മണ്ണാര്‍ക്കാട് ജോയന്റ്​ ആര്‍.ടി. ഓഫിസില്‍ ജീവനക്കാർ കുറവ്

മ​ണ്ണാ​ര്‍ക്കാ​ട്: മ​ണ്ണാ​ര്‍ക്കാ​ട് മോ​ട്ടോ​ര്‍ വാ​ഹ​ന​വ​കു​പ്പ് സ​ബ് റീ​ജി​യ​ണ​ൽ ഓ​ഫിസി​ല്‍ ജോ​യി​ന്റ് ആ​ര്‍.​ടി.​ഒ.​യു​ടെ​യും അ​സി.​മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പെ​ക്ട​ര്‍മാ​രു​ടെ​യും ഒ​ഴി​വു​ക​ള്‍ നി​ക​ത്താ​ത്ത​ത് മെ​ല്ലെ​പ്പോക്കി​ന് കാ​ര​ണ​മാ​കു​ന്നു. ആ​വ​ശ്യ​ത്തി​ന് ആ​ളി​ല്ലാ​ത്ത​തി​നാ​ല്‍ മോ​ട്ടോ​ര്‍ വാ​ഹ​ന ഓ​ഫിസി​ല്‍ നി​ന്നു​ള്ള സേ​വ​ന​ങ്ങ​ള്‍ ജ​ന​ങ്ങ​ള്‍ക്ക് ല​ഭി​ക്കാ​ൻ കാ​ല​താ​മ​സം ഉ​ണ്ടാ​കു​ന്ന​ത് കൂ​ടാ​തെ ജോ​ലി ഭാ​ര​ത്തി​നും കാ​ര​ണ​മാ​കു​ന്നു. മ​ണ്ണാ​ർ​ക്കാ​ട് കൂ​ടാ​തെ അ​ട്ട​പ്പാ​ടി ട്രൈ​ബ​ല്‍ താ​ലൂ​ക്ക് മേ​ഖ​ല​യി​ൽ വാ​ഹ​ന​സം​ബ​ന്ധ​മാ​യ ആ​വ​ശ്യ​ങ്ങ​ള്‍ക്കാ​യി ബ​ന്ധ​പ്പെ​ടു​ന്ന ഓ​ഫി​സാ​ണി​ത്.

ഒ​രു മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പെ​ക്ട​ര്‍ക്ക് ജോ​യി​ന്റ് ആ​ര്‍.​ടി.​ഒ.​യു​ടെ അ​ധി​ക​ചു​മ​ത​ല ന​ല്‍കി​യി​രി​ക്കു​ക​യാ​ണ്. ഏ​ഴ് മാ​സ​ങ്ങ​ള്‍ക്ക് മു​മ്പാ​ണ് ജോ​യി​ന്റ് ആ​ര്‍.​ടി.​ഒ വി​ര​മി​ച്ച​ത്. ഇ​തോ​ടെ ഈ ​ത​സ്തി​ക​യി​ല്‍ ഒ​ഴി​വു​വ​ന്നു. ഹ​യ​ര്‍ ഡി​പ്പാ​ര്‍ട്ട്മെ​ന്റ് പ്ര​മോ​ഷ​ന്‍ ക​മ്മി​റ്റി യോ​ഗം ചേ​ര്‍ന്ന് മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പെ​ക്ട​ര്‍മാ​ര്‍ക്ക് സ്ഥാ​നം ക​യ​റ്റി ന​ല്‍കി​യാ​ണ് ജോ​യി​ന്റ് ആ​ര്‍.​ടി.​ഒ. ത​സ്തി​ക​യി​ലേ​ക്ക് നി​യ​മ​നം ന​ട​ത്തേ​ണ്ട​ത്. ഈ ​ക​മ്മി​റ്റി യോ​ഗം ചേ​രാ​ന്‍ വൈ​കു​ന്ന​തി​നാ​ല്‍ മ​ണ്ണാ​ര്‍ക്കാ​ട് ഉ​ള്‍പ്പ​ടെ പ​ല​യി​ട​ങ്ങ​ളി​ലും ജോ​യി​ന്റ് ആ​ര്‍.​ടി.​ഒ. ത​സ്തി​ക​യി​ല്‍ ആ​ളെ​ത്തി​യി​ട്ടി​ല്ല. അ​ഞ്ച് മാ​സ​മാ​യി ര​ണ്ട് അ​സി.​മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പെ​ക്ട​ര്‍മാ​രു​ടെ ത​സ്തി​ക​യും ഒ​ഴി​ഞ്ഞു​കി​ട​ക്കു​ക​യാ​ണ്.

