ആഷിഖ്, മെഹ്റൂഫ്, ഫിറോസ്
കരുളായി: കരുളായിയിൽ യു.ഡി.എഫ് നടത്തിയ ആഹ്ലാദ പ്രകടനത്തിനിടെ പൊലീസിനെ ആക്രമിച്ച് പരിക്കേൽപിച്ച സംഭവത്തിൽ മൂന്നുപേരെ കൂടി പൂക്കോട്ടുംപാടം പൊലീസ് അറസ്റ്റ് ചെയ്തു. കരുളായി വാരിക്കൽ സ്വദേശി അയനീക്കോടൻ ആഷിഖ് (20), പിലിക്കൽ സ്വദേശി കാക്കി മെഹ്റൂഫ് (31), മില്ലുംപടി സ്വദേശി കുന്നത്തൂരി ഫിറോസ് (30)എന്നിവരാണ് അറസ്റ്റിലായത്.
യു.ഡി.എഫ് ആഹ്ലാദപ്രകടനം നിയന്ത്രണ വിധേയമാക്കാൻ ശ്രമിക്കവെ ഇവർ പൊലീസ് വാഹനം അടിച്ചുതകർക്കുകയും പൂക്കോട്ടുംപാടം അഡീഷനൽ എസ്.ഐ അബ്ദുൽ കരീമിനെ കല്ലെറിഞ്ഞ് പരിക്കേൽപിക്കുകയും ചെയ്തിരുന്നു. തടയാൻ ശ്രമിച്ച പൂക്കോട്ടുംപാടം പൊലീസ് ഇൻസ്പെക്ടർ പി. വിഷ്ണു ഉൾപ്പെടെയുള്ളവർക്കും പരിക്കേറ്റു.
കണ്ടാലറിയുന്ന 500 പേർക്കെതിരെ കേസെടുത്ത് അന്വേഷണം നടത്തിവരുകയാണ്. കഴിഞ്ഞ ദിവസം രണ്ടുപേരെ അറസ്റ്റ് ചെയ്തിരുന്നു. ഇവരെ നിലമ്പൂർ മജിസ്ട്രേറ്റ് കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.