വെള്ളപ്പൊക്കം പതിവായി; മഴപ്പേടിയിൽ പന്തളം

പ​ന്ത​ളം: 2018ലെ ​മ​ഹാ​പ്ര​ള​യ​ശേ​ഷം പ​ന്ത​ള​ത്തെ വി​വി​ധ മേ​ഖ​ല​ക​ളി​ൽ വെ​ള്ള​പ്പൊ​ക്കം പ​തി​വാ​കു​ന്ന​തി​ൽ ആ​ശ​ങ്ക. ക​ട​യ്ക്കാ​ട്, തോ​ന്ന​ല്ലൂ​ർ, ചേ​രി​ക്ക​ൽ, മു​ട്ടാ​ർ ഭാ​ഗ​ങ്ങ​ളി​ൽ വേ​ഗ​ത്തി​ലാ​ണ് വെ​ള്ളം ക​യ​റു​ന്ന​ത്. എ​ന്നാ​ൽ, വെ​ള്ള​മി​റ​ങ്ങാ​ൻ ദി​വ​സ​ങ്ങ​ളെ​ടു​ക്കും. മു​ൻ വ​ർ​ഷ​ങ്ങ​ളി​ൽ നി​ന്ന്​ വ്യ​ത്യ​സ്ത​മാ​ണ് ഈ ​സ്ഥി​തി​യെ​ന്ന​തി​നാ​ൽ വെ​ള്ള​പ്പൊ​ക്ക ബാ​ധി​ത പ്ര​ദേ​ശ​ങ്ങ​ളി​ലെ കു​ടും​ബ​ങ്ങ​ൾ ആ​ശ​ങ്ക​യി​ലാ​ണ്. കി​ഴ​ക്ക​ൻ വെ​ള്ള​ത്തി​ന്‍റെ വ​ര​വ് ശ​ക്തി​പ്പെ​ട്ട​തോ​ടെ പ​ന്ത​ള​ത്തെ താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ള​ക്കെ​ട്ട് രൂ​ക്ഷ​മാ​ണ്.

അ​ച്ച​ൻ​കോ​വി​ലാ​റി​ന്റെ തീ​ര​പ്ര​ദേ​ശ​ങ്ങ​ളാ​യ ക​ട​യ്ക്കാ​ട്, തോ​ന്ന​ല്ലൂ​ർ ഭാ​ഗ​ങ്ങ​ളി​ലാ​ണ് തു​ട​ക്ക​ത്തി​ൽ ത​ന്നെ വെ​ള്ളം ക​യ​റു​ന്ന​ത്. വൈ​കാ​തെ ചേ​രി​ക്ക​ലി​ലും മു​ട്ടാ​ർ മേ​ഖ​ല​യി​ലും വെ​ള്ള​മെ​ത്തും. മ​ണി​ക്കൂ​റു​ക​ൾ​കൊ​ണ്ട് ചേ​രി​ക്ക​ലും മു​ട്ടാ​റും മു​ങ്ങു​ന്ന​താ​ണ് സ്ഥി​തി.

ന​ല്ല തെ​ളി​ഞ്ഞ കാ​ലാ​വ​സ്ഥ മ​ട​ങ്ങി​യെ​ത്തി​യി​ട്ടും പ​ന്ത​ള​ത്തി​ന്റെ പ​ടി​ഞ്ഞാ​റ​ൻ മേ​ഖ​ല​യി​ൽ വെ​ള്ള​മി​റ​ങ്ങി​യി​ട്ടി​ല്ല. ഇ​വി​ട​ങ്ങ​ളി​ലെ ദു​രി​ത​മ​നു​ഭ​വി​ക്കു​ന്ന വീ​ടു​ക​ളി​ൽ പ​ന്ത​ളം വി​ല്ലേ​ജ് ഓ​ഫി​സ​ർ രേ​ണു​ക രാ​ജി​ന്റെ നേ​തൃ​ത്വ​ത്തി​ൽ ഭ​ക്ഷ​ണ​സാ​ധ​ന​ങ്ങ​ൾ എ​ത്തി​ച്ചു​ന​ൽ​കി.

