ആനപ്പാറ കുടുംബാരോഗ്യ കേന്ദ്രത്തിൽ മരുന്ന് ക്ഷാമം; രോഗികൾ വലയുന്നു

കു​ന്ദ​മം​ഗ​ലം: ആ​ന​പ്പാ​റ കു​ടും​ബാ​രോ​ഗ്യ കേ​ന്ദ്ര​ത്തി​ൽ മ​രു​ന്ന് ക്ഷാ​മം രൂ​ക്ഷം. പ​നി ബാ​ധി​ച്ചും മ​റ്റ് രോ​ഗ​ങ്ങ​ൾ കാ​ര​ണ​വും ആ​ശു​പ​ത്രി​യി​ൽ ചി​കി​ത്സ തേ​ടു​ന്ന​വ​രു​ടെ എ​ണ്ണം കൂ​ടി​യെ​ങ്കി​ൽ മ​രു​ന്ന് ല​ഭി​ക്കു​ന്നി​ല്ല. പ​നി പ​ട​രു​ന്ന സ​മ​യ​ത്താ​ണ് മ​രു​ന്നി​ന് ക്ഷാ​മം നേ​രി​ടു​ന്ന​ത്. അ​വ​ശ്യ മ​രു​ന്നു​ക​ൾ പോ​ലും കി​ട്ടാ​തെ വ​ല​യു​ക​യാ​ണ് സാ​ധാ​ര​ണ​ക്കാ​രാ​യ രോ​ഗി​ക​ൾ. ജീ​വി​ത ശൈ​ലീ രോ​ഗ​ങ്ങ​ൾ​ക്കു​ള്ള മ​രു​ന്നു​ക​ൾ​ക്കും ക്ഷാ​മ​മാ​ണ്. ദി​വ​സ​വും അ​റു​നൂ​റോ​ളം രോ​ഗി​ക​ളാ​ണ് ഇ​വി​ടെ എ​ത്തു​ന്ന​ത്. സ​ർ​ക്കാ​ർ ആ​ശു​പ​ത്രി​യി​ൽ നി​ന്ന് ചി​കി​ത്സ​യോ​ടൊ​പ്പം സൗ​ജ​ന്യ​മാ​യി മ​രു​ന്നു​ക​ളും ല​ഭി​ക്കു​ന്ന​ത് സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​ർ​ക്ക് വ​ലി​യ ആ​ശ്വാ​സ​മാ​യി​രു​ന്നു. കു​ട്ടി​ക​ളു​ടെ മ​രു​ന്നു​ക​ൾ പോ​ലും ല​ഭ്യ​മ​ല്ല. വെ​ള്ളി​യാ​ഴ്ച പ്ലാ​നി​ങ് ക​മ്മി​റ്റി (ഡി.​പി.​സി) യോ​ഗ​ത്തി​ൽ ആ​ശു​പ​ത്രി​യു​ടെ മൂ​ന്ന് ല​ക്ഷ​ത്തി​ന്റെ പ​ദ്ധ​തി ച​ർ​ച്ച ചെ​യ്യു​മെ​ന്നും പ്ലാ​നി​ങ് ക​മ്മി​റ്റി​യു​ടെ അം​ഗീ​കാ​രം ല​ഭി​ച്ചാ​ൽ അ​ടു​ത്ത മാ​സം ആ​ദ്യ വാ​ര​ത്തോ​ടു​കൂ​ടി മ​രു​ന്നു​ക​ൾ ല​ഭി​ച്ചു​തു​ട​ങ്ങു​മെ​ന്നും കു​ടും​ബാ​രോ​ഗ്യ കേ​ന്ദ്രം മെ​ഡി​ക്ക​ൽ ഓ​ഫി​സ​ർ ഡോ. ​ഹ​സീ​ന പ​റ​ഞ്ഞു. ആ​ശു​പ​ത്രി​ക്ക് അം​ഗീ​ക​രി​ച്ച ചെ​റി​യ തു​ക​ക്ക് മ​രു​ന്ന് വാ​ങ്ങി​യി​ട്ടും ര​ണ്ടു ദി​വ​സം​കൊ​ണ്ട് തീ​രു​ക​യാ​ണ്. കേ​ര​ള​ത്തി​ൽ മി​ക്ക ആ​ശു​പ​ത്രി​യി​ലും മ​രു​ന്ന് ക്ഷാ​മം ഉ​ണ്ട്. മ​രു​ന്ന് ക​മ്പ​നി​ക​ളു​മാ​യി സ​ർ​ക്കാ​ർ ഡി​സം​ബ​റി​ൽ തു​ട​ങ്ങേ​ണ്ട ടെ​ൻ​ഡ​ർ വൈ​കി​യ​താ​ണ് മ​രു​ന്ന് ക്ഷാ​മം രൂ​ക്ഷ​മാ​കാ​ൻ കാ​ര​ണ​മെ​ന്ന് പ​റ​യ​പ്പെ​ടു​ന്നു.