വിലങ്ങാട് ഉരുൾപൊട്ടൽ: ഫ​ണ്ടി​ല്ല; ദു​രി​താ​ശ്വാ​സ ന​ട​പ​ടി​ക​ൾ നി​ല​ച്ചു

നാ​ദാ​പു​രം: ക​ഴി​ഞ്ഞ മാ​സം വി​ല​ങ്ങാ​ടു​ണ്ടാ​യ ഉ​രു​ൾ​പൊ​ട്ട​ലി​ൽ വ​ൻ നാ​ശം വി​ത​ച്ച വി​ല​ങ്ങാ​ട് ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ നി​ല​ച്ചു. ഇ​റി​ഗേ​ഷ​ൻ, റ​വ​ന്യൂ, പൊ​തു​മ​രാ​മ​ത്ത് വ​കു​പ്പു​ക​ളാ​ണ് പു​ന​ര​ധി​വാ​സ പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കി​യി​രു​ന്ന​ത്. നി​ല​വി​ൽ പ്ര​വ​ർ​ത്ത​ന​ങ്ങ​ൾ പൂ​ർ​ണ​മാ​യും നി​ല​ച്ചി​രി​ക്ക​യാ​ണ്.

റ​വ​ന്യൂ വ​കു​പ്പ് ഫ​ണ്ട് അ​നു​വ​ദി​ക്കാ​ത്ത​താ​ണ് പ്ര​വ​ർ​ത്ത​ന​ങ്ങ​ൾ നി​ല​ക്കാ​ൻ കാ​ര​ണ​മാ​യ​തെ​ന്നാ​ണ് ല​ഭി​ക്കു​ന്ന സൂ​ച​ന. ഗ​തി​മാ​റി ഒ​ഴു​കി​യ പു​ഴ​യു​ടെ ഒ​ഴു​ക്ക് പൂ​ർ​വ​സ്ഥി​തി​യി​ലെ​ത്തി​ക്ക​ൽ ഗൗ​ര​വ​ത​ര​മാ​യ വി​ഷ​യ​മാ​യാ​ണ് നാ​ട്ടു​കാ​ർ കാ​ണു​ന്ന​ത്. ക​ല്ലും മ​ണ്ണും നി​റ​ഞ്ഞ് ആ​ഴം കു​റ​ഞ്ഞു. പു​ഴ​യോ​ര​ത്തെ പ​ല വീ​ടു​ക​ളും പു​ഴ​ഗ​തി മാ​റി​യ​തി​നാ​ൽ അ​പ​ക​ട​ഭീ​ഷ​ണി​യി​ലു​മാ​ണ്. വ​ട​ക്ക് കി​ഴ​ക്ക​ൻ മ​ൺ​സൂ​ൺ ശ​ക്തി പ്രാ​പി​ക്കു​ന്ന ഘ​ട്ട​ത്തി​ൽ മ​ഴ ക​ന​ത്താ​ൽ വെ​ള്ളം വീ​ണ്ടും വീ​ടു​ക​ളി​ലേ​ക്ക് ക​യ​റു​മെ​ന്ന ആ​ശ​ങ്ക​യാ​ണ് നാ​ട്ടു​കാ​ർ പ​ങ്കു​വെ​ക്കു​ന്ന​ത്. പു​ഴ​ക​ളി​ൽ ഒ​ഴു​കി​യെ​ത്തി​യ വ​ൻ പാ​റ​ക്കൂ​ട്ട​ങ്ങ​ളും അ​ടി​ഞ്ഞു​കൂ​ടി​യ മ​ര​ക്കൂ​ട്ട​ങ്ങ​ളും അ​തേ​പ​ടി നി​ല​നി​ൽ​ക്കു​ക​യാ​ണ്.