മൂന്ന്​ കുടുംബങ്ങളെ മാറ്റിപ്പാർപ്പിച്ചു

പ​ന്ത​ളം : മു​ടി​യൂ​ർ​ക്കോ​ണം ഭാ​ഗ​ത്ത് വെ​ള്ളം ക​യ​റി​യ​തി​നാ​ൽ ദു​രി​താ​ശ്വാ​സ ക്യാ​മ്പി​ലേ​ക്ക് മൂ​ന്ന്​ കു​ടും​ബ​ത്തെ മാ​റ്റി​പ്പാ​ർ​പ്പി​ച്ചു.മു​ടി​യൂ​ർ​ക്കോ​ണം, നാ​ഥാ​ന​ടി, രാ​ധാ​മ​ണി (55), കൃ​ഷ്ണ​പി​ള്ള (85), ലൈ​ല ബീ​വി (70) എ​ന്നി​വ​രു​ടെ കു​ടും​ബ​ങ്ങ​ളെ മു​ടി​യൂ​ർ​ക്കോ​ണം എം.​ടി എ​ൽ.​പി സ്കൂ​ളി​ലേ​ക്കാ​ണ്​ മാ​റ്റി​യ​ത്. വെ​ള്ളി​യാ​ഴ്ച മ​ഴ മാ​റി​നി​ന്നെ​ങ്കി​ലും കി​ഴ​ക്ക​ൻ വെ​ള്ള​ത്തി​ന്‍റെ വ​ര​വ് മൂ​ലം നാ​ഥാ​ന​ടി ഭാ​ഗ​ത്ത് വീ​ടു​ക​ളി​ൽ വെ​ള്ളം ക​യ​റി​യി​രു​ന്നു. വെ​ള്ളി​യാ​ഴ്ച ഉ​ച്ച​യോ​ടെ​യാ​ണ് കു​ടും​ബ​ങ്ങ​ളെ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി​യ​ത്.

നീ​ക്കാ​തെ ന​ദി​ക​ളി​ൽ അ​ടി​ഞ്ഞു​കൂ​ടി​യ മ​ണ്ണ്​

2018ലെ ​പ്ര​ള​യ ശേ​ഷം ജി​ല്ല​യി​ലെ ന​ദി​ക​ളി​ൽ അ​ടി​ഞ്ഞു​കൂ​ടി​യ മ​ണ്ണ് നീ​ക്കം ചെ​യ്യാ​ൻ മേ​ജ​ർ ഇ​റി​ഗേ​ഷ​ൻ വ​കു​പ്പ് പ​ദ്ധ​തി ന​ട​പ്പാ​ക്കി​യി​രു​ന്നു. വെ​ള്ള​പ്പൊ​ക്കം പ്ര​തി​രോ​ധി​ക്കാ​നാ​യി​രു​ന്നു ഇ​ത്. 2.17 കോ​ടി രൂ​പ​യാ​ണ് ചെ​ല​വ​ഴി​ച്ച​ത്.

അ​ച്ച​ൻ​കോ​വി​ലാ​റ്റി​ൽ തു​മ്പ​മ​ൺ അ​മ്പ​ല​ക്ക​ട​വ് മു​ത​ൽ പ​ന്ത​ളം മ​ഹാ​ദേ​വ​ർ ക്ഷേ​ത്ര​ക്ക​ട​വ് വ​രെ മ​ണ്ണ് നീ​ക്കി. മ​ണ്ണാ​ക​ട​വ്, വാ​ഴു​വേ​ലി​ൽ ക​ട​വു​ക​ളി​ൽ നി​ന്ന്​ വ​ൻ തോ​തി​ലാ​ണ് മ​ണ്ണ് നീ​ക്കി​യ​ത്.

എ​ന്നാ​ൽ, യ​ന്ത്ര​സ​ഹാ​യ​ത്തോ​ടെ നീ​ക്കി​യ മ​ണ്ണ് ആ​റ്റു​തീ​ര​ത്ത് ത​ന്നെ സൂ​ക്ഷി​ച്ചു. 2020 ജൂ​ണി​ലാ​യി​രു​ന്നു ജോ​ലി​ക​ൾ. തൊ​ട്ടു പി​ന്നാ​ലെ​യെ​ത്തി​യ മ​ഴ​യി​ൽ മ​ണ്ണി​ന്റെ ഏ​റി​യ ഭാ​ഗ​വും ആ​റ്റി​ൽ പ​തി​ച്ചു. ഇ​തി​ലൂ​ടെ കോ​ടി​ക​ൾ ന​ഷ്ട​മാ​യ​ത് മാ​ത്രം മി​ച്ചം.