കു​റ്റ്യാ​ടി ചു​ര​ത്തി​ൽ വാ​ഹ​നാ​പ​ക​ട​ം തുടർക്കഥ

കു​റ്റ്യാ​ടി: കു​റ്റ്യാ​ടി-​പ​ക്ര​ന്ത​ളം ചു​രം റൂ​ട്ടി​ൽ വാ​ഹ​നാ​പ​ക​ട​ങ്ങ​ൾ പ​തി​വാ​യി. നി​യ​ന്ത്ര​ണം വി​ട്ട്​ മ​റി​യു​ന്ന സം​ഭ​വ​ങ്ങ​ളാ​ണ്​ ഏ​റെ​യും. അ​താ​വ​ട്ടെ രാ​ത്രി​യി​ലും.

ചു​രം റോ​ഡി​ന്റെ അ​ശാ​സ്ത്രീ​യ​ത​യും ആ​വ​ശ്യ​ത്തി​ന്​ സൂ​ച​ന ബോ​ർ​ഡു​ക​ൾ ഇ​ല്ലാ​ത്ത​തു​മാ​ണ്​ കാ​ര​ണ​മാ​യി പ​റ​യു​ന്ന​ത്. മൂ​ന്നു​ ദി​വ​സ​ത്തി​നു​ള്ളി​ൽ മൂ​ന്ന്​ അ​പ​ക​ട​ങ്ങ​ളാ​ണ്​ ഉ​ണ്ടാ​യ​ത്. പൂ​തം​പാ​റ പ​ള്ളി​ക്ക​വ​ല​യി​ൽ ട്രാ​വ​ല​ർ വാ​ൻ മ​റി​ഞ്ഞ്​ ആ​റു​പേ​ർ​ക്ക്​ പ​രി​ക്കേ​റ്റ​താ​ണ്​ ആ​ദ്യ സം​ഭ​വം. അ​ഴി​യൂ​രി​ലേ​ക്ക്​ പോ​കു​ന്ന 16 പേ​രാ​ണ്​ വാ​നി​ലു​ണ്ടാ​യി​രു​ന്ന​ത്. അ​ന്നു പു​ല​ർ​ച്ച കു​റ്റ്യാ​ടി​ക്ക്​ വ​രു​ന്ന കു​ടും​ബം സ​ഞ്ച​രി​ച്ച കാ​ർ നി​യ​ന്ത്ര​ണം വി​ട്ട്​ മു​ള​വ​ട്ട​ത്ത്​ മ​റി​ഞ്ഞി​രു​ന്നു. ര​ണ്ടു ദി​വ​സം മു​മ്പ്​ മ​റ്റൊ​രു കാ​ർ പ​ത്താം​വ​ള​വി​ൽ മ​ഖാ​മി​ന​ടു​ത്ത്​ മ​റി​യു​ക​യു​ണ്ടാ​യി. രാ​ത്രി​യി​ലാ​ണ്​ അ​പ​ക​ട​ങ്ങ​ൾ ഏ​റെ​യും. നേ​ര​ത്തേ വി​വി​ധ അ​പ​ക​ട​ങ്ങ​ളി​ലാ​യി കു​റെ പേ​ർ​ക്ക്​ ജീ​വ​ഹാ​നി സം​ഭ​വി​ച്ച​താ​ണ്. പ​ത്തു കൊ​ല്ല​ത്തി​ലേ​റെ​യാ​യി റോ​ഡ്​ റീ​ടാ​ർ ചെ​യ്തി​ട്ട്.

അ​റ്റ​കു​റ്റ​പ്പ​ണി മാ​ത്രം ചെ​യ്ത് പൊ​തു​മ​രാ​മ​ത്ത്​ വ​കു​പ്പ്​ ബാ​ധ്യ​ത തീ​ർ​ക്കു​ക​യാ​ണെ​ന്നാ​ണ്​ നാ​ട്ടു​കാ​രു​ടെ ആ​ക്ഷേ​പം. റോ​ഡ്​ വീ​തി കൂ​ട്ടി വി​ക​സി​പ്പി​ക്കു​മെ​ന്ന്​ വ​കു​പ്പു മ​ന്ത്രി നേ​ര​ത്തേ സ്ഥ​ലം സ​ന്ദ​ർ​ശി​ച്ച്​ പ്ര​ഖ്യാ​പി​ച്ച​താ​ണെ​ന്നും ഇ​തു​വ​രെ ന​ട​പ്പാ​യി​ല്ലെ​ന്നും പ​റ​യു​ന്നു.