പറമ്പിക്കുളം-ആളിയാർ കരാർ നോക്കുകുത്തി; കിഴക്കൻ മേഖല വരൾച്ച‍യിലേക്ക്

പാ​ല​ക്കാ​ട്: പ​റ​മ്പി​ക്കു​ളം-​ആ​ളി​യാ​ർ പ​ദ്ധ​തി പ്ര​കാ​രം കേ​ര​ള​ത്തി​ന് അ​ർ​ഹ​മാ​യ ജ​ലം ത​മി​ഴ്നാ​ട് ത​രാ​താ​യ​തോ​ടെ ജി​ല്ല​യു​ടെ കി​ഴ​ക്ക​ൻ മേ​ഖ​ല വ​ര​ൾ​ച്ച‍യി​ലേ​ക്ക്. ചി​റ്റൂ​ർ പു​ഴ പ​ദ്ധ​തി പ്ര​ദേ​ശ​ത്തെ 40,000 ഏ​ക്ക​റി​ലെ ര​ണ്ടാം വി​ള നെ​ൽ​കൃ​ഷി​യാ​ണ് പ്ര​തി​സ​ന്ധി​യി​ലാ​കു​ന്ന​ത്. ഇ​ത് കൂ​ടാ​തെ പ​ച്ച​ക്ക​റി, നാ​ളി​കേ​രം തു​ട​ങ്ങി​യ വി​ള​ക​ളെ​യും ജ​ല​ക്ഷാ​മം പ്ര​തി​കൂ​ല​മാ​യി ബാ​ധി​ക്കും. ക​തി​ർ വ​രു​ന്ന സ​മ​യ​ത്ത് ത​ന്നെ വി​ള ഉ​ണ​ങ്ങു​ന്ന സാ​ഹ​ച​ര്യ​മാ​ണ്.

ക​നാ​ലി​ലൂ​ടെ ജ​ല​സേ​ച​ന​മി​ല്ലാ​ത്ത​തി​നെ തു​ട​ർ​ന്ന് പെ​രു​വെ​മ്പി​ൽ ക​ർ​ഷ​ക​ർ ടാ​ങ്ക​ർ ലോ​റി​യി​ൽ വെ​ള്ളം എ​ത്തി​ച്ചാ​ണ് നെ​ൽ​കൃ​ഷി ഉ​ണ​ങ്ങാ​തെ നോ​ക്കി​യ​ത്. ജ​ല​സേ​ച​ന​ത്തി​ന് പു​​റ​മെ ചി​റ്റൂ​ർ താ​ലൂ​ക്കി​ൽ പൂ​ർ​ണ​മാ​യും, പാ​ല​ക്കാ​ട്, ആ​ല​ത്തൂ​ർ താ​ലൂ​ക്കു​ക​ളി​ൽ ഭാ​ഗി​ക​മാ​യും ശു​ദ്ധ​ജ​ല​മെ​ത്തി​ക്കു​ന്ന​തും ഈ ​പ​ദ്ധ​തി​യി​ൽ നി​ന്നാ​ണ്.

ആ​ളി‍യാ​റി​ൽ നി​ന്ന് ചി​റ്റൂ​ർ പു​ഴ​യി​ലേ​ക്ക് സെ​ക്ക​ൻ​ഡി​ൽ 400 ഘ​ന​യ​ടി വെ​ള്ളം കേ​ര​ളം ത​മി​ഴ്നാ​ടി​നോ​ട് ആ​വ​ശ്യ​പ്പെ​ട്ടെ​ങ്കി​ലും പ​ര​മാ​വ​ധി 230 ഘ​ന​യ​ടി തോ​തി​ൽ മാ​ത്ര​മേ ന​ൽ​കു​വെ​ന്നാ​ണ് ത​മി​ഴ്നാ​ട് നി​ല​പാ​ട്. എ​ന്നാ​ൽ, ഇ​തി​ലും പ​ല​പ്പോ​ഴും കു​റ​വ് വ​രു​ത്താ​റു​ണ്ട്. ചി​ല സ​മ​യ​ങ്ങ​ളി​ൽ 207 ഘ​ന​യ​ടി വെ​ള്ള​മാ​ണ് ഒ​ഴു​ക്കു​ന്ന​തെ​ന്നും ആ​രോ​പ​ണ​മു​ണ്ട്.