വീ​ടു​ക​ളി​ലേ​ക്ക് അ​ടി​ഞ്ഞു​കൂ​ടി​യ മ​ണ്ണും ച​ളി​യും സ​ന്ന​ദ്ധ പ്ര​വ​ർ​ത്ത​ക​ർ ചേ​ർ​ന്ന് നീ​ക്കി​യെ​ങ്കി​ലും കൃ​ഷി​യി​ട​ങ്ങ​ളി​ലെ ച​ളി​യും മ​ണ്ണും നീ​ക്കാ​തെ​ത​ന്നെ കി​ട​ക്കു​ക​യാ​ണ്. ഫ​ണ്ട് ല​ഭി​ക്കാ​തെ വ​ന്ന​തോ​ടെ ദു​രി​താ​ശ്വാ​സ പ്ര​വ​ർ​ത്ത​ന​ത്തി​ൽ ഏ​ർ​പ്പെ​ട്ടി​രു​ന്ന മ​ണ്ണു​മാ​ന്തി​യ​ന്ത്ര​ങ്ങ​ളെ​ല്ലാം ജോ​ലി നി​ർ​ത്തി​വെ​ച്ചി​രി​ക്ക​യാ​ണ്. ഉ​രു​ൾ​പൊ​ട്ട​ലി​ൽ നി​ര​വ​ധി കി​ണ​റു​ക​ൾ ഉ​പ​യോ​ഗ​ശൂ​ന്യ​മാ​യി​ട്ടു​ണ്ട്. ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളു​ടെ ചു​മ​ത​ല വി​ല്ലേ​ജ് ഓ​ഫി​സ് വ​ഴി​യാ​ണ് ന​ട​ത്തി​യി​രു​ന്ന​ത്. ഇ​തി​ന​കം 22 ല​ക്ഷ​ത്തോ​ളം രൂ​പ വി​വി​ധ ഏ​ജ​ൻ​സി​ക​ൾ​ക്ക് വി​ല്ലേ​ജ് ഓ​ഫി​സി​ൽ​നി​ന്ന് ന​ൽ​കാ​നു​ണ്ട്. എ​ല്ലാം ക​ട​ത്തി​ലാ​ണെ​ന്നും ഫ​ണ്ട് എ​ത്തി​യാ​ൽ മാ​ത്ര​മേ തു​ട​ർ​പ്ര​വ​ർ​ത്ത​ന​ങ്ങ​ൾ ന​ട​ത്താ​ൻ ക​ഴി​യൂ എ​ന്നു​മു​ള്ള നി​ല​പാ​ടി​ലാ​ണ് വി​ല്ലേ​ജ് അ​ധി​കൃ​ത​ർ.

313 വീടുകൾ വാസയോഗ്യമല്ലെന്ന്

നാ​ദാ​പു​രം: ഉ​രു​ൾ​പൊ​ട്ട​ലി​ൽ നാ​ശ​ന​ഷ്ട​മു​ണ്ടാ​യ പ്ര​ദേ​ശ​ങ്ങ​ളി​ലെ സാ​ഹ​ച​ര്യം പ​ഠി​ക്കാ​ൻ ജി​ല്ല ഭ​ര​ണ​കേ​ന്ദ്രം നി​യോ​ഗി​ച്ച സം​ഘം ന​ട​ത്തി​യ പ​രി​ശോ​ധ​ന​യു​ടെ റി​പ്പോ​ർ​ട്ട് സ​മ​ർ​പ്പി​ച്ചു. 485 വീ​ടു​ക​ളി​ൽ ന​ട​ത്തി​യ പ​രി​ശോ​ധ​ന​യി​ൽ 313 വീ​ടു​ക​ൾ വാ​സ​യോ​ഗ്യ​മ​ല്ലെ​ന്ന് വി​ല​ങ്ങാ​ട് പു​ന​ര​ധി​വാ​സ​ത്തി​നാ​യി നി​യ​മി​ച്ച സ്പെ​ഷ്യ​ൽ ഓ​ഫി​സ​ർ ആ​ർ.​ഡി.​ഒ പി. ​അ​ൻ​വ​ർ സാ​ദ​ത്ത് ജി​ല്ല ക​ല​ക്ട​ർ​ക്ക് റി​പ്പോ​ർ​ട്ട് ന​ൽ​കി. മ​ഞ്ഞ​ച്ചി​ളി, പാ​നോം, വ​ലി​യ പാ​നോം, ആ​ന​ക്കു​ഴി, മാ​ടാ​ഞ്ചേ​രി കു​റ്റ​ല്ലൂ​ർ, പ​ന്നി​യേ​രി, വാ​യാ​ട് മേ​ഖ​ല​ക​ളി​ലാ​ണ് സം​ഘം സ​ന്ദ​ർ​ശി​ച്ച​ത്. ഈ ​മേ​ഖ​ല​ക​ളി​ലെ നൂ​റി​ലേ​റെ സ്ഥ​ല​ങ്ങ​ളി​ൽ ഉ​രു​ൾ​പൊ​ട്ടി ഒ​ലി​ച്ചി​റ​ങ്ങി​യ​താ​യി ക​ണ്ടെ​ത്തി​യി​രു​ന്നു. ഇ​തി​ന് പി​ന്നാ​ലെ​യാ​ണ് സ്ഥ​ല​ത്തെ യ​ഥാ​ർ​ഥ ക​ണ​ക്ക് തി​ട്ട​പ്പെ​ടു​ത്താ​ൻ വി​ദ​ഗ്ധ സ​മി​തി​യെ ജി​ല്ല ഭ​ര​ണ​കൂ​ടം നി​യോ​ഗി​ച്ച​ത്.

