എങ്ങുമെത്താതെ മുന്നൊരുക്കങ്ങൾ

പ​ന്ത​ളം: കേ​ര​ള​ത്തെ ഒ​ന്നാ​കെ മു​ക്കി​ക്ക​ള​ഞ്ഞ​താ​യി​രു​ന്നു 2018 ആ​ഗ​സ്റ്റി​ലെ വെ​ള്ള​പ്പൊ​ക്കം, 1924ലെ ​പ്ര​ള​യ​ത്തി​നു ശേ​ഷം ഏ​റ്റ​വും വ​ലി​യ വെ​ള്ള​പ്പൊ​ക്ക ദു​ര​ന്ത​ത്തി​നാ​ണ് 2018 സാ​ക്ഷ്യം വ​ഹി​ച്ച​ത്. 2018 ആ​ഗ​സ്റ്റ് 15ന് ​ജി​ല്ല​യു​ടെ കി​ഴ​ക്ക​ൻ മേ​ഖ​ല​യി​ൽ ഉ​ണ്ടാ​യ ശ​ക്ത​മാ​യ മ​ഴ​യി​ൽ 16ന് ​പു​ല​ർ​ച്ച​യോ​ടെ ജി​ല്ല​യി​ൽ ഏ​റ്റ​വും താ​ഴ്ന്ന പ്ര​ദേ​ശ​മാ​യ പ​ന്ത​ള​ത്തേ​ക്ക് വെ​ള്ളം ഇ​ര​ച്ചെ​ത്തി​യ​തോ​ടെ പ്ര​ള​യ​മാ​യി പ​ന്ത​ളം മാ​റി. 2018 ആ​ഗ​സ്റ്റ് 16, 17 തീ​യ​തി​ക​ളി​ൽ പ​ന്ത​ളം ജ​ങ്​​ഷ​നി​ൽ വെ​ള്ള​ത്തി​ൽ മു​ങ്ങി. ഡാ​മു​ക​ൾ തു​റ​ന്നു​വി​ട്ട​താ​ണ് വെ​ള്ള​പ്പൊ​ക്ക​ത്തി​ന് കാ​ര​ണ​മെ​ന്ന് വി​മ​ർ​ശ​നം ഉ​ണ്ടാ​യെ​ങ്കി​ലും അ​ച്ച​ൻ​കോ​വി​ലാ​റ്റി​ൽ ഡാ​മു​ക​ൾ ഇ​ല്ല എ​ന്ന​താ​ണ് പ്ര​ത്യേ​ക​ത. ര​ണ്ടു​ദി​വ​സം പ​ന്ത​ള​ത്തെ പൂ​ർ​ണ​മാ​യും വെ​ള്ള​ത്തി​ൽ മു​ക്കി. വീ​ണ്ടും തീ​വ്ര​മ​ഴ​യെ​ത്തി​യാ​ൽ വെ​ള്ള​പ്പൊ​ക്ക​ത്തെ പ്ര​തി​രോ​ധി​ക്കാ​ൻ പ​ന്ത​ളം എ​ന്തെ​ല്ലാം മു​ൻ​ക​രു​ത​ൽ എ​ടു​ത്തി​ട്ടു​ണ്ട്​ എ​ന്ന കാ​ര്യം ഗൗ​ര​വ​മാ​യി ച​ർ​ച്ച ചെ​യ്യേ​ണ്ട​താ​ണ്. കി​ഴ​ക്ക​ൻ മേ​ഖ​ല​ക​ളി​ൽ ഉ​രു​ൾ​പൊ​ട്ടി ന​ദി​ക​ളി​ലൂ​ടെ ഒ​ഴു​കി​യെ​ത്തു​ന്ന വെ​ള്ള​മാ​ണ് മ​ഴ​ക്കാ​ല​ത്ത് പ​ന്ത​ളം ജ​ങ്​​ഷ​ന് മു​ക്കു​ന്ന​ത്. വെ​ള്ള​ക്കെ​ട്ട് അ​തി​വേ​ഗം പ​മ്പ് ചെ​യ്തു നീ​ക്കാ​ൻ 42 എ​ച്ച്.