കൊച്ചി: റാന്നി എസ്.എൻ.ഡി.പി യൂനിയൻ ശാഖ യോഗങ്ങൾക്ക് കീഴിലെ മൈക്രോ ഫിനാൻസ് യൂനിറ്റുകൾക്ക് അനുവദിച്ച ബാങ്ക് വായ്പയിലെ റവന്യൂ റിക്കവറി നടപടികൾ മൂന്ന് മാസത്തേക്ക് നിർത്തിവെക്കണമെന്ന് ഹൈകോടതി. മൈക്രോ ഫിനാൻസ് യൂനിറ്റുകൾക്ക് ചെറുകിട വ്യവസായ യൂനിറ്റുകൾ ആരംഭിക്കാൻ അനുവദിച്ച വായ്പയുടെ തിരിച്ചടവുമായി ബന്ധപ്പെട്ടാണ് ജസ്റ്റിസ് പി.വി. കുഞ്ഞികൃഷ്ണന്‍റെ ഉത്തരവ്. വായ്പ ഗഡുക്കളടക്കാൻ ഭാരവാഹികളെ തുക ഏൽപ്പിച്ചിരുന്നെങ്കിലും അവർ വീഴ്ച വരുത്തിയെന്ന് കാട്ടി ശാഖായോഗം ഭാരവാഹികൾ നൽകിയ ഹരജികളാണ് കോടതി പരിഗണിച്ചത്. യൂനിയന്റെ അക്കൗണ്ടിലൂടെയെ വായ്പ അനുവദിക്കാനാവൂ എന്നതിനാൽ തിരിച്ചടവും യൂനിയൻ വഴിയാകണമെന്ന് വിശ്വസിപ്പിച്ചാണ് തട്ടിപ്പ് നടത്തിയതെന്നാണ് ഹരജിയിലെ ആരോപണം. ആരോപണം ഗൗരവതരമാണെന്നും ഇത് ശരിയാണെങ്കിൽ യൂനിയൻ ഭാരവാഹികളടക്കമുള്ളവർക്കെതിരെ സിവിലായും ക്രിമിനലായും നടപടി സ്വീകരിക്കാനാവുമെന്നും കോടതി അഭിപ്രായപ്പെട്ടു. തുടർന്നാണ് റവന്യൂ റിക്കവറി നടപടികൾക്കെതിരെ സിവിൽ നടപടി സ്വീകരിക്കാൻ സമയം അനുവദിക്കുന്നതിന് മൂന്ന് മാസത്തേക്ക് റിക്കവറി നടപടികൾ തടഞ്ഞത്. ബാങ്കിലടക്കാൻ നൽകിയ തുക യൂനിയൻ ഭാരവാഹികൾ തിരിമറി നടത്തിയതിനെതിരെ പൊലീസ് സ്റ്റേഷനിൽ പരാതി നൽകണം. പരാതി ലഭിച്ചാൽ അടിയന്തര നടപടി ഉണ്ടാകണം. ഇതുമായി ബന്ധപ്പെട്ട കേസുകൾ അന്വേഷിക്കാൻ പ്രത്യേക സംഘം രൂപവത്കരിക്കണമെന്നാവശ്യപ്പെട്ട് ഹരജിക്കാർക്ക് പൊലീസ് മേധാവിയെ സമീപിക്കാം. നിവേദനം ലഭിച്ചാൽ നിയമപരമായ നടപടി സ്വീകരിക്കണം. യൂനിയൻ ഭാരവാഹികൾക്കെതിരായ പരാതിയിൽ അന്തിമ റിപ്പോർട്ട് നൽകിയിട്ടുണ്ടെങ്കിൽ വിചാരണ വേഗത്തിൽ പൂർത്തിയാക്കണമെന്നും കോടതി നിർദേശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.