ന​രി​ക്കു​നി ഫ​യ​ർ​ സ്റ്റേ​ഷ​ന് കെ​ട്ടി​ടം​ വേ​ണം

ന​രി​ക്കു​നി: നാ​ടി​ന്‍റെ ര​ക്ഷ​ക​രാ​യ ന​രി​ക്കു​നി ഫ​യ​ർ​സ്റ്റേ​ഷ​ന് സ്വ​ന്ത​മാ​യി കെ​ട്ടി​ടം വേ​ണം. 2010 ലാ​ണ് ചെ​മ്പ​ക്കു​ന്നി​ലെ വാ​ട​ക കെ​ട്ടി​ട​ത്തി​ൽ ഫ​യ​ർ സ്റ്റേ​ഷ​ൻ പ്ര​വ​ർ​ത്ത​നം ആ​രം​ഭി​ച്ച​ത്. സ്ഥ​ലം ല​ഭി​ച്ചാ​ൽ ഉ​ട​ൻ കെ​ട്ടി​ടം നി​ർ​മി​ക്കു​മെ​ന്നാ​യി​രു​ന്നു അ​ധി​കൃ​ത​രു​ടെ വാ​ഗ്ദാ​നം. തു​ട​ർ​ന്ന് പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ ജ​ന​കീ​യ കൂ​ട്ടാ​യ്മ​യി​ൽ ക​ൽ​ക്കു​ടു​മ്പി​ൽ 18 സെ​ന്‍റ് സ്ഥ​ലം ക​ണ്ടെ​ത്തി. പ​ഞ്ചാ​യ​ത്തി​ന്റെ ഫ​ണ്ട് വൈ​കി​യ​പ്പോ​ൾ സ്ഥ​ലം ന​ഷ്ട​മാ​കാ​തി​രി​ക്കാ​ൻ ജ​ന​കീ​യ ക​മ്മി​റ്റി​യു​ടെ നേ​തൃ​ത്വ​ത്തി​ൽ പ​ണം ക​ണ്ടെ​ത്തി സ്ഥ​ലം വാ​ങ്ങി സ​ർ​ക്കാ​റി​ന് കൈ​മാ​റി. എ​ന്നാ​ൽ, പ​തി​റ്റാ​ണ്ടു​ക​ൾ പി​ന്നി​ട്ടി​ട്ടും ഫ​യ​ർ സ്റ്റേ​ഷ​ൻ പ​ഴ​യ വാ​ട​ക കെ​ട്ടി​ട​ത്തി​ൽ ത​ന്നെ​യാ​ണ്.ഫ​യ​ർ സ്റ്റേ​ഷ​ന് സ്വ​ന്തം കെ​ട്ടി​ടം നി​ർ​മി​ക്കു​മെ​ന്ന് ബ​ജ​റ്റ് പ്ര​ഖ്യാ​പി​ച്ചെ​ങ്കി​ലും തു​ക വ​ക​യി​രു​ത്തി​യി​ല്ല. കെ​ട്ടി​ട നി​ർ​മാ​ണ​ത്തി​നാ​യി സ​മ​ർ​പ്പി​ച്ച പ​ദ്ധ​തി ഭ​ര​ണാ​നു​മ​തി ല​ഭി​ക്കാ​തെ കി​ട​ക്കു​ക​യാ​ണ്. അ​തു​കൊ​ണ്ടു​ത​ന്നെ 14 പ​ഞ്ചാ​യ​ത്തു​ക​ൾ പ​രി​ധി നി​ശ്ച​യി​ച്ചു തു​ട​ങ്ങി​യ ഫ​യ​ർ സ്റ്റേ​ഷ​ൻ ഇ​ന്നും വാ​ട​ക കെ​ട്ടി​ട​ത്തി​ലാ​ണ്. നി​ല​വി​ലെ കെ​ട്ടി​ട​മാ​വ​ട്ടെ ഏ​റെ ശോ​ച്യാ​വ​സ്ഥ​യി​ലാ​ണു​ള്ള​ത്. ജീ​വ​ന​ക്കാ​ർ വി​ശ്ര​മി​ക്കു​ന്ന​ത് മ​ഴ പെ​യ്താ​ൽ ചോ​രു​ന്ന കെ​ട്ടി​ട​ത്തി​ലാ​ണ്. കൂ​ടാ​തെ, ശു​ദ്ധ​ജ​ല​ക്ഷാ​മ​വു​മു​ണ്ട്. ടാ​ർ​പോ​ളി​ൻ വ​ലി​ച്ചു​കെ​ട്ടി​യ കെ​ട്ടി​ട​ത്തി​ന്റെ ചു​മ​രി​ൽ ചാ​രി​യാ​ൽ ഷോ​ക്കേ​ൽ​ക്കു​ന്ന സ്ഥി​തി​യാ​ണ്.

