സ്വന്തമായുണ്ടാക്കിയ ഇൻക്യുബേറ്ററിൽ മുട്ട വിരിയിച്ച് എട്ടാം ക്ലാസുകാരൻ

നരിക്കുനി: ശാസ്​ത്ര നിരീക്ഷണങ്ങളിലും ജന്തുസ്​നേഹത്തിലും വിനോദം കണ്ടെത്തുന്ന എട്ടാം ക്ലാസ്​ വിദ്യാർഥിയായ മുഹമ്മദ് അജ്മൽ സ്വന്തമായി ഒരു ഇൻക്യുബേറ്റർ തയാറാക്കി അതിൽ കോഴിമുട്ട വിരിയിച്ചു. യൂട്യൂബ് ചാനലിൽ അന്വേഷണം നടത്തിയാണ് ഇതിനുള്ള മാർഗം കണ്ടെത്തിയത്. വീട്ടിൽ കിട്ടാവുന്ന വസ്​തുക്കൾ ഉപയോഗപ്പെടുത്തുകയും മറ്റുള്ളവ വിലകൊടുത്തു വാങ്ങുകയും ചെയ്തു.

ഒരു ഹാർഡ് ബോർഡ് പെട്ടിയിലാണ് ഊഷ്മാവ് നിലനിർത്തിയും ഈർപ്പം ക്രമീകരിച്ചും മുട്ടകൾ വിരിയിച്ചെടുത്തത്. അജ്മലിന് മാതാപിതാക്കൾ മികച്ച പിന്തുണയും നൽകി. ദിവസവും രണ്ട് പ്രാവശ്യം വീതം മുട്ടയുടെ ഭാഗം മാറ്റിവെച്ചു. 21 ദിവസം ആയപ്പോൾ ആദ്യത്തെ മുട്ട വിരിഞ്ഞപ്പോൾ തന്നെ ആശ്വാസമായി.

കോഴിക്കോട് നരിക്കുനി പുല്ലാളൂരിലെ മേപ്പെരുമന അബ്ദുൽ സലാമി​െൻറയും ജസീലയുടെയും മകനാണ്. ചക്കാലക്കൽ ഹയർസെക്കൻഡറി സ്​കൂളിൽ എട്ടാംതരം വിദ്യാർഥിയാണ് അജ്മൽ.