വലിയതോടിന് പാർശ്വഭിത്തി ഇല്ലാത്തത് വിനയായി; ദുരിതംപേറി പാണ്ടികശാല നിവാസികൾ

വേ​ങ്ങ​ര: ഗ്രാ​മ പ​ഞ്ചാ​യ​ത്തി​ലെ വ​ലി​യോ​റ വ​ലി​യ​തോ​ട് പാ​ർ​ശ്വ​ഭി​ത്തി കെ​ട്ടി സം​ര​ക്ഷി​ക്കാ​ത്ത​തി​നാ​ൽ ക​ട​ലു​ണ്ടി​പ്പു​ഴ​യി​ൽ വെ​ള്ള​മു​യ​രു​മ്പോ​ൾ വ​ലി​യോ​റ​പ്പാ​ട​ത്തേ​ക്ക് ഒ​ഴു​കി​യെ​ത്തു​ന്ന​താ​യി പ്ര​ദേ​ശ​വാ​സി​ക​ളു​ടെ പ​രാ​തി.

വ​ലി​യ​തോ​ടി​ന്റെ അ​രി​കി​ടി​ഞ്ഞ് പാ​ണ്ടി​ക​ശാ​ല​യി​ലും പ​രി​സ​ര​ത്തും തോ​ട്ടി​ലെ വെ​ള്ളം പ​ര​ന്നൊ​ഴു​കി പ്ര​ദേ​ശ​ത്ത് പ്ര​ള​യ​ദു​രി​തം അ​നു​ഭ​വി​ക്കു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു. ഏ​താ​നും മീ​റ്റ​ർ ഭാ​ഗ​ത്ത് മാ​ത്ര​മാ​ണ് ഈ ​തോ​ടി​ന് പാ​ർ​ശ്വ​ഭി​ത്തി​യു​ള്ള​ത്. വ​ലി​യോ​റ പാ​ട​ശേ​ഖ​ര​ത്തി​ലെ ചാ​ലി ഭാ​ഗ​ത്തു​നി​ന്ന് തു​ട​ങ്ങി ക​ട​ലു​ണ്ടി​പ്പു​ഴ​യി​ലേ​ക്ക് ഒ​ഴു​കു​ന്ന ഈ ​തോ​ട് മൂ​ഴി​യം​ക​ട​വി​ലാ​ണ് അ​വ​സാ​നി​ക്കു​ന്ന​ത്.

ഒ​രു കി​ലോ​മീ​റ്റ​റോ​ളം നീ​ള​മു​ള്ള ഈ ​തോ​ട് വ​ലി​യോ​റ പാ​ട​ശേ​ഖ​ര​ത്തി​ൽ​നി​ന്നും ക​ട​ലു​ണ്ടി​പ്പു​ഴ​യി​ലേ​ക്ക് വെ​ള്ളം ഒ​ഴു​കു​ന്ന പ്ര​ധാ​ന ജ​ലാ​ശ​യ​മാ​ണ്. വേ​ങ്ങ​ര ഗ്രാ​മ​പ​ഞ്ചാ​യ​ത്തി​ലെ 17, 18 വാ​ർ​ഡു​ക​ളു​ടെ അ​തി​ർ​ത്തി പ്ര​ദേ​ശം കൂ​ടി​യാ​ണ് ഈ ​തോ​ട്. ഇ​തി​ന്റെ മു​ക്കാ​ൽ​ഭാ​ഗം നീ​ളം​വ​രു​ന്ന ഭാ​ഗ​ത്ത് ഇ​രു​ക​ര​ക​ളി​ലാ​യി നി​ര​വ​ധി വീ​ടു​ക​ളു​ണ്ട്. ക​ട​ലു​ണ്ടി​പ്പു​ഴ​യി​ൽ വെ​ള്ളം ഉ​യ​രു​ന്ന​തോ​ടെ വ​ലി​യ​തോ​ട് മാ​ർ​ഗം വ​ലി​യോ​റ പാ​ട​ത്തേ​ക്ക് തി​രി​ച്ചൊ​ഴു​കു​ക​യാ​ണ്. അ​തു​കൊ​ണ്ട് ത​ന്നെ തോ​ടി​ന്റെ ഇ​രു​ഭാ​ഗ​ത്തും താ​മ​സി​ക്കു​ന്ന നൂ​റി​ല​ധി​കം കു​ടും​ബ​ങ്ങ​ൾ ഏ​റെ ഭീ​തി​യോ​ടെ​യാ​ണ് ക​ഴി​യു​ന്ന​ത്.

തോ​ട്ടി​ൽ മ​ണ്ണും ചെ​ളി​യും നി​റ​ഞ്ഞ് തോ​ട് ആ​ഴം കു​റ​വാ​യ​തി​നാ​ൽ ഒ​ഴു​ക്കി​ന് ത​ട​സ്സം നി​ൽ​ക്കു​ന്ന സ്ഥി​തി​യാ​ണെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. തോ​ടി​ന്റെ സ​മീ​പ​ത്തു​ള്ള ഭൂ​മി​യി​ലെ മ​ര​ങ്ങ​ളും മ​റ്റും തോ​ട്ടി​ലേ​ക്ക് മ​റി​ഞ്ഞു വീ​ഴു​ന്ന​ത് കാ​ര​ണം വ്യാ​പ​ക ക​ര​യ​ടി​ച്ചി​ലും ഉ​ണ്ടാ​കു​ന്നു​ണ്ട്.

അ​തേ​സ​മ​യം, വ​ലി​യ​തോ​ട് പാ​ർ​ശ്വ ഭി​ത്തി​കെ​ട്ടി സം​ര​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ട് നി​ര​വ​ധി​ത​വ​ണ കൃ​ഷി-​ജ​ല​സേ​ച​ന വ​കു​പ്പ് മ​ന്ത്രി​മാ​ർ​ക്ക് വേ​ങ്ങ​ര ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി തീ​രു​മാ​ന​പ്ര​കാ​രം പി.​കെ. കു​ഞ്ഞാ​ലി​ക്കു​ട്ടി എം.​എ​ൽ.​എ മു​ഖേ​ന പ​ദ്ധ​തി സ​മ​ർ​പ്പി​ച്ച​താ​ണെ​ന്നും എ​ന്നാ​ൽ പ​ദ്ധ​തി ന​ട​പ്പാ​ക്കാ​ൻ സ​ർ​ക്കാ​ർ അ​നാ​സ്ഥ കാ​ണി​ക്കു​ക​യാ​ണെ​ന്നും വാ​ർ​ഡ് മെം​ബ​ർ യൂ​സു​ഫ​ലി വ​ലി​യോ​റ ആ​രോ​പി​ക്കു​ന്നു.