സ്റ്റേ​ഷ​ൻ ഓ​ഫി​സ​ർ, അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫി​സ​ർ, ര​ണ്ട് സീ​നി​യ​ർ ഫ​യ​ർ ഓ​ഫി​സ​ർ, അ​ഞ്ച് ഫ​യ​ർ ഡ്രൈ​വ​ർ​മാ​ർ, 15 സി​വി​ൽ ഫ​യ​ർ ഓ​ഫി​സ​ർ​മാ​ർ, ഒ​മ്പ​ത് ഹോം ​ഗാ​ർ​ഡു​ക​ൾ എ​ന്നി​വ​ർ ഉ​ൾ​പ്പെ​ടെ 34 ജീ​വ​ന​ക്കാ​രാ​ണ് ഇ​വി​ടെ​യു​ള്ള​ത്. കൂ​ടാ​തെ, 74 ഓ​ളം വ​ള​ന്‍റി​യ​ർ​മാ​രും ഫ​യ​ർ സ്റ്റേ​ഷ​നു​മാ​യി ചേ​ർ​ന്ന് പ്ര​വ​ർ​ത്തി​ക്കു​ന്നു​ണ്ട്. ഇ​വ​രു​ടെ​യെ​ല്ലാം ആ​ശ്ര​യ കേ​ന്ദ്ര​മാ​ണ് സു​ര​ക്ഷാ ഭീ​തി​യോ​ടെ ക​ഴി​യു​ന്ന​ത്. 

ഫ​യ​ർ സ്റ്റേ​ഷ​ൻ കെ​ട്ടി​ട നി​ർ​മാ​ണം ഉ​ട​ൻ ആ​രം​ഭി​ക്കു​മെ​ന്ന് പ്ര​തീ​ക്ഷ

ന​രി​ക്കു​നി ഫ​യ​ർ സ്റ്റേ​ഷ​ന് സ്വ​ന്തം കെ​ട്ടി​ടം നി​ർ​മി​ക്കു​ന്ന​തി​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ എം.​കെ. മു​നീ​ർ എം.​എ​ൽ.​എ മു​ഖാ​ന്ത​രം മു​ഖ്യ​മ​ന്ത്രി​യു​ടെ ശ്ര​ദ്ധ​യി​ൽ​പ്പെ​ടു​ത്തി​യി​ട്ടു​ണ്ട്. മ​ണ്ഡ​ല​ത്തി​ന്റെ വി​ക​സ​ന പ്ര​വ​ർ​ത്ത​ന​ങ്ങ​ളി​ൽ പ്ര​ഥ​മ പ​രി​ഗ​ണ​ന​യോ​ടെ കെ​ട്ടി​ട നി​ർ​മാ​ണം ഉ​ട​ൻ ആ​രം​ഭി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.

ജൗ​ഹ​ർ പൂ​മം​ഗ​ലം - പ്ര​സി​ഡ​ന്റ്, ന​രി​ക്കു​നി ഗ്രാ​മ​പ​ഞ്ചാ​യ​ത്ത്