നവീകരിച്ച റെയിൽവേ സ്റ്റേഷൻ 2027 ജൂണിൽ സജ്ജമാകും

കോ​ഴി​ക്കോ​ട്: 450 കോ​ടി ചെ​ല​വു​വ​രു​ന്ന കോ​ഴി​ക്കോ​ട് റെ​യി​ൽ​വേ സ്റ്റേ​ഷ​ന്‍റെ ന​വീ​ക​ര​ണം 2027 ജൂ​ണി​ൽ യാ​ഥാ​ർ​ഥ്യ​മാ​കും. കേ​ന്ദ്ര​മ​ന്ത്രി ജോ​ർ​ജ് കു​ര്യ​ൻ, എം.​കെ. രാ​ഘ​വ​ൻ എം.​പി, റെ​യി​ൽ​വേ ഉ​ന്ന​ത ഉ​ദ്യോ​ഗ​സ്ഥ​ർ, ക​രാ​റു​കാ​ർ എ​ന്നി​വ​രു​ടെ ഉ​ന്ന​ത​ത​ല യോ​ഗ​ത്തി​നു ശേ​ഷ​മാ​ണ് ഇ​ക്കാ​ര്യ​ത്തി​ൽ തീ​രു​മാ​ന​മാ​യ​ത്. പ​ദ്ധ​തി പ്ര​ദേ​ശം സ​ന്ദ​ർ​ശി​ച്ച മ​ന്ത്രി, നി​ർ​മാ​ണ പ്ര​വൃ​ത്തി​ക​ളി​ൽ പൂ​ർ​ണ തൃ​പ്തി പ്ര​ക​ടി​പ്പി​ച്ചു.

അ​ടി​സ്ഥാ​ന​സൗ​ക​ര്യ വി​ക​സ​ന​ത്തി​ല്‍ കേ​ര​ള​ത്തി​ലെ​ത​ന്നെ ഏ​റ്റ​വും വ​ലി​യ റെ​യി​ല്‍വേ സ്റ്റേ​ഷ​നാ​കാ​ന്‍ ഒ​രു​ങ്ങു​ക​യാ​ണ് കോ​ഴി​ക്കോ​ട്. വി​മാ​ന​ത്താ​വ​ള​ത്തി​ന്‍റെ അ​ത്യ​ന്താ​ധു​നി​ക സൗ​ക​ര്യ​ങ്ങ​ളോ​ട് കി​ട​പി​ടി​ക്കു​ന്ന രീ​തി​യി​ലാ​ണ് നി​ർ​മാ​ണം പു​രോ​ഗ​മി​ക്കു​ന്ന​ത്. ഒ​രി​ഞ്ച് ഭൂ​മി​പോ​ലും ഏ​റ്റെ​ടു​ക്കാ​തെ റെ​യി​ൽ​വേ​യു​ടെ അ​ധീ​ന​ത​യി​ലു​ള്ള സ്ഥ​ല​ത്താ​ണ് നി​ർ​മാ​ണം ന​ട​ത്തു​ന്ന​തെ​ന്ന പ്ര​ത്യേ​ക​ത​യു​മു​ണ്ട്.

ജീ​വ​ന​ക്കാ​ർ​ക്കു​ള്ള ക്വാ​ർ​ട്ടേ​ഴ്സ്, ഹെ​ൽ​ത്ത് യൂ​നി​റ്റ്, മ​ൾ​ട്ടി​ലെ​വ​ൽ പാ​ർ​ക്കി​ങ് പ്ലാ​സ എ​ന്നി​വ​യ​ട​ക്കം വി​പു​ല​മാ​യ സൗ​ക​ര്യ​ങ്ങ​ളാ​ണ് ഒ​രു​ക്കു​ന്ന​ത്. ഒ​രു കെ​ട്ടി​ടം പൂ​ർ​ത്തി​യാ​ക്കി അ​ടു​ത്ത കെ​ട്ടി​ടം പൂ​ർ​ത്തി​യാ​ക്കു​ക എ​ന്ന രീ​തി​യി​ല​ല്ല, എ​ല്ലാ പ്ര​വ​ർ​ത്ത​ന​ങ്ങ​ളും ഒ​രു​മി​ച്ചു പൂ​ർ​ത്തി​യാ​ക്കു​ന്ന രീ​തി​യി​ൽ വെ​ർ​ട്ടി​ക്ക​ലാ​യാ​ണ് പ​ണി പൂ​ർ​ത്തി​യാ​ക്കു​ക​യെ​ന്ന് കേ​ന്ദ്ര​മ​ന്ത്രി ജോ​ർ​ജ് കു​ര്യ​ൻ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.

