മഞ്ചേരി: മഞ്ചേരിയിൽ ഫെബ്രുവരി ആറുമുതൽ ഗതാഗത പരിഷ്കാരം നടപ്പാക്കാൻ ട്രാഫിക് റെഗുലേറ്ററി കമ്മിറ്റി തീരുമാനം. പൊളിച്ച് പുതിയത് നിർമിക്കുന്നതിനായി പഴയ ബസ് സ്റ്റാൻഡ് അടക്കുന്നതോടെയാണ് പരിഷ്കാരത്തിനൊരുങ്ങുന്നത്.
ഒപ്പം കച്ചേരിപ്പടി സ്റ്റാൻഡ് സജീവമാക്കുക കൂടിയാണ് ലക്ഷ്യം. ആനക്കയം ഭാഗത്തുനിന്ന് മഞ്ചേരിയിലേക്ക് വരുന്നതും തിരിച്ച് ആനക്കയം ഭാഗത്തേക്ക് പോകേണ്ടതുമായ മുഴുവൻ ബസുകളും ഇന്ദിരാഗാന്ധി ബസ് ടെർമിനലിൽ നിന്നായിരിക്കും ഓപറേറ്റ് ചെയ്യുക.
ഈ ബസുകൾക്ക് നഗരത്തിലേക്ക് പ്രവേശനം ഉണ്ടാകില്ല. നേരത്തെ ഈ പരിഷ്കാരം നടപ്പാക്കിയിരുന്നെങ്കിലും ബസുടമകളുടെയും ജീവനക്കാരുടെയും എതിർപ്പ് മൂലം നിർത്തിവെക്കേണ്ടി വന്നു. മലപ്പുറം ഭാഗത്തുനിന്ന് നെല്ലിപ്പറമ്പ്, പാണ്ടിക്കാട് ഭാഗത്തേക്ക് പോകുന്ന ബസുകൾ ഐ.ജി.ബി.ടി സ്റ്റാൻഡിൽ കയറി തുറക്കൽ ബാപ്പുട്ടി ബൈപാസ് വഴി കോഴിക്കോട് റോഡിൽ മുനിസിപ്പൽ ഓഫിസ് വഴി സീതിഹാജി സ്റ്റാൻഡിലെത്തി അവിടെ നിന്ന് സർവിസ് നടത്തണം.
പാണ്ടിക്കാട് ഭാഗത്തുനിന്ന് ആനക്കയം ഭാഗത്തേക്ക് പോകുന്ന ബസുകൾ സീതിഹാജി സ്റ്റാൻഡിൽ കയറി പാണ്ടിക്കാട് റോഡ് - മലപ്പുറം റോഡിലൂടെ ഐ.ജി.ബി.ടിയിൽ കയറി സർവിസ് നടത്തണം.
സീതിഹാജി സ്റ്റാൻഡിൽനിന്ന് യാത്രക്കാരെ കയറ്റുന്ന ബസുകൾ പിന്നീട് ആശുപത്രിപ്പടിയിൽനിന്ന് മാത്രമേ യാത്രക്കാരെ ക‍യറ്റാവൂ. സെൻട്രൽ ജങ്ഷനിലോ ഓജസ് ബേക്കറിക്ക് മുന്നിലോ നിർത്തി യാത്രക്കാരെ കയറ്റാൻ പാടില്ല.
നഗരസഭ ചെയർപേഴ്സൻ വി.എം. സുബൈദ, വൈസ് ചെയർമാൻ വി.പി. ഫിറോസ്, എസ്.ഐ ആർ.പി. സുജിത്ത്, ട്രാഫിക് എസ്.ഐ അബ്ദുൽകരീം, സി.പി.ഒ സദകത്തുല്ല, അസി. മോട്ടോർ വെഹിക്കിൾ ഇൻസ്പെക്ടർ വി. വിഷ്ണു, ഡെപ്യൂട്ടി തഹസിൽദാർ കെ.യു. അജയകുമാർ, പൊതുമരാമത്ത് വകുപ്പ് ഓവർസിയർ പി. അനു എന്നിവർ യോഗത്തിൽ പങ്കെടുത്തു.
-നെല്ലിപ്പറമ്പ് ഭാഗത്തുനിന്ന് ആനക്കയം ഭാഗത്തേക്ക് പോകുന്ന ബസുകൾ സി.എച്ച് ബൈപാസ് വഴി സീതിഹാജി സ്റ്റാൻഡിൽ കയറി പാണ്ടിക്കാട് റോഡ് - മലപ്പുറം റോഡ് വഴി ഐ.ജി.ബി.ടിയിലെത്തി സർവിസ് നടത്തണം.
-മഞ്ചേരിയിൽനിന്ന് കിഴിശ്ശേരി ഭാഗത്തേക്ക് പോകുന്ന ബസുകൾ സീതിഹാജി സ്റ്റാൻഡിൽനിന്ന് പാണ്ടിക്കാട് റോഡ് -മലപ്പുറം റോഡ് വഴി ഐ.ജി.ബി.ടിയിലെത്തി തുറക്കൽ ബാപ്പുട്ടി ബൈപാസ് വഴി കിഴിശ്ശേരിയിലേക്ക് സർവിസ് നടത്തണം.
-കിഴിശ്ശേരിയിൽ നിന്ന് മഞ്ചേരിയിലേക്ക് വരുന്ന ബസുകൾ കോഴിക്കോട് റോഡ് തുറക്കൽ -മുനിസിപ്പൽ ഓഫിസ് വഴി സീതി ഹാജി സ്റ്റാൻഡിൽ എത്തണം.
-വേട്ടേക്കോട് ഭാഗത്തുനിന്ന് മഞ്ചേരിയിലേക്ക് വരുന്ന ബസുകൾ ഐ.ജി.ബി.ടി സ്റ്റാൻഡിൽ കയറി തുറക്കൽ ബാപ്പുട്ടി ബൈപാസ് - മുനിസിപ്പൽ ഓഫിസ് വഴി സീതിഹാജി സ്റ്റാൻഡിൽ എത്തണം.
-വേട്ടേക്കോട് ഭാഗത്തേക്ക് പോകുന്ന ബസുകൾ സീതി ഹാജി സ്റ്റാൻഡിൽനിന്ന് പാണ്ടിക്കാട് റോഡ് - മലപ്പുറം റോഡ് വഴി ഐ.ജി.ബി.ടി സ്റ്റാൻഡിൽ കയറി സർവിസ് നടത്തണം.
-പൂക്കോട്ടൂരിൽനിന്ന് മഞ്ചേരിയിലേക്ക് വരുന്ന ബസുകൾ ഐ.ജി.ബി.ടി സ്റ്റാൻഡിൽ കയറി തുറക്കൽ ബാപ്പുട്ടി ബൈപാസ് വഴി കോഴിക്കോട് റോഡിലൂടെ മുനിസിപ്പൽ ഓഫിസ് വഴി സീതിഹാജി സ്റ്റാൻഡിൽ എത്തണം. തിരിച്ച് പൂക്കോട്ടൂരിലേക്കുള്ള വാഹനങ്ങൾ മലപ്പുറം റോഡ് വഴി ഐ.ജി.ബി.ടിയിൽ പ്രവേശിച്ച് ബാപ്പുട്ടി ബൈപാസ് വഴി പോകണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.