വീട്ടുമുറ്റത്ത് നിർത്തിയിട്ട കാർ കാട്ടാന നശിപ്പിച്ചു

ക​ല്ല​ടി​ക്കോ​ട്: ക​രി​മ്പ ഗ്രാ​മ​പ​ഞ്ചാ​യ​ത്തി​ലെ മ​ല​മ്പ്ര​ദേ​ശ​ങ്ങ​ളി​ൽ കാ​ട്ടാ​ന​ക​ളു​ടെ പ​രാ​ക്ര​മം തു​ട​രു​ന്നു. ഞാ​യ​റാ​ഴ്ച ഉ​ൾ​ക്കാ​ട്ടി​ൽ നി​ന്നി​റ​ങ്ങി​യ കാ​ട്ടാ​ന മൂ​ന്നേ​ക്ക​റി​ലും പ​രി​സ​ര​ങ്ങ​ളി​ലും ജ​ന​വാ​സ മേ​ഖ​ല​യി​ൽ ഭീ​തി പ​ര​ത്തി. വീ​ട്ടു​മു​റ്റ​ത്ത് നി​ർ​ത്തി​യി​ട്ട കാ​ർ ത​ക​ർ​ത്തു. ക​രി​മ്പ ഗ്രാ​മ​പ​ഞ്ചാ​യ​ത്ത് മൂ​ന്നാം വാ​ർ​ഡി​ൽ പാ​ങ്ങ് ഇ​ള​ങ്ങോ​ട് പ്ര​ദീ​പി​ന്റെ കാ​റി​ന്റെ വാ​തി​ലു​ക​ളും ലൈ​റ്റു​മാ​ണ് ത​ക​ർ​ത്ത​ത്. ഞാ​യ​റാ​ഴ്ച പു​ല​ർ​ച്ചെ ഒ​ന്നോ​ടെ​യാ​ണ് സം​ഭ​വം. ശ​ബ്ദം കേ​ട്ട് ഉ​ണ​ർ​ന്ന വീ​ട്ടു​കാ​ർ കാ​ണു​ന്ന​ത് ആ​ന കാ​ർ കു​ത്തി​മ​റി​ക്കു​ന്ന​താ​ണ്. ബ​ഹ​ളം കൂ​ട്ടി​യ​തോ​ടെ ആ​ന തൊ​ട്ട​ടു​ത്ത പു​ര​യി​ട​ത്തി​ലേ​ക്ക് മാ​റു​ക​യാ​യി​രു​ന്നു.

ഒ​രാ​ഴ്ച​യാ​യി മൂ​ന്നേ​ക്ക​ർ, ചു​ള്ളി​യാം​കു​ളം, ക​രി​മ​ല, മ​രു​തം​കാ​ട്, മീ​ൻ​വ​ല്ലം, തു​ടി​ക്കോ​ട് എ​ന്നി​വി​ട​ങ്ങ​ളി​ൽ കാ​ട്ടാ​ന ശ​ല്യം രൂ​ക്ഷ​മാ​ണ്. വാ​ഴ, തെ​ങ്ങ്, ക​മു​ക്, സു​ഗ​ന്ധ​വ്യ​ഞ്ജ​ന​ങ്ങ​ൾ, റ​ബ​ർ എ​ന്നി​വ​യെ​ല്ലാം ന​ശി​പ്പി​ക്കു​ന്ന​ത് പ​തി​വാ​ണ്. മ​ല​യോ​ര ഗ്രാ​മ​ങ്ങ​ളി​ൽ ഭൂ​രി​ഭാ​ഗം പേ​രും കൃ​ഷി​യാ​ണ് ഉ​പ​ജീ​വ​ന​മാ​ർ​ഗ​മാ​യി ആ​ശ്ര​യി​ക്കു​ന്ന​ത്. കാ​ട്ടാ​ന​ക​ൾ ഒ​റ്റ​ക്കും കൂ​ട്ടാ​യും ന​ശി​പ്പി​ക്കാ​നെ​ത്തു​ന്ന​ത് മൂ​ലം കൃ​ഷി നി​ല​നി​ർ​ത്താ​ൻ പ​റ്റാ​ത്ത സാ​ഹ​ച​ര്യ​മാ​ണെ​ന്ന് ക​ർ​ഷ​ക​ർ പ​റ​യു​ന്നു.

വ​ന്യ​മൃ​ഗ​ശ​ല്യം ത​ട​യാ​ൻ വ​ന​പാ​ല​ക​ർ സ്ഥാ​പി​ച്ച സൗ​രോ​ർ​ജ തൂ​ക്കു​വേ​ലി പ​ല​യി​ട​ത്തും പ്ര​വ​ർ​ത്ത​ന​ര​ഹി​ത​മാ​യി. വേ​ലി ഇ​ല്ലാ​ത്ത പ്ര​ദേ​ശ​ങ്ങ​ളി​ൽ സ്ഥാ​പി​ക്കാ​ൻ പ​ദ്ധ​തി ആ​വി​ഷ്ക​രി​ച്ചി​ട്ടും പ്രാ​വ​ർ​ത്തി​ക​മാ​യി​ട്ടി​ല്ല. മാ​സ​ങ്ങ​ൾ​ക്ക് മു​മ്പ് മൂ​ന്നേ​ക്ക​ർ സ്വ​ദേ​ശി​ക​ളാ​യ സ​ഞ്ജു, ജോ​ഷി എ​ന്നി​വ​ർ​ക്ക് കാ​ട്ടാ​ന​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റി​രു​ന്നു. ക​രി​മ്പ പ​ഞ്ചാ​യ​ത്ത് ആ​രോ​ഗ്യ വി​ദ്യാ​ഭ്യാ​സ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ എ​ച്ച്. ജാ​ഫ​ർ, ക​ർ​ഷ​ക​സം​ഘം പ​ഞ്ചാ​യ​ത്ത് ക​മ്മി​റ്റി സെ​ക്ര​ട്ട​റി പി.​ജി. വ​ത്സ​ൻ എ​ന്നി​വ​ർ സം​ഭ​വ​സ്ഥ​ലം സ​ന്ദ​ർ​ശി​ച്ചു. അ​ക്ര​മ​കാ​രി​യാ​യ കാ​ട്ടാ​ന​യെ പി​ടി​കൂ​ട​ണ​മെ​ന്ന് കേ​ര​ള ക​ർ​ഷ​ക സം​ഘം ക​രി​മ്പ പ​ഞ്ചാ​യ​ത്ത് ക​മ്മി​റ്റി ആ​വ​ശ്യ​പ്പ​ട്ടു.