ഇജാസ്, അഖില
നാദാപുരം: എം.ഡി.എം.എയുമായി യുവതിയെയും യുവാവിനെയും പിടികൂടി. വയനാട് കൊട്ടാരക്കുണ്ട് തയ്യിൽ വീട്ടിൽ മുഹമ്മദ് ഇജാസ് (26), കമ്പളക്കാട് വാടക വീട്ടിൽ താമസിക്കുന്ന അഖില (24) എന്നിവരെയാണ് 32 ഗ്രാം എം.ഡി.എം.എയുമായി നാദാപുരം എസ്.ഐ അനീഷ് വടക്കേടത്തും സംഘവും അറസ്റ്റ് ചെയ്തത്. പേരോട് റോഡിൽ വാഹന പരിശോധന നടത്തുന്നതിനിടെയാണ് ഇവർ സഞ്ചരിച്ച വാഹനത്തിൽ നിന്ന് ലഹരി വസ്തുക്കൾ കണ്ടെടുത്തത്.
തിങ്കളാഴ്ച ഉച്ചയോടെ കമ്പളക്കാട്ടെ വാടക വീട്ടിൽ നിന്ന് ഭക്ഷണം കഴിച്ചുവരാമെന്നുപറഞ്ഞ് മൂന്നു മാസം പ്രായമുള്ള കുട്ടിയെ വീട്ടിലാക്കി ഇജാസും മകളും പുറത്ത് പോയതാണെന്ന് അഖിലയുടെ അമ്മ പറഞ്ഞു. ഇജാസ് നേരത്തെയും മയക്കുമരുന്ന് കേസിൽ പ്രതിയായിരുന്നുവെന്ന് പൊലീസ് പറഞ്ഞു. അഖിലയെയും കുഞ്ഞിനെയും മാനന്തവാടി വനിത സബ് ജയിലിലും ഇജാസിനെ വടകര സബ് ജയിലിലും റിമാൻഡ് ചെയ്തു. മറ്റൊരു കേസിൽ ചെക്യാട് ചെറ്റക്കണ്ടി പാലത്തിനു സമീപത്തുനിന്ന് അഞ്ച് ഗ്രാം എം.ഡി.എം.എയുമായി കല്ലിക്കണ്ടി സ്വദേശി മണത്തണമ്മൽ അർജുനെ (26) വളയം പൊലീസ് അറസ്റ്റ് ചെയ്തു. വടകര കോടതിയിൽ ഹാജരാക്കിയ പ്രതികളെ കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.