കുറ്റ്യാടി: അന്തർ സംസ്ഥാന തൊഴിലാളിയുടെ പണം മോഷ്ടിച്ച പ്രതിയെ പൊലീസ് രണ്ട് മണിക്കൂർ കൊണ്ട് പിടികൂടി. തൊട്ടിൽപാലം അമ്മ്യാർചാലിൽ അബ്ദുൽ ജലീലാണ് പിടിയിലായത്.ചൊവ്വാഴ്ച വൈകീട്ട് കായക്കൊടി കൊടക്കലിൽ കെട്ടിട നിർമാണ തൊഴിലാളി പശ്ചിമബംഗാളിലെ ജയ്പാൽഗുഡി സ്വദേശി റബ്യൂളിന്‍റെ തൊഴിലിടത്തിൽ സൂക്ഷിച്ച വസ്ത്രത്തിന്‍റെ പോക്കറ്റിൽ നിന്നും പതിനായിരം രൂപ മോഷണം പോയതായി തൊട്ടിൽപാലം പൊലീസിന് പരാതി ലഭിച്ചു. തുടർന്ന് പൊലീസ് പരിസരങ്ങളിലെ സി.സി.ടി.വി പരിശോധിച്ചപ്പോഴാണ് സംശയകരമായ സാഹചര്യത്തിൽ ഓട്ടോ ശ്രദ്ധയിൽപെട്ടത്. കുറ്റ്യാടി ടൗണിൽഓടുന്ന ഓട്ടോ ആണെന്ന് തിരിച്ചറിഞ്ഞ പൊലീസ് തുടർന്ന് നടത്തിയ അന്വേഷണത്തിൽ ഓട്ടോഡ്രൈവർ തൊട്ടിൽപാലം ആശ്വസിയിലെ അമ്യാർചാലിൽ അബ്ദുൽ ജലീലാണ് പണം കവർന്നതെന്ന് മനസ്സിലാക്കുകയും അറസ്റ്റ് ചെയ്യുകയുമായിരുന്നു.
തൊട്ടിൽപാലം സി.ഐ എൻ.ടി. ജേക്കബ്, സിവിൽ പൊലീസ് ഉദ്യോഗസ്ഥരായ എൻ.പി. പ്രകാശൻ, ശ്രീനാഥ്, രഗീഷ് എന്നിവർ ചേർന്നാണ് പ്രതിയെ പിടികൂടിയത്. പ്രതിയുടെ വീട്ടിൽ നിന്നും, മോഷ്ടിച്ച പതിനായിരം രൂപ കണ്ടെടുത്തു. തൊട്ടിൽപാലം എസ്.ഐ സജി അഗസ്റ്റിനാണ് അന്വേഷണ ചുമതല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.