എന്ന്​ തീരും കോട്ടയം-കുമരകം റോഡിന്‍റെ ദുരിതക്കുരുക്ക്​?

കോ​ട്ട​യം: എ​ന്ന്​ വി​ക​സ​നം സാ​ധ്യ​മാ​കു​മെ​ന്ന​റി​യാ​തെ കു​രു​ങ്ങു​ക​യാ​ണ്​ കോ​ട്ട​യം-​കു​മ​ര​കം റോ​ഡ്. ലോ​ക​പ്ര​ശ​സ്ത​ടൂ​റി​സം കേ​ന്ദ്ര​ങ്ങ​ളി​ലൊ​ന്നാ​യ കു​മ​ര​ക​​ത്തേ​ക്ക്​ കോ​ട്ട​യം ന​ഗ​ര​ത്തി​ൽ നി​ന്നു​ള്ള റോ​ഡ്​ കു​റേ​നാ​ളാ​യി വി​ക​സ​ന​മി​ല്ലാ​തെ മു​ര​ടി​ക്കു​ക​യാ​ണ്.

രാ​വി​ലെ മു​ത​ൽ ഗ​താ​ഗ​ത​ക്കു​രു​ക്കി​ൽ കു​ടു​ങ്ങാ​നു​ള്ള വി​ധി​യാ​ണ്​​ കോ​ട്ട​യം-​കു​മ​ര​കം റോ​ഡി​ന്. ഈ ​റോ​ഡി​ന്‍റെ വി​ക​സ​ന​ത്തി​നാ​യി ന​ട​പ​ടി​ക​ൾ ആ​രം​ഭി​ച്ച്​ ദ​ശാ​ബ്​​ദം ക​ഴി​ഞ്ഞെ​ങ്കി​ലും ഇ​പ്പോ​ഴും കാ​ര്യ​ങ്ങ​ൾ എ​ങ്ങും എ​ത്തി​യി​ട്ടി​ല്ല. കോ​ട്ട​യം ബേ​ക്ക​ർ ജ​ങ്​​​ഷ​ൻ മു​ത​ൽ ഇ​ല്ലി​ക്ക​ൽ പാ​ലം വ​രെ റോ​ഡി​ന്‍റെ ചി​ല​ഭാ​ഗ​ങ്ങ​ൾ ഒ​ഴി​ച്ചാ​ൽ ബാ​ക്കി​യി​ട​ങ്ങ​ളി​ൽ വീ​തി കൂ​ട്ടി​യെ​ങ്കി​ലും രാ​വി​ലെ​യും വൈ​കീ​ട്ടും ഇ​വി​ടെ ഗ​താ​ഗ​ത​ക്കു​രു​ക്ക്​ രൂ​ക്ഷ​മാ​ണ്. കോ​ട്ട​യ​ത്ത്​ നി​ന്ന്​ ചാ​ലു​കു​ന്ന്​ വ​ഴി മെ​ഡി​ക്ക​ൽ​കോ​ള​ജ്​ ആ​ശു​പ​ത്രി​യി​ലേ​ക്ക്​ ആം​ബു​ല​ൻ​സു​ക​ൾ ഉ​ൾ​പ്പെ​ടെ ചീ​റി​പ്പാ​ഞ്ഞ്​ പോ​കു​ന്ന റോ​ഡാ​ണി​ത്​.

