കാ​ട്ടു​പോ​ത്തി​നെ കാ​ടു​ക​യ​റ്റി; ആ​ശ​ങ്ക​യ​ക​ന്ന് നാ​ട്ടു​കാ​ർ

ചാ​ല​ക്കു​ടി: ബു​ധ​നാ​ഴ്ച രാ​ത്രി​യി​ലെ നി​ര​ന്ത​ര പ​രി​ശ്ര​മ​ത്തി​നൊ​ടു​വി​ൽ കാ​ട്ടു​പോ​ത്തി​നെ കാ​ട്ടി​ലെ​ത്തി​ച്ച​താ​യി വ​ന​പാ​ല​ക​ർ. അ​തി​ര​പ്പി​ള്ളി റേ​ഞ്ച് ഓ​ഫി​സ​ർ പി.​എ​സ്. നി​ഥി​ൻ, കാ​ല​ടി റേ​ഞ്ച് ഓ​ഫി​സ​ർ അ​ശോ​ക രാ​ജ് എ​ന്നി​വ​രു​ടെ നേ​തൃ​ത്വ​ത്തി​ൽ അ​തി​ര​പ്പി​ള്ളി വ​ന​മേ​ഖ​ല​യി​ലെ കി​ളി​ക്കാ​ട് സം​ര​ക്ഷി​ത വ​ന​ത്തി​ലേ​ക്ക് ക​യ​റ്റി വി​ട്ടു. രാ​ത്രി മു​ഴു​വ​നും വാ​ഹ​ന​വ്യൂ​ഹ​ത്തി​ൽ വെ​ളി​ച്ച​വു​മാ​യി വ​ന​പാ​ല​ക​രും സ​ഹാ​യി​ക​ളും കാ​ട്ടു​പോ​ത്തി​നെ ആ​ട്ടി​ത്തെ​ളി​ച്ച് പി​ന്നാ​ലെ പോ​യാ​ണ്​ ജ​ന​വാ​സ​മേ​ഖ​ല​യി​ൽ​നി​ന്ന്​ അ​ക​റ്റി​യ​ത്.

കാ​ല​ടി റേ​ഞ്ചി​ലെ കോ​ൽ​പ്പാ​റ വ​ന​മേ​ഖ​ല​യി​ൽ നി​ന്നാ​ണ് കാ​ട്ടു​പോ​ത്ത് മേ​ലൂ​രി​ലെ​ത്തി​യ​ത്. ഇ​തി​നെ ആ​ദ്യം ക​ണ്ടെ​ത്തി​യ കാ​ല​ടി റേ​ഞ്ച് ഓ​ഫി​സ​ർ കാ​ട്ടി​ലേ​ക്ക് ക​യ​റ്റി വി​ട്ടെ​ങ്കി​ലും പി​ന്നീ​ട് വീ​ണ്ടും ജ​ന​വാ​സ മേ​ഖ​ല​യി​ൽ എ​ത്തു​ക​യാ​യി​രു​ന്നു.

മേ​ലൂ​ർ, കൊ​ര​ട്ടി പ​ഞ്ചാ​യ​ത്തു​ക​ളി​ൽ ആ​ശ​ങ്ക പ​ര​ത്തി ബു​ധ​നാ​ഴ്ച മു​ഴു​വ​നും അ​ല​ഞ്ഞു തി​രി​ഞ്ഞെ​ങ്കി​ലും നാ​ശ​ന​ഷ്ട​മൊ​ന്നും ഉ​ണ്ടാ​ക്കി​യി​രു​ന്നി​ല്ല. ബു​ധ​നാ​ഴ്ച വൈ​കീ​ട്ട് കൊ​ര​ട്ടി ഇ​ന്ത്യാ പ്ര​സ് വ​ള​പ്പി​ലെ മ​തി​ൽ കെ​ട്ടി​നു​ള്ളി​ൽ വ​ച്ച് ഇ​തി​നെ മ​യ​ക്കു​വെ​ടി ​െവ​ച്ച് കാ​ട്ടി​ൽ കൊ​ണ്ടു വി​ടാ​നാ​യി​രു​ന്നു വ​ന​പാ​ല​ക​രു​ടെ പ​ദ്ധ​തി. എ​ന്നാ​ൽ മ​യ​ക്കു​വെ​ടി വെ​ക്കാ​ൻ ശ്ര​മി​ക്കു​ന്ന​തി​നി​ടെ പോ​ത്ത് ചാ​ടി ര​ക്ഷ​പ്പെ​ടു​ക​യാ​യി​രു​ന്നു. തു​ട​ർ​ന്ന് നാ​ലു​കെ​ട്ട് ഭാ​ഗ​ത്തേ​ക്ക് പോ​യി. രാ​ത്രി​യി​ൽ പൊ​തു​വ​ഴി​യി​ലി​റ​ങ്ങി​യ​തോ​ടെ ജ​ന​ങ്ങ​ൾ ഭീ​തി​യി​ലാ​ണ്ടു. തു​ട​ർ​ന്ന്​ വ​ന​പാ​ല​ക​ർ കാ​ട്ടു​പോ​ത്തി​നെ വി​ടാ​തെ പി​ന്തു​ട​രു​ക​യാ​യി​രു​ന്നു.