ചൂണ്ടലിൽ നാലുപേർക്ക് കടന്നൽ കുത്തേറ്റു

കേച്ചേരി: ചൂണ്ടലിൽ നാലുപേർക്ക് കടന്നൽക്കുത്തേറ്റു. ചൂണ്ടൽ സ്വദേശികളായ വാരിയത്ത് വീട്ടിൽ ഷാജി (45), കല്ലിങ്ങൽ വീട്ടിൽ സുമതി (60), പുളിക്കൽ വീട്ടിൽ സുധീഷി​ൻെറ ഭാര്യ സീന(32), കേച്ചേരി കൊടയ്ക്കാട്ടിൽ വീട്ടിൽ സത്യൻ (60) എന്നിവർക്കാണ് കടന്നൽക്കുത്തേറ്റത്. ഗുരുതരമായി പരിക്കേറ്റ ഷാജിയെ ചൂണ്ടൽ സൻെറ് ജോസഫ്സ് ആശുപത്രിയിൽ പ്രവേശിപ്പിച്ചു. ചൂണ്ടൽ ആശുപത്രി റോഡിൽ വെച്ചാണ് കടന്നൽ ആക്രമണം ഉണ്ടായത്. കണ്ടൻചിറയിലേക്ക്​ പോകുന്ന വഴിയിലെ വാഴപ്പിലാത്ത് മല്ലികയുടെ വീട്ടിലെ പറമ്പിലെ പനയിലാണ് കൂടു കൂട്ടിയിട്ടുള്ളത്. കാറ്റിൽ കൂട് ഇളകുമ്പോഴാണ് ഇവ പറന്ന് ആളുകളെ ആക്രമിച്ചിരുന്നത്. മൂന്നുദിവസം മുമ്പ്​ ഈ മേഖലയിൽ നിരവധി പേർക്ക് കടന്നൽ കുത്തേറ്റിരുന്നു.