ആയഞ്ചേരി: പ്ലസ് ടു പരീക്ഷയിൽ വില്യാപ്പള്ളി കളരിമുക്ക് ഇരിമ്പിടയിൽ വീട്ടിൽ എ പ്ലസ് വിജയത്തിളക്കം. വിദേശത്ത് ജോലിചെയ്യുന്ന ടി. ജയന്തന്റെയും വീട്ടമ്മയായ ഷീനയുടെയും ഒന്നിച്ചു ജനിച്ച മക്കളായ ടി. ആര്യ ജയന്തൻ, ടി. അന്യ ജയന്തൻ, ടി. അവ്യ ജയന്തൻ എന്നിവർ മികച്ച വിജയം നേടിയത്. ആര്യ, അന്യ എന്നിവർ പ്ലസ് ടു കൊമേഴ്സിൽ മുഴുവൻ വിഷയത്തിലും എ പ്ലസ് നേടി. അവ്യ ജയന്തൻ ഒരു വിഷയത്തിനൊഴികെ മറ്റുള്ളവക്ക് എ.പ്ലസ് നേടി. മൂന്നു പേരും പത്താം ക്ലാസ് വരെ ഒരേ ബെഞ്ചിലിരുന്നാണ് പഠനം പൂർത്തിയാക്കിയത്. പ്ലസ് ടുവിന് കടമേരി ആർ.എ.സി ഹയർ സെക്കൻഡറി സ്കൂളിൽ രണ്ടു പേർ കൊമേഴ്സിലും ഒരാൾ ഹ്യുമാനിറ്റീസ് വിഷയത്തിലേക്കും മാറുകയായിരുന്നു. അധ്യാപകരും, നാട്ടുകാരും വിജയികളെ അനുമോദിച്ചു. പടം.. ആര്യ ജയന്തൻ, അന്യ ജയന്തൻ, അവ്യ ജയന്തൻ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.