ഉ​രു​ൾ​പൊ​ട്ട​ലി​ൽ ഒ​ലി​ച്ചു​പോ​യ 14 വീ​ടു​ക​ളി​ലെ​യു​ൾ​പ്പെ​ടെ 44 കു​ടും​ബ​ങ്ങ​ളെ അ​ടി​യ​ന്ത​ര​മാ​യി പു​ന​ര​ധി​വ​സി​പ്പി​ക്ക​ണ​മെ​ന്നും ഉ​രു​ൾ​പൊ​ട്ട​ൽ ഭീ​ഷ​ണി നേ​രി​ടു​ന്ന വ​ന​വാ​സി ഉ​ന്ന​തി കേ​ന്ദ്ര​ങ്ങ​ൾ ഉ​ൾ​പ്പെ​ടെ​യു​ള്ള 313 കു​ടും​ബ​ങ്ങ​ളെ ഉ​ട​ൻ മാ​റ്റി​പ്പാ​ർ​പ്പി​ക്ക​ണ​മെ​ന്നും ശി​പാ​ർ​ശ​യു​ണ്ട്. എ​ൽ.​എ​സ്‌.​ജി.​ഡി, പൊ​തു​മ​രാ​മ​ത്ത് വ​കു​പ്പ്, ആ​രോ​ഗ്യ വ​കു​പ്പ്, റ​വ​ന്യൂ വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​രും ജ​ന​പ്ര​തി​നി​ധി​ക​ളും അ​ട​ങ്ങു​ന്ന നാ​ല് സം​ഘ​ങ്ങ​ളാ​യാ​ണ് പ​രി​ശോ​ധ​ന ന​ട​ത്തി​യ​ത്. പൂ​ർ​ണ​മാ​യി ത​ക​ർ​ന്ന വീ​ട്, ഭാ​ഗി​ക​മാ​യി ത​ക​ർ​ന്ന വീ​ടു​ക​ൾ, ത​ക​ർ​ച്ച​ഭീ​ഷ​ണി നേ​രി​ടു​ന്ന വീ​ടു​ക​ൾ, വാ​സ​യോ​ഗ്യ​മ​ല്ലാ​ത്ത വീ​ടു​ക​ൾ, ബ​ല​ക്ഷ​യ​മു​ണ്ടാ​യ ക​ട​ക​ളും കെ​ട്ടി​ട​ങ്ങ​ളും എ​ന്നി​ങ്ങ​നെ ത​രം​തി​രി​ച്ചാ​ണ് റി​പ്പോ​ർ​ട്ട് സ​മ​ർ​പ്പി​ച്ച​ത്.