മാല മോഷ്ടാവ് എന്ന് കരുതുന്ന ആളിന്റെ സി.സി ടി.വി ദൃശ്യങ്ങൾ പൊലീസ് പുറത്തുവിട്ടപ്പോൾ
പന്തളം: വഴിയാത്രക്കാരുടെ മാല അപഹരിച്ച സംഭവത്തിൽ പൊലീസ് അന്വേഷണം സി.സി ടി.വി കാമറ കേന്ദ്രീകരിച്ച്. കഴിഞ്ഞ ദിവസം പന്തളം എൻ.എസ്.എസ് കോളജിന് സമീപം ഇടവഴിയിൽ സഹോദരിക്കൊപ്പം നടന്നുപോകുകയായിരുന്ന പന്തളം എൻ.എസ്.എസ് ട്രെയിനിങ് കോളജിലെ ജീവനക്കാരി പന്തളം കടയക്കാട് അനീഷ് ഭവനിൽ തങ്കമണിയുടെ (54) രണ്ടര പവൻ സ്വർണമാല ബൈക്കിലെത്തിയ ആൾ അപഹരിക്കുകയായിരുന്നു.
പന്തളം പൊലീസ് കോളജിനു സമീപത്തുള്ള സി.സി ടി.വി കാമറകളും റോഡിലേക്കുള്ള കാമറകളും പരിശോധിച്ചെങ്കിലും ആളെക്കുറിച്ച് വ്യക്തത ലഭിച്ചിട്ടില്ല. മാല പറിച്ച ആളുടെ ദൃശ്യങ്ങൾ പൊലീസ് പുറത്തുവിട്ടിട്ടുണ്ട്. സ്പ്ലെൻഡർ ബൈക്കും കാവിക്കൈലിയും ആണ് വേഷം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.