കൊക്കാത്തോട് പാലവും അപ്രോച് റോഡും തമ്മിലെ വിള്ളൽ വർധിക്കുന്നു; അപകടക്കെണിയായി അകലം

കോ​ന്നി: എ​ട്ടു​വ​ർ​ഷം മു​മ്പ്​ കോ​ടി​ക​ൾ മു​ട​ക്കി നി​ർ​മി​ച്ച കൊ​ക്കേ​ത്തോ​ട് പാ​ല​ത്തി​ൽ രൂ​പ​പ്പെ​ട്ട വ​ലി​യ വി​ള്ള​ൽ ഭീ​ഷ​ണി​യാ​കു​ന്നു. വ​യ​ക്ക​ര ഭാ​ഗ​ത്തു​നി​ന്ന് പാ​ല​ത്തി​ലേ​ക്ക് വ​രു​ന്ന സ​മാ​ന്ത​ര റോ​ഡാ​ണ് പാ​ല​വു​മാ​യി വ​ലി​യ​തോ​തി​ൽ അ​ക​ലു​ന്ന​ത്.

അ​രു​വാ​പു​ലം ഗ്രാ​മ​പ​ഞ്ചാ​യ​ത്തി​ലെ കൊ​ക്കാ​ത്തോ​ട് പാ​ല​ത്തി​ന്റെ അ​പ്രോ​ച് റോ​ഡി​നും പാ​ല​ത്തി​നും ഇ​ട​യി​ലു​ള്ള അ​ക​ലം വ​ർ​ധി​ച്ച​ത് അ​പ​ക​ട​ക്കെ​ണി​യാ​കു​ന്നു. അ​രു​വാ​പ്പു​ലം ഗ്രാ​മ​പ​ഞ്ചാ​യ​ത്തി​ലെ കൊ​ക്കാ​ത്തോ​ട് പ്ര​ദേ​ശ​ത്തെ പു​റം​ലോ​ക​വു​മാ​യി ബ​ന്ധി​പ്പി​ക്കു​ന്ന​തി​ന് അ​ച്ച​ൻ​കോ​വി​ൽ ന​ദി​ക്ക് കു​റു​കെ മൂ​ന്ന് കോ​ടി മു​ട​ക്കി​യാ​ണ് പാ​ലം നി​ർ​മാ​ണം പൂ​ർ​ത്തീ​ക​രി​ച്ച​ത്.

2005ൽ ​ത​റ​ക്ക​ല്ലി​ട്ട പാ​ലം നി​ർ​മാ​ണം 2008ൽ ​പൂ​ർ​ത്തി​യാ​ക്കി നാ​ടി​നു സ​മ​ർ​പ്പി​ച്ചു. എ​ന്നാ​ൽ, പാ​ല​വും അ​പ്രോ​ച് റോ​ഡും ത​മ്മി​ലു​ള്ള അ​ക​ലം വ​ർ​ധി​ച്ച​താ​ണ് ഇ​പ്പോ​ൾ അ​പ​ക​ട​ക്കെ​ണി​യാ​കു​ന്ന​ത്. ഇ​രു​ച​ക്ര വാ​ഹ​ന​ങ്ങ​ളു​ടെ അ​ട​ക്കം ട​യ​റു​ക​ൾ ഇ​തി​നു​ള്ളി​ൽ കു​ടു​ങ്ങി അ​പ​ക​ടം സം​ഭ​വി​ക്കു​ന്ന​തി​നു​ള്ള സാ​ധ്യ​ത ഏ​റെ​യാ​ണ്.

എ​ന്നാ​ൽ, പൊ​തു​മ​രാ​മ​ത്ത് പാ​ലം വി​ഭാ​ഗം ഈ ​വി​ട​വ് നി​ക​ത്താ​നാ​യി ആ​റു ല​ക്ഷം രൂ​പ​ക്കു​ള്ള എ​സ്റ്റി​മേ​റ്റ് സ​മ​ർ​പ്പി​ച്ചി​ട്ടു​ണ്ട്. ഇ​ത് അ​നു​വ​ദി​ച്ചാ​ൽ പ്ര​ശ്നം പ​രി​ഹ​രി​ക്കാ​ൻ ക​ഴി​യു​മെ​ന്നും അ​ധി​കൃ​ത​ർ പ​റ​യു​ന്നു. പാ​ല​വും അ​പ്രോ​ച് റോ​ഡും ത​മ്മി​ലെ അ​ക​ലം വ​ർ​ധി​ക്കു​ന്ന​ത് പാ​ല​ത്തി​ന്റെ ബ​ല​ക്ഷ​യ​ത്തി​ന് കാ​ര​ണ​മാ​യി തീ​രു​മെ​ന്ന് നാ​ട്ടു​കാ​ർ ആ​ശ​ങ്ക​പ്പെ​ടു​ന്നു. പാ​ല​ത്തി​ന് ബ​ല​ക്ഷ​യം വ​ന്നാ​ൽ മ​ല​യോ​ര മേ​ഖ​ല​യാ​യ കൊ​ക്കാ​ത്തോ​ട് പ്ര​ദേ​ശം ഒ​റ്റ​പ്പെ​ട്ട് പോ​കു​മെ​ന്നും ഭാ​രം ക​യ​റ്റി​യ വാ​ഹ​ന​ങ്ങ​ൾ പോ​കു​മ്പോ​ൾ പാ​ല​ത്തി​ന് വി​റ​യ​ൽ അ​നു​ഭ​വ​പ്പെ​ടു​ന്നു​ണ്ടെ​ന്നും പ​റ​യു​ന്നു.

കൊ​ക്കാ​ത്തോ​ട് പ്ര​ദേ​ശ​ത്തു​നി​ന്ന്​ ത​ടി ക​യ​റ്റി​യ ലോ​റി​ക​ൾ ഉ​ൾ​പ്പെ​ടെ ഈ ​പാ​ല​ത്തി​ൽ കൂ​ടി ക​ട​ന്നു​പോ​കു​ന്നു​ണ്ട്. പാ​ല​ത്തി​ന്റെ അ​ക​ൽ​ച്ച എ​ത്ര​യും വേ​ഗം പ​രി​ഹ​രി​ക്ക​ണ​മെ​ന്നും ആ​വ​ശ്യ​മു​യ​രു​ന്നു.