മുക്കം: കാരശ്ശേരി സഹകരണ ബാങ്ക് ചുണ്ടത്തുംപൊയിലിൽ മാവിൻതൈകൾ നട്ടു. ബാങ്ക് ചെയർമാൻ എൻ.കെ. അബ്ദുറഹിമാൻ ഉദ്ഘാടനം ചെയ്തു. ഗ്രാമപഞ്ചായത്തംഗം സിജി സിബി അധ്യക്ഷത വഹിച്ചു. മുക്കം: കാരശ്ശേരി പഞ്ചായത്ത് പരിസ്ഥിതി ദിനാഘോഷ പരിപാടി പ്രസിഡൻറ് വി.പി. സ്മിത ഉദ്ഘാടനം ചെയ്തു. ജില്ല പഞ്ചായത്തംഗം വി.പി. ജമീല, ഗ്രാമപഞ്ചായത്ത് അംഗങ്ങളായ റുഖിയ റഹീം, കുഞ്ഞാലി മമ്പാട്ട്, ഷാഹിന, കൃഷി ഓഫിസർ രേണുക കൊല്ലേരി പങ്കെടുത്തു. മുക്കം: സഹകരണ വകുപ്പിന്റെ ഹരിതം സഹകരണം പദ്ധതിയുടെ ഭാഗമായി മുക്കം അർബൻ കോഓപറേറ്റിവ് സൊസൈറ്റി മുക്കം പൊലീസ് സ്റ്റേഷൻ വളപ്പിലും നീലേശ്വരം സ്കൂളിലും വൃക്ഷത്തൈകൾ നട്ടു. മുക്കം സ്റ്റേഷൻ ഇൻസ്പെക്ടർ പ്രജീഷ്, സൊസൈറ്റി പ്രസിഡന്റ് കപ്യേടത്ത് ചന്ദ്രൻ എന്നിവർ ചേർന്ന് ഉദ്ഘാടനം ചെയ്തു. മുക്കം: നഗരസഭ താഴക്കോട് വില്ലേജ് ഓഫിസ് വളപ്പിൽ തൈകൾ നട്ടു. ചെയർമാൻ പി.ടി. ബാബു ഉദ്ഘാടനം ചെയ്തു. സ്റ്റാൻഡിങ് കമ്മിറ്റി അധ്യക്ഷ പ്രജിത പ്രദീപ്, ഡെപ്യൂട്ടി ചെയർപേഴ്സൻ അഡ്വ. ചാന്ദ്നി, ജെ.എച്ച്.ഐ ശ്രീജിത്ത്, അബ്ദുല്ലക്കോയ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.