സങ്കടം കണ്ടുനിൽക്കാനായില്ല; തിരച്ചിലിന് പുഴയിലിറങ്ങി എസ്.ഐ

ചെ​റു​തു​രു​ത്തി: ഭാരതപ്പുഴയിൽ ഒഴുക്കിൽപ്പെട്ട ജസ്റ്റി​ന്റെ പി​താ​വി​ന്റെ​യും ബ​ന്ധു​ക്ക​ളു​ടെ​യും സങ്കടം നാട്ടുകാരെയും ഉദ്യോഗസ്ഥരെയും കണ്ണീരണിയിച്ചു. സങ്കടം ക​ണ്ടു​നി​ൽ​ക്കാ​നാവാതെ ചെറുതുരുത്തി എ​സ്.​ഐ​ ആ​ർ. നി​ഖി​ലും തിരച്ചിലിന് പുഴ​യി​ലിറ​ങ്ങി. തിങ്കളാഴ്ച ഏ​ഴു​ മ​ണി​ക്കൂ​റോളം നടത്തിയ തി​ര​ച്ചി​ലിനൊടുവിൽ എ​സ്.​ഐ ഉൾപ്പെട്ട സംഘം മൃ​ത​ദേ​ഹം ക​ണ്ടെ​ടു​ത്തു.

ശ​നി​യാ​ഴ്ച വൈ​കീ​ട്ട് ബ​ന്ധു​ക്ക​ളോ​ടൊ​പ്പം പൈ​ങ്കു​ളം വാ​ഴാ​ലി​ക്കാ​വ് ക്ഷേ​ത്ര​ത്തി​ന് സ​മീ​പം കു​ളി​ക്കാ​നിറ​ങ്ങി​യ ച​ങ്ങ​നാ​ശ്ശേ​രി അ​ഞ്ച​മ്പി​ൽ വീ​ട്ടി​ൽ മാ​ത്യു​വി​ന്റെ മ​ക​ൻ ജ​സ്റ്റി​ൻ മാ​ത്യു​വി​നെ (34) ഒ​ഴു​ക്കി​ൽ​പ്പെ​ട്ട് കാ​ണാ​താ​വു​ക​യാ​യി​രു​ന്നു. ശ​നി​യാ​ഴ്ച വൈ​കീ​ട്ട് 8.30 വ​രെ എ​സ്.​ഐ​യു​ടെ നേ​തൃ​ത്വ​ത്തി​ൽ തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. ഞാ​യ​റാ​ഴ്ച രാ​വി​ലെ പ​ത്തി​ന് തി​ര​ച്ചി​ൽ ന​ട​ത്തു​ന്ന ഭാ​ര​ത​പ്പു​ഴ​ക്ക് സ​മീ​പം എ​സ്.​ഐ എ​ത്തി​യ​പ്പോ​ൾ അസുഖബാധിതനായ പി​താ​വ് മാ​ത്യു അവിടെയെത്തി​യി​രു​ന്നു. ജസ്റ്റിന്റെ സഹോദരിമാരുടെ ഭ​ർ​ത്താ​ക്ക​ന്മാ​രാ​യ ചാ​ൾ​സും ജോ​ൺ​സ​നും മ​റ്റു ബ​ന്ധു​ക്ക​ളും കൂടെയുണ്ടായിരുന്നു.

ഇ​തു​വ​രെ തി​ര​ച്ചി​ൽ ന​ട​ത്തി​യി​ട്ടും ഒ​രു പ്ര​യോ​ജ​ന​വും കാ​ണു​ന്നി​ല്ലെ​ന്ന് ബന്ധുക്കൾ സങ്കടത്തോടെ പ​റ​ഞ്ഞ​തോ​ടെ എ​സ്.​ഐ ഡ്യൂ​ട്ടി ഡ്ര​സ് മാ​റ്റി ഷൊ​ർ​ണൂ​ർ അ​ഗ്നി​ര​ക്ഷ ഉ​ദ്യോ​ഗ​സ്ഥ​രു​ടെ കൈ​യി​ൽ​നി​ന്ന് ഡ്ര​സ് വാ​ങ്ങി പു​ഴ​യി​ലിറ​ങ്ങു​ക​യാ​യി​രു​ന്നു. എ​സ്.​ഐ സെ​ല​ക്ഷ​ൻ കി​ട്ടു​ന്ന​തി​നു​മു​മ്പ് 2014ൽ ​കാ​സ​ർ​കോ​ട് അ​ഗ്നി​ര​ക്ഷാ​സേ​ന​യി​ൽ മു​ങ്ങ​ൽ ഉ​ദ്യോ​ഗ​സ്ഥ​നായി​രു​ന്നു. ആ ​ക​ഴി​വ് വെ​ച്ചു​കൊ​ണ്ടാ​ണ് ഭാ​ര​ത​പ്പു​ഴ​യി​ൽ മു​ങ്ങാ​നാ​യി ഇ​റ​ങ്ങി​യ​ത്. ഏ​ഴു​മ​ണി​ക്കൂ​ർ ഭാ​ര​ത​പ്പു​ഴ​യി​ൽ മ​റ്റു​ള്ള​വ​രോ​ടൊ​പ്പം എ​സ്.​ഐ​യും ന​ട​ത്തിയ തി​ര​ച്ചി​ലിലാ​ണ് മൃ​ത​ദേ​ഹം വൈ​കീ​ട്ട് അ​ഞ്ചോ​ടെ ല​ഭി​ച്ച​ത്. എ​സ്.​ഐ​യു​ടെ പ്ര​വൃ​ത്തി​യി​ൽ മു​ൻ എം.​പി ര​മ്യ ഹ​രി​ദാ​സും മ​റ്റു രാ​ഷ്ട്രീ​യ നേ​താ​ക്ക​ന്മാ​രും നാ​ട്ടു​കാ​രും അ​ഭി​ന​ന്ദ​മറി​യി​ച്ചു.