ക​ഴി​ഞ്ഞ​ദി​വ​സം കോ​യ​മ്പ​ത്തൂ​രി​ൽ കേ​ര​ള-​ത​മി​ഴ്നാ​ട് ജ​ല​വി​ഭ​വ വ​കു​പ്പ് അ​ധി​കൃ​ത​ർ ത​മ്മി​ൽ ച​ർ​ച്ച ന​ട​ത്തി​യെ​ങ്കി​ലും കേ​ര​ളം ആ​വ​ശ്യ​പ്പെ​ട്ട അ​ള​വി​ൽ ജ​ലം ന​ൽ​കാ​ൻ ക​ഴി​യി​ല്ലെ​ന്ന നി​ല​പാ​ടാ​യി​രു​ന്നു ത​മി​ഴ്നാ​ടി​ന്‍റെ​ത്. മ​ഴ​യി​ൽ കു​റ​വു​ണ്ടാ​യെ​ന്ന കാ​ര​ണം പ​റ​ഞ്ഞാ​ണ് ത​മി​ഴ്നാ​ട് ജ​ല​വി​ഭ​വ വ​കു​പ്പ് കേ​ര​ള​ത്തി​ന് അ​ർ​ഹ​മാ​യ വെ​ള്ളം നി​ഷേ​ധി​ക്കു​ന്ന​ത്.

എ​ന്നാ​ൽ, പ​റ​മ്പി​ക്കു​ളം അ​ണ​ക്കെ​ട്ടു​ക​ളി​ൽ നി​ന്ന് ആ​ളി​യാ​റി​ലേ​ക്ക് വെ​ള്ളം എ​ത്തി​ക്കാ​തെ കോ​ണ്ടൂ​ർ ക​നാ​ൽ വ​ഴി തി​രു​മൂ​ർ​ത്തി അ​ണ​ക്കെ​ട്ടി​ലേ​ക്ക് വെ​ള്ളം കൊ​ണ്ടു​പോ​വു​ക​യാ​ണെ​ന്ന് ക​ർ​ഷ​ക​ർ പ​രാ​തി​പ്പെ​ടു​ന്നു. ക​രാ​ർ പ്ര​കാ​രം ചാ​ല​ക്കു​ടി ന​ദീ​ത​ട​ത്തി​ൽ കേ​ര​ള ഷോ​ള​യാ​ർ ഡാ​മി​ൽ 12.30 ടി.​എം.​സി ജ​ല​വും, ഭാ​ര​ത​പ്പു​ഴ ന​ദീ​ത​ട​ത്തി​ലെ ചി​റ്റൂ​ർ മേ​ഖ​ല​യി​ലെ കൃ​ഷി​ക്കാ​യി മ​ണ​ക്ക​ട​വ് വി​യ​റി​ൽ നി​ന്ന് 7.25 ടി.​എം.​സി ജ​ല​വു​മാ​ണ് കേ​ര​ള​ത്തി​ന് അ​ർ​ഹ​മാ​യ​ത്.

ജ​ല​സേ​ച​ന വ​കു​പ്പി​ന്റെ ക​ണ​ക്കി​ൽ ഇ​തു​വ​രെ സം​സ്ഥാ​ന​ത്തി​ന് ല​ഭി​ക്കേ​ണ്ട വെ​ള്ള​ത്തി​ന്റെ അ​ർ​ഹ​മാ​യ അ​ള​വ് 5.6 ടി.​എം.​സി​യാ​ണ്. എ​ന്നാ​ൽ, വ്യ​ഴാ​ഴ്ച വ​രെ 3.6 ടി.​എം.​സി ജ​ല​മാ​ണ് ല​ഭി​ച്ച​തെ​ന്ന് ചി​റ്റൂ​ർ പു​ഴ എ​ക്സി​ക്യൂ​ട്ടീ​വ് എ​ൻ​ജി​നി​യ​ർ കി​ര​ൺ എ​ബ്ര​ഹാം തോ​മ​സ് പ​റ​ഞ്ഞു.

