തെരുവുകൾ വാഴുന്നത് നായ്ക്കൾ; എ.​ബി.​സി പ​ദ്ധ​തി കൊ​ണ്ട് കാ​ര്യ​മാ​യ പ്ര​യോ​ജ​ന​മി​ല്ല

ഒ​റ്റ​പ്പാ​ലം: നാ​ടും ന​ഗ​ര​വും തെ​രു​വു​നാ​യ്ക്ക​ളു​ടെ വി​ഹാ​ര കേ​ന്ദ്ര​മാ​കു​മ്പോ​ൾ ഭീ​തി​യോ​ടെ ജ​നം. നാ​യ്ക്ക​ളു​ടെ വം​ശ​വ​ർ​ധ​ന നി​യ​ന്ത്രി​ക്കാ​ൻ സ​ർ​ക്കാ​ർ ന​ട​പ്പാ​ക്കി​യ എ.​ബി.​സി പ​ദ്ധ​തി കൊ​ണ്ട് കാ​ര്യ​മാ​യ പ്ര​യോ​ജ​ന​മൊ​ന്നും നേ​ടാ​നാ​യി​ട്ടി​ല്ല. 36 വാ​ർ​ഡു​ക​ളു​ള്ള ഒ​റ്റ​പ്പാ​ലം ന​ഗ​ര​സ​ഭ​യി​ൽ ഡി​സം​ബ​റി​ൽ പി​ടി​കൂ​ടി വ​ന്ധ്യം​ക​ര​ണ​ത്തി​ന് വി​ധേ​യ​മാ​ക്കി​യ​ത് കേ​വ​ലം 19 തെ​രു​വു​നാ​യ്ക്ക​ളെ മാ​ത്ര​ണ്.

ഒ​രു വാ​ർ​ഡി​ലെ തെ​രു​വു​നാ​യ്ക്ക​ളു​ടെ ക​ണ​ക്കെ​ടു​ത്താ​ൽ ത​ന്നെ ഇ​തി​ന്‍റെ പ​ല​മ​ട​ങ്ങു​ണ്ടെ​ന്ന​താ​ണ് വ​സ്തു​ത. മ​റ്റു ത​ദ്ദേ​ശ സ്ഥാ​പ​ന​ങ്ങ​ളെ​ടു​ത്താ​ലും സ്ഥി​തി സ​മാ​ന​മാ​ണ്. ചെ​ർ​പ്പു​ള​ശ്ശേ​രി​യി​ൽ 36 ഉം ​അ​മ്പ​ല​പ്പാ​റ​യി​ൽ 26 ഉം ​ച​ള​വ​റ​യി​ൽ 37 ഉം ​ഉ​ൾ​പ്പ​ടെ 116 നാ​യ്ക്ക​ളെ​യാ​ണ് ഡി​സം​ബ​റി​ൽ വ​ന്ധ്യം​ക​ര​ണ​ത്തി​ന് വി​ധേ​യ​മാ​ക്കി​യ​തെ​ന്ന് ക​ഴി​ഞ്ഞ താ​ലൂ​ക്ക് വി​ക​സ​ന സ​മി​തി യോ​ഗ​ത്തി​ൽ ബ​ന്ധ​പ്പെ​ട്ട​വ​ർ അ​വ​ത​രി​പ്പി​ച്ച ക​ണ​ക്ക് സാ​ക്ഷ്യ​പ്പെ​ടു​ത്തു​ന്നു.

ഒ​റ്റ​പ്പാ​ലം, പ​ട്ടാ​മ്പി താ​ലൂ​ക്കു​ക​ളി​ൽ​നി​ന്ന് പി​ടി​കൂ​ടു​ന്ന തെ​രു​വു​നാ​യ്ക്ക​ളെ വ​ന്ധ്യം​ക​രി​ക്കാ​നു​ള്ള ഏ​ക സം​വി​ധാ​നം ഒ​റ്റ​പ്പാ​ലം മൃ​ഗാ​ശു​പ​ത്രി​യാ​ണ്. ക​ച്ച​വ​ട സ്ഥാ​പ​ന​ങ്ങ​ളി​ലേ​ക്കു​ള്ള പ്ര​വേ​ശ​ന മാ​ർ​ഗം ത​ട​സ്സ​പ്പെ​ടു​ത്തി നാ​യ്ക്ക​ളു​ടെ സം​ഘ​ങ്ങ​ൾ നി​ല​യു​റ​പ്പി​ക്കു​ന്ന​ത് ഭീ​ഷ​ണി​യാ​യി മാ​റി​യി​ട്ടു​ണ്ടെ​ന്നും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ട് വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ഭാ​ര​വാ​ഹി​ക​ൾ ക​ഴി​ഞ്ഞ ദി​വ​സം ഒ​റ്റ​പ്പാ​ലം സ​ബ് ക​ല​ക്ട​ർ​ക്ക് പ​രാ​തി ന​ൽ​കി​യി​രു​ന്നു.

