ജില്ല പൊലീസ് കായികമേളയില് ചാമ്പ്യൻമാരായ ജില്ല
ആസ്ഥാന ടീമിന്റെ ആഹ്ലാദം
തേഞ്ഞിപ്പലം: കാലിക്കറ്റ് സര്വകലാശാല സിന്തറ്റിക് സ്റ്റേഡിയത്തില് നടക്കുന്ന ജില്ല പൊലീസ് കായികമേളയിൽ അത്ലറ്റിക് ഇനങ്ങള് പൂര്ത്തിയായതോടെ 105 പോയന്റുമായി ജില്ല ആസ്ഥാന ടീം ചാമ്പ്യന്മാരായി. 99 പോയന്റുമായി മലപ്പുറം സബ് ഡിവിഷൻ രണ്ടും നിലമ്പൂര് സബ് ഡിവിഷൻ മൂന്നും സ്ഥാനത്തെത്തി. 80 പോയന്റുമായി മലപ്പുറം സബ് ഡിവിഷന് അത്ലറ്റിക് വിഭാഗത്തില് ജേതാക്കളായി.
74 പോയന്റുമായി നിലമ്പൂര് സബ് ഡിവിഷനും 71 പോയന്റ് നേടി ഡിസ്ട്രിക്ട് ഹെഡ്ക്വാര്ട്ടേഴ്സും യഥാക്രമം രണ്ടും മൂന്നും സ്ഥാനങ്ങള് സ്വന്തമാക്കി.
വടംവലി മത്സരത്തില് ജില്ല ആസ്ഥാന ടീമിനെ പരാജയപ്പെടുത്തി പെരിന്തല്മണ്ണ സബ് ഡിവിഷന് ജേതാക്കളായി. ജില്ല പൊലീസ് മേധാവിയുടെ ഓഫിസിലെ അമല്ജിത്ത് 13 പോയന്റ് നേടി പുരുഷ വിഭാഗം വ്യക്തിഗത ചാമ്പ്യനായി. 15 പോയന്റുമായി മലപ്പുറം സബ് ഡിവിഷന്റെ കെ.സി. സിനിമോളാണ് വനിത വിഭാഗത്തില് വ്യക്തിഗത ചാമ്പ്യന്. ജില്ല പൊലീസ് മേധാവി എസ്. സുജിത് ദാസ് സമ്മാനം വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.