ദേശീയപാത പനയമ്പാടത്ത് അപകടത്തിൽപെട്ട മിനിലോറി
കല്ലടിക്കോട്: ലോറികൾ കൂട്ടിയിടിച്ച് മിനിലോറി ഡ്രൈവർക്ക് പരിക്ക്. കോഴിക്കോട് ബാലുശ്ശേരി രാജന്റെ മകൻ ഋതിൽ കൃഷ്ണക്കാണ് (31) പരിക്കേറ്റത്.
ഇയാളെ ആദ്യം പാലക്കാട് ജില്ല ആശുപത്രിയിലെത്തിച്ച് പ്രഥമ ശ്രുശ്രൂഷക്കുശേഷം വിദഗ്ധ ചികിത്സക്കായി കോഴിക്കോട് മെഡിക്കൽ കോളജിൽ പ്രവേശിപ്പിച്ചു. പാലക്കാട്-കോഴിക്കോട് ദേശീയപാതയിൽ കരിമ്പക്കടുത്ത് പനയമ്പാടം വളവിലായിരുന്നു തിങ്കളാഴ്ച പുലർച്ച 3.45ന് അപകടമുണ്ടായത്.
കോഴിക്കോട്, പെരിന്തൽമണ്ണ ഭാഗങ്ങളിൽനിന്ന് പത്രക്കെട്ടുകളുമായി വന്ന മിനിലോറിയും എതിരെ പാലക്കാട്ടുനിന്ന് പാൽ കയറ്റി വരുന്ന ലോറിയുമാണ് കൂട്ടിയിടിച്ചത്.
അപകടത്തിൽ കാലിനും തലക്കും സാരമായി പരിക്കേറ്റ് വാഹനത്തിൽ കുടുങ്ങിക്കിടക്കുന്ന യുവാവിനെ സന്നദ്ധ പ്രവർത്തകനായ കരിമ്പ ഷമീറിന്റെ നേതൃത്വത്തിലുള്ള നാട്ടുകാരാണ് വാഹനം വെട്ടിപ്പൊളിച്ച് പുറത്തെടുത്തത്. പരിക്കേറ്റയാളെ നാട്ടുകാരും കല്ലടിക്കോട് പൊലീസും ചേർന്ന് ജില്ല ആശുപത്രിയിലെത്തിക്കുകയായിരുന്നു. അപകടത്തിൽ മിനിലോറിയുടെ മുൻഭാഗം തകർന്നു. ലോറിക്കും കേടുപാട് സംഭവിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.