ഇ​തോ​ടെ, മേ​ല​ധി​കാ​രി ഉ​ള്‍പ്പ​ടെ മൂ​ന്ന് പേ​രു​ടെ അ​പ​ര്യാ​പ്ത​ത കാ​ര​ണം നി​ല​വി​ലു​ള്ള ര​ണ്ട് മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പെ​ക്ട​ര്‍മാ​രും മ​റ്റ് ജീ​വ​ന​ക്കാ​ര്‍ക്കും നി​ന്നു​തി​രി​യാ​ന്‍ സ​മ​യ​മി​ല്ലാ​ത്ത അ​വ​സ്ഥ​യാ​ണ്. കെ​ട്ടി​ക്കി​ട​ക്കു​ന്ന ഫ​യ​ലു​ക​ള്‍ തീ​ര്‍പ്പി​ക്കാ​ന്‍ സ​മ​യം നോ​ക്കാ​തെ ജോ​ലി ചെ​യ്യേ​ണ്ടി വ​രു​ന്നു. ഓ​ഫീ​സി​ല്‍നി​ന്ന് വീ​ട്ടി​ലെ​ത്തി​യാ​ലും ഓ​ണ്‍ലൈ​ന്‍ വ​ഴി ജോ​ലി ചെ​യ്യേ​ണ്ട അ​വ​സ്ഥ​യു​മു​ണ്ട്. ഓ​ഫീ​സി​ന് കീ​ഴി​ല്‍ നാ​ല്‍പ്പ​തോ​ളം ഡ്രൈ​വിം​ഗ് സ്‌​കൂ​ളു​ക​ള്‍ പ്ര​വ​ര്‍ത്തി​ക്കു​ന്നു​ണ്ട്. മ​ണ്ണാ​ര്‍ക്കാ​ട് മേ​ഖ​ല​യി​ല്‍ തെ​ങ്ക​ര​യി​ലും, അ​ട്ട​പ്പാ​ടി​യി​ല്‍ ഗ​വ.​ഐ.​ടി.​ഐ മൈ​താ​ന​ത്തു​മാ​ണ് ഡ്രൈ​വിം​ഗ് ടെ​സ്റ്റു​ക​ള്‍ ന​ട​ത്താ​റു​ള്ള​ത്. പ്ര​തി​മാ​സം അ​റു​നൂ​റോ​ളം വാ​ഹ​ന പ​രി​ശോ​ധ​ന​യും ന​ട​ത്തി​വ​രു​ന്നു​ണ്ട്. ആ​യി​ര​ത്തി​ല​ധി​കം പു​തി​യ ഡ്രൈ​വി​ങ് ലൈ​സ​ന്‍സു​ക​ളും വി​ത​ര​ണം ചെ​യ്യു​ന്നു. ഇ​തി​നു​പു​റ​മെ പു​തി​യ ആ​ര്‍.​സി. ബു​ക്കു​ക​ളു​ടെ വി​ത​ര​ണം ഉ​ള്‍പ്പ​ടെ​യു​ള്ള സേ​വ​ന​ങ്ങ​ള്‍ നി​റ​വേ​റ്റി ന​ല്‍കാ​നു​ള്ള ജോ​ലി​തി​ര​ക്കി​ലാ​ണ് ഇ​വി​ടു​ത്തെ ജീ​വ​ന​ക്കാ​രെ​ല്ലാം.