കാലിക്കറ്റ് സര്‍വകലാശാല ബി സോണ്‍ ഫുട്ബാൾ കിരീടം
നേടിയ കൊണ്ടോട്ടി ഇ.എം.ഇ.എ കോളജ് ടീം
കൊണ്ടോട്ടി: കാലിക്കറ്റ് സര്‍വകലാശാല ബി-സോണ്‍ ഫുട്ബാള് ചാമ്പ്യന്‍ഷിപ്പില്‍ കൊണ്ടോട്ടി ഇ.എം.ഇ.എ കോളജ് ചാമ്പ്യന്മാരായി. സര്‍വകലാശാല മൈതാനത്ത് നടന്ന കലാശ പോരാട്ടത്തില്‍ വളാഞ്ചേരി എം.ഇ.എസ്.കെ.വി.എം കോളജിനെ എതിരില്ലാത്ത രണ്ടു ഗോളുകള്‍ക്ക് തോൽപിച്ചാണ് ഇ.എം.ഇ.എ കിരീടം ചൂടിയത്.
18ാം മിനിറ്റില്‍ നിസാമുദ്ദീനും 32ാം മിനിറ്റില്‍ അന്‍സാറുമാണ് ഗോള്‍ നേടിയത്. ലൂസേഴ്‌സ് ഫൈനലില്‍ മഞ്ചേരി എന്‍.എസ്.എസ് കോളജിനെ പരാജയപ്പെടുത്തി മമ്പാട് എം.ഇ.എസ് കോളജ് മൂന്നാം സ്ഥാനം നേടി. ചാമ്പ്യന്മാരായ ഇ.എം.ഇ.എ കോളജിനൊപ്പം രണ്ടാം സ്ഥാനക്കാരായ വളാഞ്ചേരി എം.ഇ.എസ്.കെ.വി.എം കോളജും മൂന്നാം സ്ഥാനം നേടിയ മമ്പാട് എം.ഇ.എസ് കോളജും ഇൗ മാസം ഒമ്പതുമുതല്‍ ദേവഗിരി കോളജില്‍ നടക്കുന്ന ഇൻറര്‍സോണ്‍ ഫുട്ബാള് ചാമ്പ്യന്‍ഷിപ്പിന് യോഗ്യത നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.