ച​ളി​യും പൊ​ടി​ശ​ല്യ​വും രൂ​ക്ഷം; ദു​രി​തം മാ​റാ​തെ ദേ​ശീ​യ​പാ​ത

പ​യ്യോ​ളി: മ​ഴ പെ​യ്യു​മ്പോ​ൾ വെ​ള്ള​ക്കെ​ട്ടും കു​ഴി​യും ച​ളി​യി​ലും നി​റ​യു​ന്ന ദേ​ശീ​യ​പാ​ത​യി​ൽ മ​ഴ മാ​റി വെ​യി​ൽ വ​ന്നാ​ൽ അ​തി​രൂ​ക്ഷ​മാ​യ പൊ​ടി​ശ​ല്യ​വും​കൊ​ണ്ട് യാ​ത്ര​ക്കാ​രും നാ​ട്ടു​കാ​രും പൊ​റു​തി​മു​ട്ടു​ന്നു. പ​യ്യോ​ളി ടൗ​ണി​ന്‍റെ ഹൃ​ദ​യ​ഭാ​ഗ​ത്താ​ണ് കാ​ൽ​ന​ട​യാ​ത്ര പോ​ലും അ​സാ​ധ്യ​മാ​യ രീ​തി​യി​ൽ വ​ൻ​ദു​രി​തം.

ദേ​ശീ​യ​പാ​ത​യു​ടെ ഇ​രു സ​ർ​വി​സ് റോ​ഡു​ക​ളും ത​ക​ർ​ന്ന് ത​രി​പ്പ​ണ​മാ​യി​ട്ടും കൃ​ത്യ​മാ​യ രീ​തി​യി​ൽ ടാ​റി​ങ് ന​ട​ത്താ​തെ അ​ക്ഷ​രാ​ർ​ഥ​ത്തി​ൽ ക​ണ്ണി​ൽ പൊ​ടി​യി​ടു​ന്ന രീ​തി​യി​ലു​ള്ള പ്ര​ഹ​സ​ന പ്ര​വൃ​ത്തി​ക​ളാ​ണ് നി​ർ​മാ​ണ ക​രാ​റു​കാ​രാ​യ വ​ഗാ​ഡ് ക​മ്പ​നി ന​ട​ത്തു​ന്ന​തെ​ന്ന് നാ​ട്ടു​കാ​ർ പ​രാ​തി​പ്പെ​ടു​ന്നു.

മേ​ൽ​പാ​ല നി​ർ​മാ​ണം പ്ര​വൃ​ത്തി ന​ട​ക്കു​ന്ന​തി​നാ​ൽ കോ​ഴി​ക്കോ​ട് -വ​ട​ക​ര ഭാ​ഗ​ത്തേ​ക്ക് ഒ​രു വ​ലി​യ വാ​ഹ​ന​ത്തി​ന് ക​ഷ്ടി​ച്ച് പോ​കാ​ൻ ക​ഴി​യു​ന്ന വീ​തി കു​റ​ഞ്ഞ സ​ർ​വി​സ് റോ​ഡു​ക​ളാ​ണ് ഇ​പ്പോ​ൾ പൂ​ർ​ണ ത​ക​ർ​ച്ച​യി​ലാ​യി​രി​ക്കു​ന്ന​ത്. കോ​ട​തി​ക്ക് മു​ന്നി​ലാ​ണ് ത​ക​ർ​ച്ച രൂ​ക്ഷ​മാ​യി​ട്ടു​ള്ള​ത്. സി​മ​ന്‍റ് ക​ല​ർ​ന്ന മെ​റ്റ​ൽ രൂ​പ​ത്തി​ലൂ​ള്ള മി​ശ്രി​തം വെ​ള്ള​ക്കെ​ട്ടി​ൽ പാ​കു​ന്ന​തോ​ടെ താൽക്കാലിക പരിഹാരം മാത്ര​മാ​ണത്.