വ​രു​ന്ന ജൂ​ണി​ൽ നി​ർ​മാ​ണ​ത്തി​ന്‍റെ ആ​ദ്യ​ഘ​ട്ടം പൂ​ർ​ത്തി​യാ​കും. കോ​ർ​പ​റേ​ഷ​ൻ, പി.​ഡ​ബ്ല്യു.​ഡി എ​ന്നി​വ​രു​മാ​യി ച​ർ​ച്ച ചെ​യ്ത​ശേ​ഷം റോ​ഡ് ക​ണ​ക്ടി​വി​റ്റി​യു​ടെ കാ​ര്യ​ത്തി​ൽ അ​ന്തി​മ തീ​രു​മാ​ന​മാ​കു​മെ​ന്ന് എം.​കെ. രാ​ഘ​വ​ൻ എം.​പി പ​റ​ഞ്ഞു.

ന​വീ​ക​ര​ണ​ത്തി​നൊ​പ്പം കെ-​റെ​യി​ല്‍, ലൈ​റ്റ് മെ​ട്രോ, റെ​യി​ൽ​പാ​ത വി​ക​സ​നം എ​ന്നീ പ​ദ്ധ​തി​ക​ൾ​ക്കും ഇ​ടം നീ​ക്കി​വെ​ച്ചി​ട്ടു​ണ്ട്. കി​ഴ​ക്കു​വ​ശ​ത്ത് ലൈ​റ്റ് മെ​ട്രോ​ക്കും പ​ടി​ഞ്ഞാ​റു​ഭാ​ഗ​ത്ത് കെ- ​റെ​യി​ലി​നു​മാ​ണ് സ്ഥാ​നം നി​ര്‍ണ​യി​ച്ച​ത്. പ​ടി​ഞ്ഞാ​റു​ഭാ​ഗ​ത്ത് പു​തു​താ​യി നി​ര്‍മി​ക്കു​ന്ന ടെ​ര്‍മി​ന​ല്‍ കെ​ട്ടി​ട​ത്തി​നും നി​ല​വി​ലു​ള്ള നാ​ലാം പ്ലാ​റ്റ്‌​ഫോ​മി​നും ഇ​ട​യി​ല്‍ പു​തു​താ​യി ര​ണ്ട് ട്രാ​ക്കു​ക​ള്‍ക്കു​കൂ​ടി​യു​ള്ള സ്ഥാ​ന​വും നി​ര്‍ണ​യി​ച്ചി​ട്ടു​ണ്ട്.

സ്റ്റേ​ഷ​ന്റെ തെ​ക്കു​കി​ഴ​ക്ക് ഭാ​ഗ​ത്ത് ആ​നി ഹാ​ള്‍ റോ​ഡ്, റെ​യി​ല്‍വേ റോ​ഡു​മാ​യി ചേ​രു​ന്ന ഭാ​ഗ​ത്താ​ണ് ലൈ​റ്റ് മെ​ട്രോ​ക്ക് സ്ഥാ​നം നി​ശ്ച​യി​ച്ചി​രി​ക്കു​ന്ന​ത്. ഈ ​കെ​ട്ടി​ട​ത്തി​ലേ​ക്ക് റെ​യി​ല്‍വേ സ്റ്റേ​ഷ​ന്റെ കി​ഴ​ക്ക​ന്‍ ടെ​ര്‍മി​ന​ലി​ല്‍നി​ന്ന് എ​ട്ടു​മീ​റ്റ​ര്‍ ഉ​യ​ര​ത്തി​ല്‍ ആ​കാ​ശ​പ്പാ​ത​യും നി​ര്‍മി​ക്കും.