പി.വി. അൻവറി‍െൻറ സ്ഥാനാർഥി പ്രഖ‍്യാപനത്തെ തുടർന്ന് നിലമ്പൂരിൽ എൽ.ഡി.എഫ് നടത്തിയ ആഹ്ലാദ പ്രകടനം
നിലമ്പൂര്‍ (മലപ്പുറം): സിറ്റിങ് എം.എല്‍.എ പി.വി. അന്‍വറിനെ നിലമ്പൂരിൽ സ്ഥാനാര്‍ഥിയായി പ്രഖ്യാപിച്ചതോടെ നിലമ്പൂരിൽ എല്‍.ഡി.എഫ് ആഹ്ലാദ പ്രകടനം നടത്തി. നഗരസഭ ചെയർമാൻ മാട്ടുമ്മൽ സലീം, വൈസ് ചെയർപേഴ്സൻ അരുമ ജയകൃഷ്ണൻ, എൻ. വേലുക്കുട്ടി, കക്കാടന്‍ റഹീം, പി. ഹരിദാസ്, ഷാജി ചക്കാലക്കുത്ത് എന്നിവരുടെ നേതൃത്വത്തിലാണ് സ്ഥാനാർഥി പ്രഖ‍്യാപനം കഴിഞ്ഞ ഉടൻ ബുധനാഴ്ച രാവിലെ 11.30ഒാടെ അൻവറിന് വോട്ടഭ്യര്‍ഥിച്ച് നഗരമധ‍്യത്തിൽ പ്രകടനം നടത്തിയത്.
സ്ഥാനാർഥി പ്രഖ‍്യാപനത്തിന് മുമ്പ് തന്നെ മണ്ഡലത്തി‍െൻറ വിവിധ ഭാഗങ്ങളിലായി അന്‍വറിനായി കൂറ്റൻ ബോർഡുകള് ഉയര്‍ന്നിരുന്നു. നിലമ്പൂര്‍ കുഞ്ഞാലി മന്ദിരത്തില്‍നിന്ന് തുടങ്ങിയ പ്രകടനം പൊലീസ് സ്റ്റേഷന്‍, മിനി ബൈപാസ്, ബസ് സ്റ്റാൻഡ് വഴി ടൗണ്‍ ജങ്ഷനില്‍ സമാപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.