ഓ​രോ ജ​ല​വ​ര്‍ഷ​വും കേ​ര​ള​ത്തി​ന് ല​ഭി​ക്കേ​ണ്ട 7.25 ടി.​എം.​സി പ​ല ഘ​ട്ട​ങ്ങി​ലും പൂ​ര്‍ണ​മാ​യി ല​ഭി​ക്കാ​തെ പോ​കാ​റു​ണ്ട്. ഇ​തി​ന് പു​റ​മേ​യാ​ണ് പു​തി​യ പ​ദ്ധ​തി​ക​ളി​ലൂ​ടെ കൂ​ടു​ത​ല്‍ ജ​ലം വി​നി​യോ​ഗി​ക്കാ​നു​ള്ള നീ​ക്കം ത​മി​ഴ്‌​നാ​ട് ന​ട​ത്തു​ന്ന​ത്.

വ്യാ​ഴാ​ഴ്ച ഒ​ഴു​ക്കി​യ​ത് 290 ഘ​ന​യ​ടി വെ​ള്ളം

ത​മി​ഴ്നാ​ട് വെ​ള്ളം ന​ൽ​കാ​ത്ത​തി​ൽ പ്ര​തി​ഷേ​ധി​ച്ച് ചി​റ്റൂ​രി​ൽ ജ​ല​സേ​ച​ന ഓ​ഫി​സി​ന് മു​ന്നി​ൽ ക​ർ​ഷ​ക സം​ഘ​ട​ന​ക​ൾ സ​മ​രം ശ​ക്ത​മാ​ക്കി​യ​തോ​ടെ ചി​റ്റൂ​ർ പു​ഴ​യി​ലേ​ക്ക് ഒ​ഴു​ക്കു​ന്ന വെ​ള്ള​ത്തി​ന്‍റെ അ​ള​വ് ത​മി​ഴ്നാ​ട് വ​ർ​ധി​പ്പി​ച്ചു. സെ​ക്ക​ൻ​ഡി​ൽ 290 ഘ​ന​യ​ടി വെ​ള്ള​മാ​ണ് വ്യാ​ഴാ​ഴ്ച ഒ​ഴു​ക്കി​യ​ത്.

ശി​രു​വാ​ണി​യി​ൽ നി​ന്നു​ള്ള വെ​ള്ളം നി​ർ​ത്ത​ണം -ക​ർ​ഷ​ക സ​മ​ര​സ​മി​തി

പാ​ല​ക്കാ​ട്: ചി​റ്റൂ​ർ പു​ഴ ആ​യ​ക്കെ​ട്ട് പ്ര​ദേ​ശം വ​ര​ണ്ടു​ണ​ങ്ങു​മ്പോ​ൾ പ​റ​മ്പി​ക്കു​ളം-​ആ​ളി​യാ​ർ പ​ദ്ധ​തി​യി​ൽ നി​ന്ന് ത​മി​ഴ്നാ​ട് മ​റ്റ് പ്ര​ദേ​ശ​ങ്ങ​ളി​ലേ​ക്ക് വെ​ള്ളം കൊ​ണ്ടു​പോ​കു​ന്ന​ത് ക​രാ​ർ ലം​ഘ​ന​മാ​ണെ​ന്നും, ഇ​ത് അ​വ​സാ​നി​പ്പി​ക്കാ​തി​രു​ന്നാ​ൽ ശി​രു​വാ​ണി​യി​ൽ നി​ന്ന് കോ​യ​മ്പ​ത്തൂ​രി​ലേ​ക്ക് വെ​ള്ളം ന​ൽ​കു​ന്ന​ത് അ​വ​സാ​നി​പ്പി​ക്ക​ണ​മെ​ന്നും ക​ർ​ഷ​ക​സ​മ​ര സ​മി​തി ആ​വ​ശ്യ​പ്പെ​ട്ടു.

