ദേ​ശീ​യ​പാ​ത നി​ർ​മാ​ണ​ത്തി​ലെ അ​പാ​ക​ത; ഓവുചാൽ സ്ലാ​ബു​ക​ൾ ത​ക​രു​ന്നു

വ​ട​ക​ര: ദേ​ശീ​യ​പാ​ത​യി​ൽ സ​ർ​വി​സ് റോ​ഡു​ക​ളോ​ട് ചേ​ർ​ന്ന് നി​ർ​മി​ച്ച ഓവുചാൽ സ്ലാ​ബു​ക​ൾ ത​ക​രു​ന്നു. നി​ർ​മാ​ണ​ത്തി​ൽ അ​പാ​ക​ത​യാ​ണ് ത​ക​ർ​ച്ച​ക്ക് കാ​ര​ണം. അ​ഴി​യൂ​ർ റീ​ച്ചി​ൽ പ​ല​യി​ട​ങ്ങ​ളി​ലും ഓവുചാൽ സ്ലാ​ബു​ക​ൾ ത​ക​ർ​ന്ന് കി​ട​ക്കു​ക​യാ​ണ്. ഓവുചാൽ സ്ലാ​ബു​ക​ൾ ഉ​ൾ​പ്പെ​ടെ​യാ​ണ് സ​ർ​വി​സ് റോ​ഡി​ന്‍റെ വീ​തി. പാ​ത നി​ർ​മാ​ണം ന​ട​ക്കു​ന്ന​തി​നാ​ൽ വാ​ഹ​ന​ങ്ങ​ൾ സ​ർ​വി​സ് റോ​ഡി​ലൂ​ടെ​യാ​ണ് സ​ഞ്ച​രി​ക്കു​ന്ന​ത്. വാ​ഹ​ന​ങ്ങ​ൾ ഓവുചാൽ സ്ലാ​ബു​ക​ൾ​ക്ക് മു​ക​ളി​ലൂ​ടെ ക​യ​റി​യി​റ​ങ്ങു​മ്പോ​ഴാ​ണ് ത​ക​രു​ന്ന​ത്. ഓവുചാൽ സ്ലാ​ബു​ക​ൾ ത​ക​ർ​ന്ന് കി​ട​ക്കു​ന്ന​ത് ശ്ര​ദ്ധ​യി​ൽ​പെ​ടാ​ത്ത​ത് അ​പ​ക​ട​ക്കു​രു​ക്കാ​യും മാ​റു​ന്നു​ണ്ട്. കാ​ൽ ന​ട​യാ​ത്ര​ക്കാ​ർ ഉ​ൾ​പ്പെ​ടെ അ​പ​ക​ട​ത്തി​ൽ​പെ​ടാ​ൻ സാ​ധ്യ​ത​യേ​റെ​യാ​ണ്.

ഗു​ണ​നി​ല​വാ​ര​മി​ല്ലാ​ത്ത കോ​ൺ​ക്രീ​റ്റ് ഉ​പ​യോ​ഗി​ച്ച​താ​ണ് ത​ക​ർ​ച്ച​ക്കി​ട​യാ​ക്കു​ന്ന​തെ​ന്ന് ആ​ക്ഷേ​പ​മു​ണ്ട്. മേ​ൽ​പ്പാ​ത നി​ർ​മാ​ണം ന​ട​ക്കു​ന്ന​തി​നാ​ൽ വ​ട​ക​ര പു​തി​യ ബ​സ് സ്റ്റാ​ൻ​ഡ് മു​ത​ൽ അ​ട​ക്കാ​ത്തെ​രു ജ​ങ്ഷ​ൻ​വ​രെ ഇ​ത്ത​ര​ത്തി​ലു​ള്ള ഓവുചാലിന് മു​ക​ളി​ലൂ​ടെ​യാ​ണ് പ​ല സ്ഥ​ല​ത്തും വാ​ഹ​ന​ങ്ങ​ൾ ക​ട​ന്നു​പോ​കു​ന്ന​ത്. ഇ​ത് വ​ലി​യ​ത​ര​ത്തി​ലു​ള്ള അ​പ​ക​ട​ങ്ങ​ൾ വി​ളി​ച്ചു വ​രു​ത്തി​യേ​ക്കും. പൊ​ട്ടി​യ സ്ലാ​ബു​ക​ൾ മാ​റ്റാ​ൻ അ​ധി​കൃ​ത​രു​ടെ ഭാ​ഗ​ത്തു​നി​ന്ന് ന​ട​പ​ടി​ക​ൾ ഉ​ണ്ടാ​വു​ന്നി​ല്ല. സ​ർ​വി​സ് റോ​ഡി​ന് സ​മീ​പം കാ​ൽ​ന​ട​യാ​ത്ര​ക്കാ​ർ​ക്ക് ന​ട​ക്കു​ന്ന​തി​നു​ള്ള സൗ​ക​ര്യ​മി​ല്ലാ​ത്ത സാ​ഹ​ച​ര്യ​ത്തി​ൽ അ​ധി​കൃ​ത​ർ പൊ​ട്ടി​യ സ്ലാ​ബു​ക​ൾ മാ​റ്റാ​ത്ത​ത് പ്ര​തി​ഷേ​ധാ​ർ​ഹ​മാ​ണെ​ന്ന് യൂ​ത്ത് കോ​ൺ​ഗ്ര​സ് വ​ട​ക​ര നി​യോ​ജ​ക​മ​ണ്ഡ​ലം ക​മ്മി​റ്റി ആ​രോ​പി​ച്ചു.