ശ്ര​​യ​​ടി​​യു​​ള്ള മ​​ന്ദി​​ര​​മാ​​ണ് നി​​ർ​​മി​​ക്കു​​ന്ന​​ത്. ര​ണ്ട്​ നി​ല ഭൂ​മി​ക്ക​ടി​യി​ലും ബാ​ക്കി എ​ട്ടു നി​ല മു​ക​ളി​ലു​മാ​യി​രി​ക്കും. 35 ഒ.​​പി വ​​കു​​പ്പു​​ക​​ൾ, 391 ബെ​​ഡു​​ക​​ൾ, 10 ഓ​​പ​​റേ​​ഷ​​ൻ തി​​യ​​റ്റ​​റു​​ക​​ൾ, സൂ​​പ്പ​​ർ സ്പെ​​ഷാ​​ലി​​റ്റി ഒ.​​പി-​​ഐ.​​പി, സി.​​ടി, എം.​​ആ​​ർ.​​ഐ മെ​​ഷ​നു​​ക​​ൾ, മാ​​മോ​​ഗ്രാ​​ഫി, ഫാ​​ർ​​മ​​സി​​യും ലി​​ഫ്റ്റ് സൗ​​ക​​ര്യ​​ങ്ങ​​ളും കെ​​ട്ടി​​ട​​ത്തി​​ൽ ഉ​​ണ്ടാ​​കും.