സെ​പ്തം​ബ​ർ അ​വ​സാ​നം മു​ത​ൽ പ​റ​മ്പി​ക്കു​ള​ത്ത് നി​ന്നു​ള്ള വെ​ള്ളം ആ​ളി​യാ​ർ ഡാ​മി​ൽ എ​ത്തി​ക്കാ​തെ പ​റ​മ്പി​ക്കു​ള​ത്ത് നി​ന്ന് കോ​ണ്ടൂ​ർ ക​നാ​ൽ വ​ഴി തി​രു​മൂ​ർ​ത്തി ഡാ​മി​ലേ​ക്കും അ​വി​ടെ നി​ന്ന് ത​മി​ഴ്നാ​ടി​ന്‍റെ മ​റ്റ് പ്ര​ദേ​ശ​ങ്ങ​ളി​ലേ​ക്കും കൊ​ണ്ടു​പോ​കു​ന്ന​ത് ഉ​ദ്യോ​ഗ​സ്ഥ​രു​ടെ​യും ജ​ല​സേ​ച​ന മ​ന്ത്രി​യു​ടെ​യും ശ്ര​ദ്ധ​യി​ൽ​പെ​ടു​ത്തി​യെ​ങ്കി​ലും ന​ട​പ​ടി​യു​ണ്ടാ​യി​ല്ലെ​ന്നും സ​മി​തി കു​റ്റ​പ്പെ​ടു​ത്തി.

ആ​യ​ക്കെ​ട്ട് പ്ര​ദേ​ശ​ത്ത് വെ​ള്ള​മെ​ത്തി​ക്ക​ണെ​ന്നാ​വ​ശ്യ​പ്പെ​ട്ട് ചി​റ്റൂ​ർ പു​ഴ പ​ദ്ധ​തി ഓ​ഫി​സി​ന് മു​ന്ന​ൽ ന​ട​ത്തി​യ സ​ത്യ​ഗ്ര​ഹം പ​റ​മ്പി​ക്കു​ളം ആ​ളി​യാ​ർ ജ​ല​സം​ര​ക്ഷ​ണ സ​മി​തി ജ​ന​റ​ൽ ക​ൺ​വീ​ന​ർ മു​ത​ലാം​തോ​ട് മ​ണി ഉ​ദ്ഘാ​ട​നം ചെ​യ്തു. ചെ​യ​ർ​മാ​ൻ പി.​സി. ശി​വ​ശ​ങ്ക​ർ അ​ധ്യ​ക്ഷ​ത വ​ഹി​ച്ചു. അ​തി​ര​ഥ​ൻ, രാ​ഘ​വ​ൻ, എ​സ്.​ആ​ർ. അ​രു​ൾ​കു​മാ​ർ, കാ​ർ​ത്തി​കേ​യ​ൻ, കൃ​ഷ്ണ​ൻ, എം. ​മ​ണി, ദേ​വ​ൻ ചെ​റാ​പ്പൊ​റ്റ, എ. ​അ​ബ്ദു​ൾ അ​സീ​സ് എ​ന്നി​വ​ർ സം​സാ​രി​ച്ചു.

