കൊടുങ്ങല്ലൂർ: മാടവന മസ്ജിദുൽ ബദ്രിയ്യ മഹല്ല് ജമാ അത്ത് കമ്മിറ്റിയുടെ ആഭിമുഖ്യത്തിൽ വിദ്യാഭ്യാസ അവാർഡ് വിതരണം നടത്തി. എസ്.എസ്.എൽ.സി, പ്ലസ് ടു, ബിരുദ പരീക്ഷകളിലെ വിജയികളെയും പ്രഫഷനൽ മേഖലയിൽ മികവ് തെളിയിച്ച വിദ്യാർഥികളെയും ചടങ്ങിൽ അനുമോദിച്ചു. അസീസിയ കോൺഫറൻസ് ഹാളിൽ നടന്ന പരിപാടി മഹല്ല് പ്രസിഡൻറ് എം.എ. അബ്ദുൽ അക്ബർ ഉദ്ഘാടനം ചെയ്തു. വൈസ് പ്രസിഡൻറ് കെ.കെ. ഇബ്രാഹീം കുട്ടി അധ്യക്ഷതവഹിച്ചു. വി.എ. മുഹമ്മദാലി, കെ.കെ. ബഷീർ കൊണ്ടാമ്പുള്ളി, കെ.എം. ഷിഹാബ് എന്നിവർ സംസാരിച്ചു. ചാർട്ടേഡ് അക്കൗണ്ടൻറ് യോഗ്യത നേടിയ കെ.എ. അൻഷാദ്, കോവിഡ് പ്രതിരോധ പ്രവർത്തനങ്ങളിൽ നിസ്വാർഥ സേവനം നടത്തിയ മഹല്ല് കർമസമിതി അംഗങ്ങളായ കെ.എ. ബഷീർ, പി.എം. അഷ്റഫ് എന്നിവരെയും ചടങ്ങിൽ ആദരിച്ചു. മഹല്ല് സെക്രട്ടറി പി.എം. മുഹമ്മദ് അഫ്സൽ സ്വാഗതവും ട്രഷറർ കെ.എം. മുഹിയിദ്ദീൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.