നഗരത്തിൽ അപകടങ്ങൾ കൂടുന്നു; മുഖം നോക്കാതെ നടപടി, കൈയേറ്റങ്ങൾ ഒഴിപ്പിക്കും

കോ​ഴി​ക്കോ​ട്: ന​ഗ​ര റോ​ഡു​ക​ളി​ൽ ത​ട​സ്സ​ങ്ങ​ളും അ​പ​ക​ട​വും കൂ​ടി​യ സാ​ഹ​ച​ര്യ​ത്തി​ൽ അ​ന​ധി​കൃ​ത ക​ച്ച​വ​ടം ത​ട​യു​ന്ന​തി​ന് ക​ർ​ശ​ന ന​ട​പ​ടി​യെ​ടു​ക്കാ​ൻ ന​ഗ​ര​സ​ഭ കൗ​ൺ​സി​ൽ തീ​രു​മാ​നം. ഇ​തി​ന്റെ ഭാ​ഗ​മാ​യി കോ​തി​പ്പാ​ലം മു​ത​ൽ സൗ​ത് ബീ​ച്ച് വ​രെ​യു​ള്ള മു​ഴു​വ​ൻ റോ​ഡ് കൈ​യേ​റ്റ​വും ഒ​ഴി​പ്പി​ക്കാ​ൻ ഡെ​പ്യൂ​ട്ടി മേ​യ​ർ സി.​പി. മു​സ​ഫ​ർ അ​ഹ​മ്മ​ദി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന ന​ഗ​ര​സ​ഭ കൗ​ൺ​സി​ൽ യോ​ഗം തീ​രു​മാ​നി​ച്ചു. പ്ര​ത്യേ​ക ദൗ​ത്യ സം​ഘ​മു​ണ്ടാ​ക്കി ഒ​രാ​ഴ്ച​ക്ക​കം മു​ഖം നോ​ക്കാ​തെ ന​ട​പ​ടി​യെ​ടു​ക്കും.

ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗം വി​ളി​ച്ച് മ​റ്റു ​ഭാ​ഗ​ങ്ങ​ളി​ലും ന​ട​പ​ടി​യെ​ടു​ക്കും. എ​സ്.​കെ. അ​ബൂ​ബ​ക്ക​ർ, ടി.​കെ. ച​ന്ദ്ര​ൻ എ​ന്നി​വ​രാ​ണ് ഇ​ക്കാ​ര്യ​ത്തി​ൽ ശ്ര​ദ്ധ ക്ഷ​ണി​ച്ച​ത്. ക​ഴി​ഞ്ഞ​ദി​വ​സം അ​പ​ക​ട​ത്തി​ൽ ര​ണ്ടു​പേ​ർ മ​രി​ച്ച എ​ൽ.​ഐ.​സി​ക്ക് മു​ന്നി​ൽ അ​നാ​വ​ശ്യ ഡി​വൈ​ഡ​റു​ക​ളും മ​റ്റു​മാ​ണ് അ​പ​ക​ട​ത്തി​നി​ട​യാ​ക്കി​യ​തെ​ന്നും ഈ ​ഭാ​ഗ​​ത്തെ റോ​ഡി​ലെ ക​ച്ച​വ​ടം ത​ട​യ​ണ​മെ​ന്നും കെ. ​മൊ​യ്തീ​ൻ കോ​യ ആ​വ​ശ്യ​പ്പെ​ട്ടു.

ജ​ന​കീ​യ പ​ങ്കാ​ളി​ത്ത​ത്തോ​ടെ ന​ഗ​ര ഗ​താ​ഗ​തം ആ​സൂ​ത്ര​ണം ചെ​യ്യ​ണ​മെ​ന്നും ആ​വ​ശ്യ​മു​യ​ർ​ന്നു. അ​റ്റ​കു​റ്റ​പ്പ​ണി ക​ഴി​ഞ്ഞ പു​തി​യ റോ​ഡു​ക​ൾ പോ​ലും മു​ന്ന​റി​യി​പ്പി​ല്ലാ​തെ കെ.​എ​സ്.​ഇ.​ബി കു​ത്തി​ക്കു​ഴി​ക്കു​ന്ന​തി​നെ​തി​രെ എം. ​ബി​ജു​ലാ​ൽ ശ്ര​ദ്ധ ക്ഷ​ണി​ച്ചു.

റോ​ഡു​ക​ളി​ൽ കേ​ബി​ളു​ക​ൾ അ​പ​ക​ടം വ​രു​ത്തു​ന്ന​തി​നെ​തി​രെ ​അ​ൽ​ഫോ​ൻ​സ മാ​ത്യു​വും ശ്ര​ദ്ധ ക്ഷ​ണി​ച്ചു. കൗ​ൺ​സി​ല​ർ​മാ​രു​മാ​യി ബ​ന്ധ​പ്പെ​ടാ​തെ റോ​ഡി​ൽ കു​ഴി​യെ​ടു​ക്കു​ന്ന​ത് തു​ട​രു​ക​യാ​ണെ​ന്നും പ​ല സ്വ​കാ​ര്യ ക​മ്പ​നി​ക​ളും ത​ങ്ങ​ളു​​ടെ പേ​ര് കേ​ബി​ളു​കി​ൽ അ​ട​യാ​ള​പ്പെ​ടു​ത്ത​ണ​മെ​ന്ന നി​ർ​ദേ​ശം പാ​ലി​ക്കു​ന്നി​ല്ലെ​ന്നും പ​രാ​തി​യു​യ​ർ​ന്നു. ഈ ​സാ​ഹ​ച​ര്യ​ത്തി​ൽ മേ​യ​റു​ടെ അ​ധ്യ​ക്ഷ​ത​യി​ൽ വി​വി​ധ വ​കു​പ്പ് മേ​ധാ​വി​ക​ളു​​ടെ യോ​ഗം വി​ളി​ക്കു​മെ​ന്ന് ഡെ​പ്യൂ​ട്ടി മേ​യ​ർ അ​റി​യി​ച്ചു.