പി.എ.പി കരാർ: കേരളത്തിന്റെ അവകാശം നിരസിക്കുന്നതിനെതിരെ മുഖ്യമന്ത്രി

കൊ​ല്ല​ങ്കോ​ട്: പി.​എ.​പി ക​രാ​ർ പ്ര​കാ​രം കേ​ര​ള​ത്തി​ന് ല​ഭി​ക്കേ​ണ്ട ജ​ല​ത്തി​ന്റെ അ​വ​കാ​ശം ത​മി​ഴ്നാ​ട് നി​ര​സി​ക്കു​ന്ന​താ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. പ​റ​മ്പി​ക്കു​ളം- ആ​ളി​യാ​ർ ക​രാ​ർ പ്ര​കാ​രം ല​ഭി​ക്കേ​ണ്ട 7.25 ടി.​എം.​സി ജ​ല​ത്തി​ന് പ​ക​രം 3.54 ടി.​എം.​സി ജ​ലം മാ​ത്ര​മാ​ണ് ല​ഭി​ക്കു​ന്ന​തെ​ന്ന് നി​യ​മ​സ​ഭ​യി​ൽ കെ. ​ബാ​ബു എം.​എ​ൽ.​എ​യു​ടെ സ​ബ് മി​ഷ​ന് മ​റു​പ​ടി​യാ​യി അ​ദ്ദേ​ഹം പ​റ​ഞ്ഞു. കേ​ര​ള​ത്തി​ന് ക​രാ​ർ​പ്ര​കാ​രം ല​ഭി​ക്കേ​ണ്ട അ​ർ​ഹ​മാ​യ ജ​ല​ത്തി​നാ​യി ശ​ക്ത​മാ​യ ഇ​ട​പെ​ട​ൽ ന​ട​ത്തു​മെ​ന്നും മു​ഖ്യ​മ​ന്ത്രി അ​റി​യി​ച്ചു.

പ​റ​മ്പി​ക്കു​ളം -ആ​ളി​യാ​ർ ക​രാ​ർ പ്ര​കാ​രം മ​ണ​ക്ക​ട​വ് വി​യ​റി​ൽ ഒ​രു ജ​ല​വ​ർ​ഷം 7250 ദ​ശ​ല​ക്ഷം ക്യു​ബി​ക് അ​ടി ജ​ലം കേ​ര​ള​ത്തി​ന് ത​മി​ഴ്നാ​ട് ന​ൽ​ക​ണം. ക​രാ​ർ വ്യ​വ​സ്ഥ​യ​നു​സ​രി​ച്ച് അ​പ്പ​ർ നീ​രാ​ർ വി​യ​റി​ൽ 2023 ഒ​ക്ടോ​ബ​ർ ഒ​ന്നി​നും 2024 ജ​നു​വ​രി 31നു​മി​ട​യി​ൽ ല​ഭ്യ​മാ​കു​ന്ന മു​ഴു​വ​ൻ ജ​ല​വും കേ​ര​ള​ത്തി​ന് അ​വ​കാ​ശ​പ്പെ​ട്ട​താ​ണ്.

എ​ന്നാ​ൽ, 2023 -24 ജ​ല​വ​ർ​ഷ​ത്തി​ൽ 2024 ​ജ​നു​വ​രി 29 വ​രെ 3573 ദ​ശ​ല​ക്ഷം ക്യു​ബി​ക് അ​ടി മാ​ത്ര​മാ​ണ് ല​ഭ്യ​മാ​യ​ത്. ക​രാ​ർ പ്ര​കാ​രം ജ​നു​വ​രി ഒ​ന്നാം ദ്വൈ​വാ​രം 5200 ദ​ശ​ല​ക്ഷം ക്യു​ബി​ക് അ​ടി ജ​ല​മാ​ണ് ല​ഭി​ക്കേ​ണ്ടി​യി​രു​ന്ന​ത്. ഈ ​കാ​ല​യ​ള​വി​ൽ 5788 ദ​ശ​ല​ക്ഷം ക്യു​ബി​ക് അ​ടി ജ​ലം കേ​ര​ളം ആ​വ​ശ്യ​പ്പെ​ട്ട​താ​യും മു​ഖ്യ​മ​ന്ത്രി അ​റി​യി​ച്ചു.

