ക​ളി​യി​ൽ രാ​ഷ്​​ട്രീ​യം ക​ല​ർ​ത്താ​തെ മ​റ​ഡോ​ണ ആ​രാ​ധ​ക​ൻ

ചാ​ല​ക്കു​ടി: ക​ളി​ക്ക​ളം നി​ർ​മി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ന​ഗ​ര​സ​ഭ യോ​ഗ​ത്തി​ൽ ജ​ഴ്സി​യ​ണി​ഞ്ഞ് ഫു​ട്ബാ​ളു​മാ​യി വ​ന്ന് പ്ര​തി​ഷേ​ധി​ച്ച മ​റ​ഡോ​ണ ആ​രാ​ധ​ക​നാ​യ അ​ഡ്വ. ബി​ജു എ​സ്. ചി​റ​യ​ത്തി​ന് ദുഃ​ഖ ദി​ന​ങ്ങ​ളാ​ണി​പ്പോ​ൾ. പ്രി​യ താ​ര​ത്തിെൻറ അ​പ്ര​തീ​ക്ഷി​ത​മാ​യ വേ​ർ​പാ​ട് തെ​ര​ഞ്ഞെ​ടു​പ്പ് പ്ര​ചാ​ര​ണ​ചി​ന്ത​ക​ൾ​ക്കി​ട​യി​ലും യു.​ഡി.​എ​ഫ് സ്ഥാ​നാ​ർ​ഥി​യാ​യ ബി​ജു​വി​നെ അ​ല​ട്ടു​ന്നു. വി​ദ്യാ​ർ​ഥി​യാ​യി​രി​ക്കു​ന്ന കാ​ല​ത്താ​ണ് ഡീ​ഗോ മ​റ​ഡോ​ണ ബി​ജു​വി​െൻറ മ​ന​സ്സി​ൽ ആ​രാ​ധ​ന​യു​ടെ ക​ളി​ക്ക​ളം തീ​ർ​ത്ത​ത്. 1986ലെ ​ലോ​ക​ക​പ്പ് മ​ത്സ​ര​ത്തി​ലാ​ണ് ആ ​ഫു​ട്ബാ​ൾ ദൈ​വം കാ​യി​ക താ​ര​മാ​യ ബി​ജു​വി​നെ വി​സ്മ​യി​പ്പി​ച്ച​ത്. മ​റ്റ് രാ​ജ്യ​ങ്ങ​ളു​ടെ ടീ​മി​ൽ ര​ണ്ടോ മൂ​ന്നോ ക​ളി​ക്കാ​രു​ടെ കൂ​ട്ടാ​യ്മ​യാ​ണ് വി​ജ​യം കൊ​യ്യാ​റ്. എ​ന്നാ​ൽ ഒ​റ്റ​ക്ക്​ അ​ർ​ജ​ൻ​റീ​ന എ​ന്ന ടീ​മി​നെ വി​ജ​യ​ത്തി​ലെ​ത്തി​ച്ച മ​റ​ഡോ​ണ​യു​ടെ വൈ​ഭ​വം മ​ന​സ്സി​ൽ എ​ന്നും പ്ര​ചോ​ദ​ന​മാ​യി​രു​ന്നു.

