എക്സ്​പ്ലോസിവ് ചട്ടം: ഭേദഗതിക്ക് സമ്മർദനീക്കവുമായി ഉത്സവ സംഘാടകർ

തൃ​ശൂ​ർ: ഉ​ത്സ​വാ​ഘോ​ഷ​ങ്ങ​ളി​ലെ വെ​ടി​ക്കെ​ട്ട് പ്ര​തി​സ​ന്ധി​ക്ക് എക്സ്​പ്ലോസിവ് ച​ട്ട​ഭേ​ദ​ഗ​തി​ക്ക് സ​മ്മ​ർ​ദ​വു​മാ​യി ഉ​ത്സ​വ സം​ഘാ​ട​ക​ർ. നാ​ട്ടാ​ന​ക​ളെ സം​സ്ഥാ​ന​ത്തി​ന് പു​റ​ത്തു​നി​ന്ന്​ എ​ത്തി​ക്കാ​നും ആ​ന കൈ​മാ​റ്റ​ത്തി​നു​മു​ണ്ടാ​യി​രു​ന്ന വി​ല​ക്ക് നീ​ക്കാ​ൻ ച​ട്ടം കൊ​ണ്ടു​വ​ന്ന​തി​ന് സ​മാ​ന​മാ​യി വെ​ടി​ക്കെ​ട്ടി​നും ച​ട്ട​ത്തി​ൽ ഭേ​ദ​ഗ​തി വേ​ണ​മെ​ന്നാ​ണ് ആ​വ​ശ്യം.

ആ​ന കൈ​മാ​റ്റ ഭേ​ദ​ഗ​തി​ക്ക് സ​മ്മ​ർ​ദ​മു​യ​ർ​ന്ന തൃ​ശൂ​രി​ൽ​നി​ന്നു​ത​ന്നെ​യാ​ണ് പു​തി​യ നീ​ക്ക​വും. 2008ലെ ​എക്സ്​പ്ലോസിവ് ച​ട്ടം കേ​ര​ള​ത്തി​ലെ ഉ​ത്സ​വാ​ഘോ​ഷ​ങ്ങ​ൾ​ക്ക് അ​നു​യോ​ജ്യ​മ​ല്ലെ​ന്നും ഉ​ത്ത​രേ​ന്ത്യ​ൻ ഉ​ത്സ​വാ​ഘോ​ഷ​ങ്ങ​ളാ​യ ദീ​പാ​വ​ലി, ദ​സ​റ എ​ന്നി​വ​ക്ക് ചേ​ർ​ന്ന​താ​ണെ​ന്നും മാ​റ്റം വ​രു​ത്ത​ണ​മെ​ന്നു​മാ​ണ് ആ​വ​ശ്യം.

വ​ട​ക്കാ​ഞ്ചേ​രി ഉ​ത്രാ​ളി​ക്കാ​വ് പൂ​ര പ​ങ്കാ​ളി​യാ​യ കു​മ​ര​നെ​ല്ലൂ​ർ ദേ​ശ​ത്തി​ന്റെ അ​വ​ലോ​ക​ന യോ​ഗ​ത്തി​ൽ ഈ ​നി​ർ​ദേ​ശ​മു​യ​ർ​ന്നു. ഇ​തു​മാ​യി ബ​ന്ധ​പ്പെ​ട്ട് വി​വി​ധ ദേ​വ​സ്വ​ങ്ങ​ളു​ടെ​യും ഉ​ത്സ​വ ആ​ഘോ​ഷ സം​ഘാ​ട​ക​രു​ടെ​യും യോ​ഗം ചേ​ർ​ന്ന് കേ​ന്ദ്ര -സം​സ്ഥാ​ന സ​ർ​ക്കാ​റു​ക​ളെ സ​മീ​പി​ക്കാ​നാ​ണ് നീ​ക്കം. ഈ ​വ​ർ​ഷ​ത്തെ ഉ​ത്സ​വ സീ​സ​ൺ ആ​രം​ഭി​ച്ച​പ്പോ​ൾ മു​ത​ൽ നേ​രി​ട്ട​ത് വെ​ടി​ക്കെ​ട്ട് നി​യ​മ ത​ട​സ്സ​ങ്ങ​ളാ​യി​രു​ന്നു. വ​ൻ തു​ക മു​ട​ക്കി ഒ​രു​ക്ക​ങ്ങ​ളെ​ല്ലാം പൂ​ർ​ത്തി​യാ​ക്കി സു​ര​ക്ഷ​ക്ര​മീ​ക​ര​ണ​ങ്ങ​ൾ വ​രെ സ​ജ്ജ​മാ​ക്കി​യി​ട്ടും അ​നു​മ​തി നി​ഷേ​ധി​ച്ച സം​ഭ​വം വ​രെ​യു​ണ്ടാ​യി.