കുറ്റ്യാടി: കുറ്റ്യാടി -പക്രന്തളം ചുരത്തിൽ ഒന്നാം വളവിൽ അടച്ചിട്ട തട്ടുകട കത്തിനശിച്ചു. കുണ്ടുതോട് സ്വദേശി സജാദ് നടത്തുന്ന കടയാണ് രാത്രി പത്തരക്ക് കത്തിനശിച്ചത്. കടയിലുണ്ടായിരുന്ന രണ്ട് ഗ്യാസ് സിലണ്ടറുകളിൽ ഒന്ന് പൊട്ടിത്തെറിച്ചു. മറ്റേത് ചോരുകയും ചെയ്തു. വലിയ കമേഴ്സ്യൽ സിലിണ്ടറാണ് പൊട്ടിത്തെറിച്ചത്. നാദാപുരത്തുനിന്ന് സ്റ്റേഷൻ ഓഫിസർ ടി. സാദിഖിന്റെ നേതൃത്വത്തിലെത്തിയ അഗ്നിരക്ഷാസേന തീ കെടുത്തി ചോർച്ച അടച്ചു.
സമീപത്തൊന്നും താമസക്കാരില്ലാത്തതിനാൽ ആളപായം ഒഴിവായി. തൊട്ടിൽപാലം പൊലീസ് രക്ഷാപ്രവർത്തനത്തിന് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.