ഭീതിയുടെ കുട ചൂടി...

ആ​ല​ത്തൂ​ർ: കാ​വ​ശ്ശേ​രി പാ​ടൂ​ർ പീ​ച്ചം​ങ്കോ​ട്ടി​ൽ നാ​യാ​ടി വി​ഭാ​ഗ​ക്കാ​ർ വ​സി​ക്കു​ന്ന ചോ​ർ​ന്നൊ​ലി​ക്കു​ന്ന കൂ​ര​ക​ൾ അ​പ​ക​ട​ത്തി​ൽ. മേ​ൽ​ക്കൂ​ര​ക​ളി​ൽ ത​ക​ര​ഷീ​റ്റും ടാ​ർ പാ​യ​ക​ളും കെ​ട്ടി​യാ​ണ് കു​ടും​ബ​ങ്ങ​ൾ ക​ഴി​യു​ന്ന​ത്. 16 കു​ടും​ബ​ങ്ങ​ളു​ള്ള ഇ​വി​ടെ ഒ​മ്പ​ത് കു​ടും​ബ​ങ്ങ​ൾ നാ​യാ​ടി വി​ഭാ​ഗ​ക്കാ​രാ​ണ്.

ര​ണ്ട് പ​തി​റ്റാ​ണ്ട് മു​മ്പ് ഇ​വ​ർ​ക്ക് വീ​ട് അ​നു​വ​ദി​ച്ചി​രു​ന്നു​വെ​ങ്കി​ലും മ​ണ്ണ് കൊ​ണ്ട് നി​ർ​മി​ച്ച ചു​മ​രു​ക​ളും മ​ര​വും ഓ​ടും കൊ​ണ്ടു​ള്ള മേ​ൽ​ക്കൂ​ര​ക​ളും കാ​ല​പ്പ​ഴ​ക്ക​ത്താ​ൽ ജീ​ർ​ണി​ച്ച് ന​ശി​ച്ച നി​ല​യി​ലാ​ണ്.

ഇ​വ​ർ വ​സി​ക്കു​ന്ന സ്ഥ​ലം താ​ഴ്ന്ന പ്ര​ദേ​ശ​മാ​ണ്. അ​തി​ന് സ​മീ​പ​ത്ത് മു​ക​ൾ ഭാ​ഗ​ത്ത് കൂ​ടെ​യാ​ണ് മം​ഗ​ലം ജ​ല​സേ​ച​ന പ​ദ്ധ​തി​യു​ടെ പ്ര​ധാ​ന ക​നാ​ൽ പോ​കു​ന്ന​ത്. ക​നാ​ൽ നി​റ​യു​മ്പോ​ഴെ​ല്ലാം ഇ​വ​രു​ടെ വീ​ടു​ക​ളി​ലേ​ക്ക് നീ​രു​റ​വ വ​രു​ന്ന​തി​നാ​ൽ ത​റ​ക്കെ​ട്ടി​ന് വ​രെ ബ​ല​ക്ഷ​യം സം​ഭ​വി​ച്ചി​ട്ടു​ണ്ട്. പേ​മാ​രി​യി​ൽ വീ​ടു​ക​ൾ ത​ക​ർ​ന്ന് ജീ​വ​ഹാ​നി സം​ഭ​വി​ക്കു​മോ​യെ​ന്ന ഭ​യ​പ്പാ​ടി​ലാ​ണ് കു​ടും​ബ​ങ്ങ​ൾ ക​ഴി​യു​ന്ന​ത്.

പ്ര​ദേ​ശ​ത്തേ​ക്ക് ഒ​രു കോ​ടി​യു​ടെ വി​ക​സ​ന പ്ര​വൃ​ത്തി​ക​ൾ അ​നു​വ​ദി​ച്ച​താ​യി വ​ർ​ഷ​ങ്ങ​ൾ​ക്ക് മു​മ്പ് ആ​രോ അ​റി​യി​ച്ച​തി​നെ തു​ട​ർ​ന്ന് ഇ​വ​രാ​രും സ​ർ​ക്കാ​റി​ന്റെ ലൈ​ഫ് ഭ​വ​ന പ​ദ്ധ​തി​യി​ൽ അ​പേ​ക്ഷ ന​ൽ​കി​യി​ട്ടി​ല്ല. എ​ന്നാ​ൽ അ​ങ്ങ​നെ​യൊ​രു പ​ദ്ധ​തി​യെ​ക്കു​റി​ച്ച് ആ​ർ​ക്കും ഇ​പ്പോ​ൾ അ​റി​വി​ല്ലാ​ത്ത​തി​നാ​ൽ വെ​ട്ടി​ലാ​യി​രി​ക്കു​ക​യാ​ണി​വ​ർ. ഇ​ത് മ​ന​സ്സി​ലാ​ക്കി​യ പ​ട്ടി​ക​ജാ​തി വി​ക​സ​ന ജി​ല്ല ഓ​ഫി​സ​ർ 2023 ആ​ഗ​സ്റ്റ് 21ന് ​പ​ട്ടി​ക​ജാ​തി വി​ക​സ​ന വ​കു​പ്പ് ഡ​യ​റ​ക്ട​ർ​ക്ക് ക​ത്ത​യ​ച്ചി​ട്ടു​ണ്ട്.

ഒ​രു കോ​ടി​യു​ടെ പ​ദ്ധ​തി അ​നു​വ​ദി​ച്ച​താ​യി പ​റ​ഞ്ഞ​തു​കൊ​ണ്ട് ഇ​വ​രാ​രും ലൈ​ഫ് ഭ​വ​ന പ​ദ്ധ​തി​യി​ൽ അ​പേ​ക്ഷ ന​ൽ​കി​യി​ട്ടി​ല്ലെ​ന്നും ഇ​വ​രെ ലൈ​ഫ് പ​ദ്ധ​തി​യി​ൽ ഉ​ൾ​പ്പെ​ടു​ത്ത​ണ​മെ​ന്നു​മാ​ണ് ക​ത്തി​ൽ പ​റ​യു​ന്ന​ത്. ജീ​വ​ൻ ന​ഷ്ട​പ്പെ​ടു​ന്ന​തി​ന് മു​മ്പ് ര​ക്ഷി​ക്കു​മെ​ന്ന വി​ശ്വാ​സ​ത്തി​ലാ​ണ​വ​ർ വാ​സ​യോ​ഗ്യ​മ​ല്ലാ​ത്ത കൂ​ര​ക​ളി​ൽ ക​ഴി​യു​ന്ന​ത്.