മഞ്ചേരി: ആനക്കയം ജങ്ഷനിലെ ഹൈമാസ്റ്റ് ലൈറ്റ് തകരാറിലായതോടെ അങ്ങാടി ഇരുട്ടിൽ. മാസങ്ങളായിട്ടും നന്നാക്കാൻ നടപടിയില്ല. കഴിഞ്ഞ ആറുമാസം ഭാഗികമായി പ്രവർത്തിച്ചിരുന്നെങ്കിലും മൂന്നുമാസമായി പൂർണമായും കണ്ണടച്ചു.
മലപ്പുറം, പെരിന്തൽമണ്ണ, മഞ്ചേരി എന്നിവിടങ്ങളിലേക്കുള്ള പ്രധാന ജങ്ഷനാണിത്. ലൈറ്റ് കത്താതായത് രാത്രികളിൽ അങ്ങാടിയിലെത്തുന്നവർക്ക് പ്രയാസം സൃഷ്ടിക്കുന്നുണ്ട്.
കാൽനടയാത്രയും ദുഷ്കരമാണ്. ഇവിടത്തെ വ്യാപാര സ്ഥാപനങ്ങൾ അടച്ചാൽ പൂർണമായും അങ്ങാടി ഇരുട്ടിലാവുന്ന സ്ഥിതിയാണ്. കെൽട്രോണാണ് അറ്റകുറ്റപ്പണി നടത്തേണ്ടതെന്ന് കാണിച്ച് പഞ്ചായത്ത് സെക്രട്ടറി കത്തയച്ചിരുന്നെങ്കിലും എസ്റ്റിമേറ്റ് തയാറാക്കുന്നത് വൈകി. പിന്നീട് ജില്ല പഞ്ചായത്തിലേക്കും ഇക്കാര്യം ചൂണ്ടിക്കാട്ടി കത്തയച്ചിരുന്നെങ്കിലും നടപടി നീളുകയാണ്. അടിയന്തരമായി ലൈറ്റ് നന്നാക്കണമെന്നാണ് നാട്ടുകാർ ആവശ്യപ്പെടുന്നത്.
തകരാറിലായ ആനക്കയം
ജങ്ഷനിലെ ഹൈമാസ്റ്റ് ലൈറ്റ്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.