സുധീഷ്
നാദാപുരം: ബൈക്കിൽ കടത്തിക്കൊണ്ടുവരുകയായിരുന്ന 40 ലിറ്റർ മാഹി വിദേശ മദ്യവുമായി യുവാവിനെ നാദാപുരം എക്സൈസ് പിടികൂടി. ചെക്യാട് ഗ്രാമ പഞ്ചായത്തിലെ നെല്ലിക്കാപറമ്പ് പാലയുള്ള പറമ്പത്ത് സുധീഷാണ് (38) അറസ്റ്റിലായത്.
നാദാപുരം റേഞ്ച് എക്സൈസ് ഇൻസ്പെക്ടർ അനിമോൻ ആന്റണിയുടെ നേതൃത്വത്തിൽ നടത്തിയ ഓണം സ്പെഷൽ ഡ്രൈവിന്റെ ഭാഗമായി തുണേരിയിൽ നടത്തിയ വാഹന പരിശോധനക്കിടയിലാണ് പിടിയിലായത്.
മദ്യം കടത്താൻ ഉപയോഗിച്ച കെ.എൽ. 18 കെ 4941 ബജാജ് പൾസർ 150 ബൈക്കും എക്സൈസ് കസ്റ്റഡിയിലെടുത്തു. പ്രിവന്റിവ് ഓഫിസർ സി. വിജയൻ, ഗ്രേഡ് പ്രിവന്റിവ് ഓഫിസർമാരായ കെ.കെ. ജയൻ, സി.എം. സുരേഷ് കുമാർ, സിവിൽ എക്സൈസ് ഓഫിസർമാരായ കെ. ഷിരാജ്, പി.പി. ശ്രീജേഷ്, കെ. സിനീഷ്, വനിത സിവിൽ എക്സൈസ് ഓഫിസർ പി.എം. സൂര്യ, ഡ്രൈവർ ബബിൻ എന്നിവർ പരിശോധനയിൽ പങ്കെടുത്തു. നാദാപുരം കോടതിയിൽ ഹാജരാക്കിയ പ്രതികളെ 14 ദിവസത്തേക്ക് റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.