അറുപത്തഞ്ചുകാരനിൽനിന്ന് നീക്കം ചെയ്ത അര കിലോയോളമുള്ള കല്ല്
അടൂർ: ലൈഫ് ലൈൻ ആശുപത്രിയിലെ യൂറോളജി വിഭാഗത്തിൽ നടന്ന ശസ്ത്രക്രിയയിലൂടെ അറുപത്തഞ്ചുകാരനിൽനിന്ന് അരകിലോയോളമുള്ള കല്ല് നീക്കം ചെയ്തു. ഓച്ചിറ സ്വദേശി അബ്ദുൽ റഹ്‌മാൻ കുഞ്ഞിന്‍റെ മൂത്രസഞ്ചിയിൽ അടിഞ്ഞ കല്ലാണ് നീക്കം ചെയ്തത്. ഏഴര സെന്റിമീറ്റർ (മൊത്തം 15 സെ.മീ.) വലുപ്പവും അര കിലോ വരുന്നതുമായ രണ്ടു കല്ലാണ് നീക്കിയത്.
ഡോ. ദീപുവിന്‍റെ നേതൃത്വത്തിൽ നടന്ന ശസ്ത്രക്രിയയിൽ ലൈഫ് ലൈൻ സർജറി വിഭാഗം തലവൻ ഡോ. മാത്യൂസ് ജോൺ, അനസ്തേഷ്യ വിഭാഗം ഡോ. അജോ എം. അച്ചൻകുഞ്ഞ്, നഴ്സുമാരായ സാംസി, സില്ല എന്നിവരാണ് ഉണ്ടായിരുന്നത്. കേരളത്തിൽ ഇതുവരെ റിപ്പോർട്ട് ചെയ്തതിൽ ഏറ്റവും വലുപ്പമുള്ള മൂത്രസഞ്ചിയിലെ കല്ലുകളിൽ ഒന്നാണ് ഇതെന്ന് ആശുപത്രി മാനേജിങ് ഡയറക്ടർ ഡോ. പാപ്പച്ചൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.