ബാലുശ്ശേരി: ലിംഗ സമത്വത്തി‍ൻെറ പേരിൽ വിദ്യാർഥികളുടെ വസ്ത്രധാരണ രീതിയിൽ മാറ്റം അടിച്ചേൽപിക്കുന്നതിനെതിരെ കോഓഡിനേഷൻ കമ്മിറ്റി നേതൃത്വത്തിൽ ബാലുശ്ശേരി ഗവ.ഹയർ സെക്കൻഡറി സ്കൂളിന് മുന്നിൽ പ്രതിഷേധ സംഗമം നടത്തി. വസ്ത്രധാരണ രീതി അടിച്ചേൽപിക്കുന്നത് ജനാധിപത്യ വിരുദ്ധമാണെന്ന് പ്രതിഷേധക്കാർ ആരോപിച്ചു. സാമാന്യയുക്തിക്ക് നിരക്കാത്തതിനാലാണ് അധ്യാപകർ വേഷവിധാനങ്ങളിൽ മാറ്റം വരുത്താൻ തയാറാകാത്തത്. എന്നാൽ വിദ്യാർഥിനികളെ മാത്രം ഇതിന് നിർബന്ധിക്കുകയാണ്. രക്ഷിതാക്കളുമായി മതിയായ കൂടിയാലോചനകൾ നടത്തി ആവശ്യമായ പരിഷ്കരണങ്ങൾ നടത്തണമെന്നും കോഓഡിനേഷൻ കമ്മിറ്റി ആവശ്യപ്പെട്ടു. അല്ലാത്ത സാഹചര്യത്തിൽ തുടർപ്രക്ഷോഭങ്ങളും നിയമ നടപടികളും സ്വീകരിക്കുമെന്നും അവർ വ്യക്തമാക്കി. പ്രതിഷേധ സംഗമത്തിൽ ചെയർമാൻ അബ്ദുൽ മജീദ് സഖാഫി കോട്ടൂർ അധ്യക്ഷത വഹിച്ചു. മുസ്ലിം ലീഗ് നിയോജക മണ്ഡലം പ്രസിഡൻറ് സാജിദ് കോറോത്ത് ഉദ്ഘാടനം ചെയ്തു. കൺവീനർ സി.പി. ബഷീർ എസ്റ്റേറ്റ് മുക്ക്, മുജാഹിദ് ബാലുശ്ശേരി, ഫൈസൽ പാലോളി, റഫീഖ് മാസ്റ്റർ കോട്ടൂർ, നാസർ ബാലുശ്ശേരി, പി.എച്ച്. ഷമീർ, സക്കീർ പൂനത്ത്, എം. പോക്കർ കുട്ടി മാസ്റ്റർ, അനസ് അൻവർ തുടങ്ങിയവർ സംസാരിച്ചു. മർക്കസ് സ്കൂൾ ഗ്രൗണ്ടിൽ നിന്നാരംഭിച്ച പ്രതിഷേധ മാർച്ച് ഗവ.ഗേൾസ് സ്കൂൾ കവാടത്തിനടുത്ത് പൊലീസ് തടഞ്ഞു. ബാലുശ്ശേരി പൊലീസ് നേതൃത്വത്തിലുള്ള സംഘം സ്കൂൾ കവാടത്തിൽ ക്യാമ്പ് ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.