തിരുവല്ല: ലോക പരിസ്ഥിതി ദിനത്തോടനുബന്ധിച്ച് യൂത്ത് കോൺഗ്രസ് തിരുവല്ല ഈസ്റ്റ് മണ്ഡലം കമ്മിറ്റി നേതൃത്വത്തിൽ തിരുവല്ല ബൈപാസ് പാതയോരത്ത് വൃക്ഷത്തൈ നട്ടു. ബ്ലോക്ക് ജനറൽ സെക്രട്ടറി രതീഷ് പാലിയിൽ ഉദ്ഘാടനം ചെയ്തു. മണ്ഡലം പ്രസിഡന്‍റ് ജേക്കബ് വർഗീസ് അധ്യക്ഷത വഹിച്ചു. പെരിങ്ങര ഗോത്ര സംസ്കൃതി സോഷ്യൽ സർവിസ് ഓർഗനൈസേഷന്‍റെ ആഭിമുഖ്യത്തിൽ പെരിങ്ങര - ചാത്തങ്കേരി പാതയോരത്ത് വൃക്ഷത്തൈ നട്ടു. തുടർന്ന് നടന്ന യോഗം പ്രസിഡന്‍റ് ഏബ്രഹാം തോമസ് ഉദ്ഘാടനം ചെയ്തു. യൂനിവേഴ്സൽ സർവിസ് എൻവയൺമെന്‍റ് അസോസിയേഷൻ ജില്ല കമ്മിറ്റി നേതൃത്വത്തിൽ വെസ്റ്റ് ഓതറ ഗവ. എൽ.പി സ്കൂൾ അങ്കണത്തിൽ നടന്ന പരിപാടി പഞ്ചായത്ത്‌ അംഗം ആൽഫ അമ്മിണി ജേക്കബ് ഉദ്ഘാടനം ചെയ്തു. ജില്ല പ്രസിഡന്‍റ് വി.ജി. വിശ്വനാഥൻ അധ്യക്ഷത വഹിച്ചു. യൂസി സംസ്ഥാന വൈസ് പ്രസിഡന്‍റ് വി.ആർ. രാജേഷ് പരിസ്ഥിതി ദിന സന്ദേശം നൽകി. യൂത്ത് കോൺഗ്രസ് വെൺപാല യൂനിറ്റ് കമ്മിറ്റി നേതൃത്വത്തിൽ 2017ലെ പരിസ്ഥിതി ദിനത്തിൽ നട്ടുപിടിപ്പിച്ച്, സംരക്ഷിച്ച തണൽ മരങ്ങളുടെ അഞ്ചാമത് ജന്മദിനാഘോഷം കേക്ക് മുറിച്ച് ആഘോഷിച്ചു. ജില്ല വൈസ് പ്രസിഡന്‍റ് വിശാഖ് വെൺപാല ഉദ്ഘാടനം ചെയ്തു. വേനൽ കാലത്ത് ഉൾപ്പെടെ ഈ മരങ്ങളിൽ പക്ഷികൾക്ക് ദാഹജലം ചട്ടികളിൽ ക്രമീകരിച്ചു വരുന്നുണ്ട്‌. യൂനിറ്റ് പ്രസിഡന്‍റ് റെനി സൂസൻ അധ്യക്ഷത വഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.