മേ​ഖ​ല​യി​ൽ ഉ​ട​നീ​ളം നാ​യ്ക്ക​ളു​ടെ ആ​ക്ര​മ​ണ​ത്തി​ൽ പ​രി​ക്കേ​ൽ​ക്കു​ന്ന​ത് പു​തു​മ​യി​ല്ലാ​ത്ത സം​ഭ​വ​മാ​യി മാ​റി​യി​രി​ക്കു​ക​യാ​ണ്. ക​ടി​യേ​റ്റ രോ​ഗി​യു​മാ​യി ഒ​റ്റ​പ്പാ​ലം താ​ലൂ​ക്ക് ആ​ശു​പ​ത്രി​യി​ൽ എ​ത്തി​യാ​ൽ കു​ത്തി​വെ​പ്പി​ന് മ​രു​ന്നി​ല്ലാ​ത്ത​താ​ണ് മ​റ്റൊ​രു ദു​രി​തം. താ​ര​ത​മ്യേ​ന വി​ല കൂ​ടു​ത​ലു​ള്ള മ​രു​ന്നാ​യ​തി​നാ​ൽ അ​പൂ​ർ​വ​മാ​യി മാ​ത്ര​മാ​ണ് വി​ത​ര​ണം ന​ട​ക്കു​ന്ന​തെ​ന്നാ​ണ് പ്ര​തി​സ​ന്ധി​ക്ക് കാ​ര​ണ​മാ​യി ആ​ശു​പ​ത്രി അ​ധി​കൃ​ത​ർ ചൂ​ണ്ടി​ക്കാ​ട്ടു​ന്ന​ത്.

വ​ന്ധ്യം​ക​ര​ണ​ത്തി​ന് ശേ​ഷം നാ​യ്ക്ക​ളെ അ​താ​ത് ത​ദ്ദേ​ശ ഭ​ര​ണ സ്ഥാ​പ​ന​ങ്ങ​ൾ​ക്ക് കീ​ഴി​ലു​ള്ള ഷെ​ൽ​റ്റ​റു​ക​ളി​ൽ പാ​ർ​പ്പി​ക്ക​ണ​മെ​ന്ന നി​ബ​ന്ധ​ന ക​ട​ലാ​സി​ൽ ഒ​തു​ങ്ങി. മേ​ഖ​ല​യി​ലെ ഒ​രു ത​ദ്ദേ​ശ ഭ​ര​ണ സ്ഥാ​പ​ന​ത്തി​ന് കീ​ഴി​ലും ഇ​ത്ത​ര​ത്തി​ൽ നാ​യ്ക്ക​ളെ പാ​ർ​പ്പി​ക്കാ​ൻ ഷെ​ൽ​ട്ട​റു​ക​ൾ നി​ല​വി​ലി​ല്ല. ഇ​തു​മൂ​ലം വ​ന്ധ്യം​ക​രി​ച്ച നാ​യ്ക്ക​ളെ പൊ​തു​സ്ഥ​ല​ത്ത് കൊ​ണ്ടു​വി​ടു​ക​യാ​ണ്. ദൂ​ര ദി​ക്കു​ക​ളി​ൽ തി​രി​കെ എ​ത്തി​ക്കാ​നു​ള്ള അ​ധ്വാ​നം ക​ണ​ക്കി​ലെ​ടു​ത്ത് ഒ​റ്റ​പ്പാ​ല​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ൽ നാ​യ്ക്ക​ളെ കൊ​ണ്ടു​വി​ടു​ന്നു എ​ന്ന ആ​ക്ഷേ​പം നേ​ര​ത്തെ ത​ന്നെ ഉ​ണ്ട്. ഷെ​ൽ​ട്ട​റു​ക​ൾ സ്ഥാ​പി​ക്കാ​ൻ സ്വ​കാ​ര്യ വ്യ​ക്തി​ക​ൾ ത​യാ​റാ​ണെ​ങ്കി​ലും അ​നു​മ​തി​യെ​ക്കു​റി​ച്ചു​ള്ള ആ​ശ​ങ്ക​യാ​ണ് ഇ​തി​ൽ​നി​ന്ന് പി​ന്തി​രി​പ്പി​ക്കു​ന്ന​തെ​ന്നാ​ണ് സൂ​ച​ന.