പു​ത്തൂ​ർ സ്റ്റേ​ഡി​യ​ത്തി​ന് മ​ര​ണ​മ​ണി; കെ​ട്ടി​ട നി​ർ​മാ​ണ​ത്തി​ന് ന​ട​പ​ടി തു​ട​ങ്ങി

വ​ട​ക​ര: പു​ത്തൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​നോ​ടു ചേ​ർ​ന്ന ന​ഗ​ര​സ​ഭ മി​നി സ്റ്റേ​ഡി​യ​ത്തി​ന് മ​ര​ണ​മ​ണി. കാ​യി​ക പ്രേ​മി​ക​ളു​ടെ​യും നാ​ട്ടു​കാ​രു​ടെ​യും എ​തി​ർ​പ്പ് മ​റി​ക​ട​ന്ന് സ്റ്റേ​ഡി​യ​ത്തി​ൽ സ്കൂ​ളി​ന് കെ​ട്ടി​ടം നി​ർ​മി​ക്കാ​നു​ള്ള ന​ട​പ​ടി​ക​ൾ അ​ധി​കൃ​ത​ർ തു​ട​ങ്ങി.

ഒ​രു വാ​ർ​ഡി​ൽ ഒ​രു ക​ളി​സ്ഥ​ലം എ​ന്ന സ​ർ​ക്കാ​റി​ന്റെ തീ​രു​മാ​ന​ത്തി​ന് പു​ല്ലു​വി​ല ക​ൽ​പി​ക്കു​ന്ന​താ​ണ് ന​ട​പ​ടി​യെ​ന്ന് കാ​യി​ക​പ്രേ​മി​ക​ളും നാ​ട്ടു​കാ​രും പ​റ​യു​ന്നു. ക​ളി​സ്ഥ​ല​ങ്ങ​ളി​ൽ കെ​ട്ടി​ടം നി​ർ​മി​ക്ക​രു​തെ​ന്ന പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ ഉ​ത്ത​ര​വ് നി​ല​നി​ൽ​ക്കെ​യാ​ണ് ജി​ല്ല​യി​ലെ പ്ര​ധാ​ന സ്റ്റേ​ഡി​യ​ത്തി​ൽ കെ​ട്ടി​ട നി​ർ​മാ​ണ​വു​മാ​യി ന​ഗ​ര​സ​ഭ​യും സ്കൂ​ൾ അ​ധി​കൃ​ത​രും മു​ന്നോ​ട്ടു​പോ​കു​ന്ന​തെ​ന്ന് ആ​ക്ഷേ​പ​മു​ണ്ട്.

പ്ര​തി​ഷേ​ധം നി​ല​നി​ൽ​ക്കെ കെ​ട്ടി​ട​നി​ർ​മാ​ണ​ത്തി​ന്റെ ശി​ലാ​സ്ഥാ​പ​നം 26ന് ​ന​ട​ത്താ​ൻ സം​ഘാ​ട​ക സ​മി​തി​ക്ക് രൂ​പം ന​ൽ​കാ​ൻ യോ​ഗം ചേ​രു​ന്നു​ണ്ട്.

സ്കൂ​ളി​ന് തൊ​ട്ട​ടു​ത്ത് കെ​ട്ടി​ടം പ​ണി​യാ​ൻ മ​റ്റു സ്ഥ​ല​ങ്ങ​ൾ ല​ഭ്യ​മാ​യി​ട്ടും നേ​ടി​യെ​ടു​ക്കാ​ൻ ന​ട​പ​ടി സ്വീ​ക​രി​ക്കാ​തെ, സ്കൂ​ൾ ഗ്രൗ​ണ്ടി​ൽ ത​ന്നെ കെ​ട്ടി​ടം വേ​ണ​മെ​ന്ന നി​ല​പാ​ടി​നെ​തി​രെ സ​മൂ​ഹ മാ​ധ്യ​മ​ങ്ങ​ളി​ൽ ക​ടു​ത്ത വി​മ​ർ​ശ​ന​മാ​ണ് ഉ​യ​രു​ന്ന​ത്.

1998ലാ​ണ് സ​ർ​ക്കാ​ർ വി​ദ്യാ​ല​യ​ങ്ങ​ളു​ടെ ന​ട​ത്തി​പ്പ് ത​ദ്ദേ​ശ സ്ഥാ​പ​ന​ങ്ങ​ൾ​ക്ക് കൈ​മാ​റി​യ​ത്. ഇ​തി​നു​ശേ​ഷ​മാ​ണ് കെ. ​ശ​ങ്ക​ര​ക്കു​റു​പ്പ് ന​ഗ​ര​സ​ഭ ചെ​യ​ർ​മാ​നാ​യി​രു​ന്ന സ​മ​യ​ത്ത് വെ​ള്ളം കെ​ട്ടി​നി​ൽ​ക്കു​ന്ന സ്ഥ​ലം മ​ണ്ണി​ട്ടു​നി​ക​ത്തി സ്റ്റേ​ഡി​യ​മാ​ക്കാ​ൻ ന​ട​പ​ടി​ക​ൾ ആ​രം​ഭി​ച്ച​ത്. തു​ട​ർ​ന്ന് പ​ല​ഘ​ട്ട​ങ്ങ​ളി​ലാ​യി പ്ര​വൃ​ത്തി​ക​ൾ​ക്ക് ല​ക്ഷ​ങ്ങ​ൾ ചെ​ല​വ​ഴി​ച്ചാ​ണ് സ്റ്റേ​ഡി​യം ഇ​ന്ന​ത്തെ നി​ല​യി​ൽ രൂ​പ​പ്പെ​ടു​ത്തി​യ​ത്. സ്കൂ​ളി​ന്റെ​ത​ന്നെ ഉ​ട​മ​സ്ഥ​ത​യി​ലു​ള്ള 60 സെ​ന്റി​ല​ധി​കം ഭൂ​മി തൊ​ട്ട​പ്പു​റ​ത്ത് ഒ​ഴി​ഞ്ഞു​കി​ട​ക്കു​മ്പോ​ഴാ​ണ് ഈ ​ക​ളി​ക്ക​ള​ത്തെ ഇ​ല്ലാ​താ​ക്കു​ന്ന​ത്. ഇ​വി​ടെ കെ​ട്ടി​ടം നി​ർ​മി​ക്കു​ന്ന​തോ​ടെ 50 സെ​ന്റ് സ്ഥ​ലം സ്റ്റേ​ഡി​യ​ത്തി​ൽ​നി​ന്ന് ന​ഷ്ട​മാ​കും.