ബേ​ക്ക​ർ ജ​ങ്​​​ഷ​ന്​ സ​മീ​പം സി​ഗ്​​ന​ൽ ലൈ​റ്റു​ക​ൾ പ്ര​വ​ർ​ത്തി​ക്കാ​ത്ത​താ​ണ്​ ഗ​താ​ഗ​ത​ക്കു​രു​ക്കി​ന്​ പ്ര​ധാ​ന ത​ട​സ്സ​മാ​യി ചൂ​ണ്ടി​ക്കാ​ട്ടു​ന്ന​ത്. ഒ​രു പൊ​ലീ​സു​കാ​ര​ൻ നി​ന്നാ​ണ്​ ഇ​വി​ടെ ഗ​താ​ഗ​തം നി​യ​ന്ത്രി​ക്കു​ന്ന​ത്. ട്രാ​ഫി​ക്​ സി​ഗ്​​ന​ൽ ലൈ​റ്റ്​ സ്ഥാ​പി​ച്ചി​ട്ടു​ണ്ടെ​ങ്കി​ലും പ്ര​വ​ർ​ത്ത​ന സ​ജ്​​ജ​മ​ല്ല. കോ​ള​ജ്, സ്കൂ​ളു​ക​ൾ ഉ​ൾ​പ്പെ​ടെ പ്ര​വ​ർ​ത്തി​ക്കു​ന്ന ഈ ​റോ​ഡ്​ ക​ട​ന്നു​പോ​കു​ന്ന മേ​ഖ​ല​യി​ൽ ആ​വ​ശ്യ​മാ​യ സു​ര​ക്ഷാ​ക്ര​മീ​ക​ര​ണ​ങ്ങ​ൾ ഒ​രു​ക്ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ട്​ നാ​ളു​ക​ൾ ഏ​റെ​യാ​യി.

ഇ​ല്ലി​ക്ക​ൽ മു​ത​ൽ കു​മ​ര​കം വ​രെ​യു​ള്ള റോ​ഡി​ൽ ഇ​പ്പോ​ഴും ഒ​രു വി​ക​സ​ന​വും ന​ട​ന്നി​ട്ടി​ല്ലെ​ന്ന​താ​ണ്​ സ​ത്യം. റോ​ഡ്​ വി​ക​സ​ന​ത്തി​നാ​യി ഭൂ​മി അ​ള​ന്ന്​ ക​ല്ലി​ട്ടെ​ങ്കി​ലും ഉ​ട​മ​ക​ൾ​ക്ക്​ പ​ണം ന​ൽ​കു​ന്ന​തു​ൾ​പ്പെ​ടെ തു​ട​ർ​ന​ട​പ​ടി​ക​ൾ കൈ​ക്കൊ​ണ്ടി​ട്ടി​ല്ല.

വ​ള​രെ നാ​ളു​ക​ൾ​ക്ക്​ ശേ​ഷ​മാ​ണ്​ ഈ ​റോ​ഡി​ലെ കോ​ണ​ത്താ​റ്റ്​ പാ​ല​ത്തി​ന്​ നി​ർ​മാ​ണാ​നു​മ​തി ല​ഭി​ച്ച​തും. എ​ന്നാ​ൽ പാ​ല​ത്തി​ന്‍റെ നി​ർ​മാ​ണം പൂ​ർ​ണ​മാ​യും പൂ​ർ​ത്തീ​ക​രി​ക്കാ​നും ക​ഴി​ഞ്ഞി​ട്ടി​ല്ല. പാ​ല​ത്തി​ന്‍റെ പ്ര​വേ​ശ​ന പാ​ത​യു​ടെ പ​ണി പൂ​ർ​ത്തി​യാ​ക്കാ​നാ​കാ​ത്ത​താ​ണ്​ ത​ട​സ്സം. പാ​ലം പ്ര​വ​ർ​ത്ത​ന സ​ജ്​​ജ​മാ​കാ​ൻ ഇ​നി​യും മാ​സ​ങ്ങ​ൾ വേ​ണ്ടി​വ​രു​മെ​ന്നാ​ണ്​ വി​വ​രം. ഇ​ല്ലി​ക്ക​ൽ മു​ത​ൽ കു​മ​ര​കം വ​രെ 14 കി​ലോ​മീ​റ്റ​റോ​ളം ദൂ​ര​ത്തെ റോ​ഡ്​ വി​ക​സ​ന​ത്തി​ന്​ എ​ത്ര​നാ​ൾ കാ​ത്തി​രി​ക്കേ​ണ്ടി​വ​രു​മെ​ന്ന്​ നാ​ട്ടു​കാ​ർ ചോ​ദി​ക്കു​ന്നു.