2023 -24ൽ ​മ​ണ​ക്ക​ട​വ് വി​യ​റി​ൽ കേ​ര​ള​ത്തി​നാ​വ​ശ്യ​മാ​യ ജ​ലം ല​ഭ്യ​മാ​ക്ക​ണ​മെ​ന്നാ​വ​ശ്യ​പ്പെ​ട്ട് ഉ​ദ്യോ​ഗ​സ്ഥ​ത​ല​ത്തി​ലും സ​ർ​ക്കാ​ർ ത​ല​ത്തി​ലും ത​മി​ഴ്നാ​ടു​മാ​യി ച​ർ​ച്ച ന​ട​ത്തി​യി​ട്ടു​ണ്ട്. 2023 ഒ​ക്ടോ​ബ​ർ 19ന് ​ന​ട​ന്ന സം​യു​ക്ത ജ​ല​ക്ര​മീ​ക​ര​ണ ബോ​ർ​ഡ് യോ​ഗ​ത്തി​ൽ ചി​റ്റൂ​ർ പ്ര​ദേ​ശ​ത്തെ കൃ​ഷി, കു​ടി​വെ​ള്ള ആ​വ​ശ്യ​ങ്ങ​ൾ​ക്കാ​യി ല​ഭ്യ​മാ​ക്കേ​ണ്ട ജ​ല​ത്തി​ന്റെ ക​ണ​ക്കു​ക​ൾ അ​വ​ത​രി​പ്പി​ച്ചെ​ങ്കി​ലും നി​ല​വി​ലെ വ​ര​ൾ​ച്ച സാ​ഹ​ച​ര്യം ക​ണ​ക്കി​ലെ​ടു​ത്ത് ജ​ലം ല​ഭ്യ​മാ​ക്കാ​നാ​കി​ല്ലെ​ന്നും മു​ഖ്യ​മ​ന്ത്രി അ​റി​യി​ച്ചു.

പി.​എ.​പി ഗ്രൂ​പ് ഡാ​മു​ക​ളു​ടെ വൃ​ഷ്ടി​പ്ര​ദേ​ശ​ത്ത് മ​ഴ ല​ഭ്യ​മാ​കു​ന്ന​തി​ന​നു​സ​രി​ച്ച് കേ​ര​ളം ആ​വ​ശ്യ​പ്പെ​ട്ട ജ​ലം ല​ഭ്യ​മാ​ക്കാ​മെ​ന്നാ​ണ് ത​മി​ഴ്നാ​ട് അ​റി​യി​ച്ച​ത്. എ​ന്നാ​ൽ, കേ​ര​ളം ഇ​തി​നോ​ട് വി​യോ​ജി​ക്കു​ക​യും പ​റ​മ്പി​ക്കു​ളം ജ​ല​സം​ഭ​ര​ണി​യി​ൽ​നി​ന്ന് ജ​ലം ആ​ളി​യാ​ർ ഡാ​മി​ലെ​ത്തി​ച്ച് കേ​ര​ള​ത്തി​ന് ല​ഭ്യ​മാ​ക്ക​ണ​മെ​ന്നും ആ​വ​ർ​ത്തി​ച്ചാ​വ​ശ്യ​പ്പെ​ട്ട​താ​യും മു​ഖ്യ​മ​ന്ത്രി പ​റ​ഞ്ഞു. ഈ ​ആ​വ​ശ്യ​മു​ന്ന​യി​ച്ച് ജ​ല​വി​ഭ​വ സെ​ക്ര​ട്ട​റി, ചീ​ഫ് സെ​ക്ര​ട്ട​റി എ​ന്നി​വ​ർ ത​മി​ഴ്നാ​ടി​ന് ക​ത്തു​ക​ളു​മ​യ​ച്ചി​രു​ന്നു. എ​ന്നാ​ൽ, നി​ല​പാ​ട് മാ​റ്റാ​ൻ അ​വ​ർ ത​യാ​റാ​യി​ട്ടി​ല്ല.