ചാ​ല​ക്കു​ടി ക​ർ​മ​ൽ സ്കൂ​ൾ ഗ്രൗ​ണ്ടി​ൽ പ​ന്ത് ത​ട്ടി​ക്ക​ളി​ച്ച് ബി​ജു​വി​ലെ ഫു​ട്ബാ​ള​ർ വ​ള​ർ​ന്നു. പി​ന്നീ​ട് ഇ​രി​ങ്ങാ​ല​ക്കു​ട ക്രൈ​സ്​​റ്റ്​ കോ​ള​ജ് ഫു​ട്ബാ​ൾ ടീ​മി​ൽ അം​ഗ​മാ​യി ബി​ജു. തു​ട​ർ​ന്ന് കോ​ള​ജ് ഇ​ല​ക്ഷ​നി​ൽ ജ​ന​റ​ൽ ക്യാ​പ്റ്റ​നാ​യി തെ​ര​ഞ്ഞെ​ടു​ക്ക​പ്പെ​ട്ടു. ഇ​തൊ​രു തു​ട​ക്ക​മാ​യി​രു​ന്നു. ഫു​ട്ബാ​ളു​മാ​യി ബ​ന്ധ​പ്പെ​ട്ടാ​ണ് തെ​ര​ഞ്ഞെ​ടു​പ്പ് രാ​ഷ്​​ട്രീ​യ​ത്തി​ലേ​ക്ക് കാ​ലെ​ടു​ത്ത് വെ​ക്കു​ന്ന​ത്. ഫു​ട്ബാ​ൾ മേ​ള​ക​ളു​ടെ മി​ക​ച്ച സം​ഘാ​ട​ക​നാ​ണ്. ചാ​ല​ക്കു​ടി​യി​ലെ ഫു​ട്ബാ​ൾ ക്ല​ബാ​യ സോ​ക്ക​ർ ഫേ​യ്സിെൻറ സ്ഥാ​പ​ക പ്ര​സി​ഡ​ൻ​റാ​ണ്. നി​ല​വി​ൽ കേ​ര​ള ഫു​ട്ബാ​ൾ അ​സോ​സി​യേ​ഷ​ൻ ജി​ല്ല വൈ​സ് പ്ര​സി​ഡ​ൻ​റ് കൂ​ടി​യാ​ണ്.

2005ലാ​ണ് ചാ​ല​ക്കു​ടി ന​ഗ​ര​സ​ഭ തെ​ര​ഞ്ഞെ​ടു​പ്പിെൻറ ക​ളി​ക്ക​ള​ത്തി​ൽ അ​ങ്കം കു​റി​ച്ച​ത്. 2010ലും 2015​ലും മ​ത്സ​രി​ച്ചു. മൂ​ന്ന് മ​ത്സ​ര​ത്തി​ലും ചു​വ​പ്പു​കാ​ർ​ഡ് ക​ണ്ട് പു​റ​ത്താ​കേ​ണ്ടി വ​ന്നി​ട്ടി​ല്ല. മൂ​ന്ന് ത​വ​ണ​യും വി​ജ​യി​ച്ചു. കാ​ൽ​പ്പ​ന്തു​ക​ളി​യി​ലാ​യാ​ലും രാ​ഷ്​​ട്രീ​യ​ത്തി​ലാ​യാ​ലും ഒ​രി​ക്ക​ലും ഫൗ​ൾ​ക​ളി ബി​ജു​വി​ന​റി​യി​ല്ല. ഇ​ത്ത​വ​ണ നാ​ലാം റൗ​ണ്ട് മ​ത്സ​ര​മാ​ണ്. കൂ​ട​പ്പു​ഴ ആ​റാ​ട്ടു​ക​ട​വ് വാ​ർ​ഡാ​ണ് പു​തി​യ അ​ങ്ക​ത്ത​ട്ട്. പ്ര​ചാ​ര​ണ​ത്തിെൻറ പ​ന്തു​മാ​യി മു​ന്നേ​റു​മ്പോ​ഴാ​ണ് ചെ​റി​യ പ​രി​ക്ക് പ​റ്റി​യ​ത്. കോ​വി​ഡ് പോ​സ​റ്റി​വാ​യ​തി​നാ​ൽ പ്ര​ചാ​ര​ണ രം​ഗ​ത്തു നി​ന്ന് ത​ൽ​ക്കാ​ലം വി​ട്ടു നി​ൽ​ക്കേ​ണ്ടി വ​ന്നു. എ​ന്നാ​ൽ ഇ​പ്പോ​ൾ നെ​ഗ​റ്റി​വാ​യി​ട്ടു​ണ്ട്. നാ​ലാം ത​വ​ണ​യും തെ​ര​ഞ്ഞെ​ടു​പ്പ് വി​ജ​യ​ത്തിെൻറ ട്രോ​ഫി​യി​ൽ മു​ത്ത​മി​ടു​മെ​ന്ന പോ​സ​റ്റി​വ് ചി​ന്ത​യി​ലാ​ണ് അ​ദ്ദേ​ഹം.