മാന്നാനം പാലം: പുനർനിർമാണം മുടങ്ങി

കോ​ട്ട​യം: മാ​ന്നാ​നം പാ​ലം അ​പ​ക​ടാ​വ​സ്ഥ​യി​ലാ​യ​തോ​ടെ നാ​ട്ടു​കാ​ർ​ക്ക്​ ഭീ​തി​യാ​ത്ര. കൈ​പ്പു​ഴ-​മാ​ന്നാ​നം റോ​ഡി​ലെ 50 വ​ർ​ഷ​ത്തി​ല​ധി​കം പ​ഴ​ക്ക​മു​ള്ള പാ​ല​ത്തി​ന്‍റെ കൈ​വ​രി​ക​ൾ ദ്ര​വി​ച്ച നി​ല​യി​ലാ​ണ്. തു​ണു​ക​ൾ​ക്ക്​ ബ​ല​ക്ഷ​യ​മു​ണ്ടെ​ന്നും​ നാ​ട്ടു​കാ​ർ പ​റ​യു​ന്നു. പാ​ലം ത​ക​രു​മെ​ന്നു കാ​ട്ടി നാ​ട്ടു​കാ​ർ പ​രാ​തി ന​ൽ​കി​യ​തോ​ടെ പു​തി​യ പാ​ല​ത്തി​നാ​യി സ​ർ​ക്കാ​ർ നാ​ലു​കോ​ടി രൂ​പ അ​നു​വ​ദി​ച്ചി​രു​ന്നു. ഇ​തി​നു​പി​ന്നാ​ലെ നി​ർ​മാ​ണം തു​ട​ങ്ങി​യെ​ങ്കി​ലും എ​ങ്ങു​മെ​ത്തി​യി​ല്ല. ഒ​രു​വ​ർ​ഷ​മാ​യി നി​ർ​മാ​ണം നി​ല​ച്ചി​രി​ക്കു​ക​യു​മാ​ണ്. ഇ​ത്​ പു​ന​രാ​രം​ഭി​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. ഇ​തി​നോ​ട് ചേ​ർ​ന്നു​ള്ള അ​പ്രോ​ച്ച്​ റോ​ഡി​ന്‍റെ അ​വ​സ്ഥ​യും ശോ​ച്യ​മാ​ണ്.

റോ​ഡി​ൽ രൂ​പ​പ്പെ​ട്ട ചെ​റു​തും വ​ലു​തു​മാ​യ കു​ഴി​ക​ളി​ൽ വെ​ള്ളം നി​റ​ഞ്ഞ​നി​ല​യി​ലാ​ണ്. മ​ഴ​യി​ൽ ത​ക​ർ​ന്ന റോ​ഡി​ൽ ച​ളി​യും നി​റ​യും. ചി​ല​യി​ട​ങ്ങ​ളി​ൽ മീ​റ്റ​റു​ക​ളോ​ളം റോ​ഡ്​ പൂ​ർ​ണ​മാ​യി ത​ക​ർ​ന്നു​കി​ട​ക്കു​ക​യാ​ണ്. ചി​ല​യി​ട​ങ്ങ​ളി​ൽ വ​ലി​യ കു​ഴി​യാ​ണ്​ രൂ​പ​പ്പെ​ട്ടി​രി​ക്കു​ന്ന​ത്. നി​ര​വ​ധി വാ​ഹ​ന​ങ്ങ​ൾ അ​ട​ക്കം ക​ട​ന്നു​പോ​കു​ന്ന റോ​ഡാ​ണ്​ ത​ക​ർ​ന്നു​ കി​ട​ക്കു​ന്ന​ത്. റോ​ഡി​ന്‍റെ ഇ​രു​വ​ശ​വും കാ​ടു​ക​യ​റി​യ നി​ല​യി​ലാ​ണ്. കാ​ൽ​ന​ട​ക്കാ​ർ ഇ​ഴ​ജ​ന്തു​ക്ക​ളെ​യും പേ​ടി​ക്ക​ണ​മെ​ന്ന​താ​ണ്​ സ്ഥി​തി​യെ​ന്ന്​ പ്ര​ദേ​ശ​വാ​സി​ക​ൾ പ​റ​യു​ന്നു. രാ​ത്രി ഇ​തു​വ​ഴി ന​ട​ക്കാ​ൻ​പോ​ലും പേ​ടി​യാ​ണെ​ന്ന് ഇ​വ​ർ പ​റ​യു​ന്നു. മാ​ന്നാ​നം സ്‌​കൂ​ളി​ലേ​ക്കു​ള്ള വി​ദ്യാ​ർ​ഥി​ക​ൾ ഉ​ൾ​പ്പെ​ടെ യാ​ത്ര ചെ​യ്യു​ന്ന​ത് ഇ​തു​വ​ഴി​യാ​ണ്. റോ​ഡി​ന്‍റെ വ​ശ​ങ്ങ​ളി​ലെ കാ​ട്​ വെ​ട്ടി​ത്തെ​ളി​ക്ക​ണ​മെ​ന്നും റോ​ഡ്​ ഉ​ട​ൻ ന​വീ​ക​രി​ക്ക​ണ​മെ​ന്നും നാ​ട്ടു​കാ​ർ പ​റ​യു​ന്നു. എ​ത്ര​യും​വേ​ഗം പാ​ലം നി​ർ​മാ​ണം പൂ​ർ​ത്തി​യാ​ക്ക​ണ​മെ​ന്നും ഇ​വ​ർ ആ​വ​ശ്യ​പ്പെ​ടു​ന്നു.