​പി ശേ​ഷി​യു​ള്ള അ​ഞ്ച്​ പ​മ്പു​ക​ൾ വി​ദേ​ശ ധ​ന​സ​ഹാ​യ​ത്തോ​ടെ സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി വാ​ങ്ങി ന​ൽ​കാ​ൻ ഉ​ദ്ദേ​ശി​ച്ചി​ട്ടു​ണ്ടെ​ങ്കി​ലും ന​ട​പ്പാ​യി​ട്ടി​ല്ല. നി​ല​വി​ൽ വി​വി​ധ പാ​ട​ശേ​ഖ​ര​സ​മി​തി​ക​ൾ​ക്ക് ന​ൽ​കി​യി​ട്ടു​ള്ള പ​മ്പു​ക​ൾ വെ​ള്ള​പ്പൊ​ക്ക​മു​ണ്ടാ​യാ​ൽ ദു​ര​ന്ത​നി​വാ​ര​ണ അ​തോ​റി​റ്റി ഏ​റ്റെ​ടു​ത്തു വെ​ള്ള​ക്കെ​ട്ട് നീ​ക്കാ​ൻ ഉ​പ​യോ​ഗി​ക്കും. ഇ​ത്ത​രം പ്ര​വ​ർ​ത്ത​ന​ങ്ങ​ൾ​ക്കാ​യി എ​ല്ലാ ത​ദ്ദേ​ശ സ്ഥാ​പ​ന​ങ്ങ​ളി​ലും 20-30 അം​ഗ​ങ്ങ​ൾ വീ​ത​മു​ള്ള എ​മ​ർ​ജ​ൻ​സി റെ​സ്പോ​ൺ​സ് ടീം (​ഇ.​ആ​ർ.​ടി) രൂ​പ​വ​ത്​​ക​രി​ക്കാ​നും തീ​രു​മാ​ന​ത്തി​ൽ ഉ​ണ്ടെ​ങ്കി​ലും ഒ​ന്നും ന​ട​പ്പാ​യി​ട്ടി​ല്ല. ക​നാ​ലു​ക​ളി​ലും തോ​ടു​ക​ളി​ലു​മെ​ല്ലാം നീ​രൊ​ഴു​ക്ക് സു​ഗ​മ​മാ​ക്കു​ക​യാ​ണ് ഇ​പ്പോ​ൾ ന​ട​ക്കു​ന്ന പ്ര​ള​യ മു​ന്നൊ​രു​ക്കം. കൃ​ഷി​ക്കു​ള്ള ജ​ല​സേ​ച​ന​ത്തി​ലും മ​റ്റും നി​ർ​മി​ച്ച ഓ​രു​മു​ട്ടു​ക​ൾ എ​ന്നു വി​ളി​ക്കു​ന്ന താ​ൽ​ക്കാ​ലി​ക ബ​ണ്ടു​ക​ൾ പൊ​ളി​ക്ക​ലും ഇ​തി​ൽ​പെ​ടും. വെ​ള്ള​പ്പൊ​ക്ക​ത്തി​നു കാ​ര​ണ​മാ​കു​ന്ന ക​നാ​ലു​ക​ളും തോ​ടു​ക​ളും മാ​ലി​ന്യം നീ​ക്കി നീ​രൊ​ഴു​ക്ക് സു​ഗ​മ​മാ​ക്കാ​നു​ള്ള ഡ്രെ​യി​നേ​ജ് പ​ദ്ധ​തി ഇ​തുവ​രെ​യും യാ​ഥാ​ർ​ഥ്യ​മാ​യി​ട്ടി​ല്ല. ഇ​പ്പോ​ഴും മ​ഴ ക​ല​ക്കു​മ്പോ​ൾ നെ​ഞ്ചി​ൽ ഭീ​തി​യോ​ടെ​യാ​ണ് പ​ല​രും ക​ഴി​യു​ന്ന​ത്.