കാ​വ​തി​ക​ള​ത്തെ വ​ഴി​യോ​ര ക​ച്ച​വ​ട​ങ്ങ​ൾ ത​ൽ​ക്കാ​ലം പൊ​ളി​ക്കി​ല്ല

കോ​ട്ട​ക്ക​ൽ: പു​ത്തൂ​ർ ചി​ന​ക്ക​ൽ ബൈ​പാ​സ് പാ​ത​യി​ൽ കോ​ട്ട​ക്ക​ൽ ന​ഗ​ര​സ​ഭ​ക്ക് കീ​ഴി​ലെ കാ​വ​തി​ക​ള​ത്തെ വ​ഴി​യോ​ര ക​ച്ച​വ​ട​ങ്ങ​ൾ ത​ൽ​ക്കാ​ലം പൊ​ളി​ക്കി​ല്ല. നി​ല​വി​ലെ വ​ഴി​യോ​ര ക​ച്ച​വ​ട പ​ട്ടി​ക പു​നഃ​പ​രി​ശോ​ധി​ക്കാ​ൻ ന​ഗ​ര​സ​ഭ അ​ധ്യ​ക്ഷ ഡോ. ​കെ. ഹ​നീ​ഷ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന ന​ഗ​ര ക​ച്ച​വ​ട സ​മി​തി​യോ​ഗം തീ​രു​മാ​നി​ച്ചു. ന​ഗ​ര​സ​ഭ അം​ഗീ​ക​രി​ച്ച വ​ഴി​യോ​ര ക​ച്ച​വ​ട​ക്കാ​രു​ടെ വി​വ​ര​ങ്ങ​ൾ പു​നഃ​പ​രി​ശോ​ധി​ച്ച് റി​പ്പോ​ർ​ട്ട്‌ സ​മ​ർ​പ്പി​ക്കാ​ൻ ക​മ്മി​റ്റി​യെ യോ​ഗം നി​യോ​ഗി​ച്ചു.

റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​നാ​ണ് തീ​രു​മാ​നം. മാ​ലി​ന്യ സം​സ്ക​ര​ണ​ത്തി​ൽ ക​ച്ച​വ​ട​ക്കാ​രു​ടെ സ​ഹ​ക​ര​ണം അ​ധി​കൃ​ത​ർ അ​ഭ്യ​ർ​ഥി​ച്ചു. വ​ഴി​യോ​ര ക​ച്ച​വ​ട പ​ദ്ധ​തി​ക​ൾ ന​ട​പ്പാ​ക്കാ​ൻ ന​ഗ​ര​സ​ഭ പൂ​ർ​ണ​ പി​ന്തു​ണ അ​റി​യി​ച്ചു. നി​ല​വി​ൽ ആ​ഴ്ച​ച്ചന്ത​യി​ൽ ക​ച്ച​വ​ടം ചെ​യ്യു​ന്ന​വ​ര​ട​ക്കം 200ഓ​ളം പേ​രാ​ണ് 2022ൽ ​പു​റ​ത്തി​റ​ക്കി​യ പ​ട്ടി​ക​യി​ലു​ള്ള​ത്. ഇ​തി​ൽ വ്യ​ക്ത​മാ​യ പ​രി​ശോ​ധ​ന ന​ട​ത്താ​നാ​ണ് തീ​രു​മാ​നം. കൈ​യേ​റ്റ​ങ്ങ​ളും കു​ടി​വെ​ള്ള സ്രോ​ത​സ്സി​ലേ​ക്ക് മ​ലി​ന​ജ​ല​വും ക​ല​ർ​ന്നെ​ന്ന പ​രാ​തി​യി​ൽ പു​ത്തൂ​രി​ലെ വ​ഴി​യോ​ര ക​ച്ച​വ​ട​ങ്ങ​ൾ പൊ​ളി​ച്ചു​നീ​ക്കി​യി​രു​ന്നു. ക​ല​ക്ട​ർ വി.​ആ​ർ. വി​നോ​ദ് കു​മാ​റി​ന്റെ നേ​തൃ​ത്വ​ത്തി​ലാ​യി​രു​ന്നു ന​ട​പ​ടി. ഇ​ത്ത​രം സ്ഥാ​പ​ന​ങ്ങ​ൾ കാ​വ​തി​ക​ളം ഭാ​ഗ​ത്തും പ്ര​വ​ർ​ത്തി​ക്കു​ന്നു​വെ​ന്ന പ​രാ​തി​യി​ൽ ന​ഗ​ര​സ​ഭ സെ​ക്ര​ട്ട​റി സ്ഥാ​പ​ന​ങ്ങ​ൾ നീ​ക്കം​ചെ​യ്യാ​ൻ നോ​ട്ടീ​സ് ന​ൽ​കു​ക​യാ​യി​രു​ന്നു.

തു​ട​ർ​ന്നാ​ണ് യോ​ഗം വി​ളി​ച്ചു​ചേ​ർ​ത്ത​ത്. ച​ട​ങ്ങി​ൽ വൈ​സ് ചെ​യ​ർ​മാ​ൻ ചെ​ര​ട മു​ഹ​മ്മ​ദ​ലി, സ്ഥി​ര​സ​മി​തി അ​ധ്യ​ക്ഷ​ന്മാ​രാ​യ ആ​ല​മ്പാ​ട്ടി​ൽ റ​സാ​ഖ്, പി.​ടി. അ​ബ്ദു, പി. ​റം​ല, ന​ഗ​ര​സ​ഭ സെ​ക്ര​ട്ട​റി മാ​മ്പ​ള്ളി സ​ന്തോ​ഷ്‌​കു​മാ​ർ, സി​റ്റി പ്രൊ​ജ​ക്ട് ഓ​ഫി​സ​ർ അ​രു​ൺ സാ​ബു, വി​ല്ല​ജ് ഓ​ഫി​സ​ർ എ​ന്നി​വ​ർ സം​സാ​രി​ച്ചു. വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി നേ​താ​ക്ക​ൾ, തൊ​ഴി​ലാ​ളി സം​ഘ​ട​ന പ്ര​തി​നി​ധി​ക​ൾ, ക​ച്ച​വ​ട പ്ര​തി​നി​ധി​ക​ൾ പ​ങ്കെ​ടു​ത്തു.